ເປີດຂະບວນການແຂ່ງຂັນ 5 ເປັນເຈົ້າ ຂອງວິທະຍາໄລເຕັກນິກແຂວງວຽງຈັນ

ສະຫະພັນກຳມະບານຮາກຖານວິທະຍາໄລເຕັກນິກແຂວງວຽງຈັນ ເປີດຂະບວນການແຂ່ງຂັນ 5 ເປັນເຈົ້າຂື້ນໃນວັນທີ 02 / 11 / 2018 ຜ່ານມາຢູ່ທີ່ສະໂມສອນ ຂອງວິທະຍາໄລ ດັ່ງກ່າວ.

ເປັນກຽດເຂົ້າຮ່ວມໃນພິທີຄັ້ງນີ້ ຂອງທ່ານ ຈັນສະໝອນຈັນທາທອນ ຮອງປະທານສະຫະພັນກຳມະບານແຂວງວຽງຈັນ, ທ່ານ ທອງຫລໍ່ ວິໄລທອງ ຮັກສາການແທນເລຂາຄະນະພັກຮາກຖານ, ຮັກສາການແທນອຳນວຍການວິທະຍາໄລເຕັກນິກແຂວງວຽງຈັນ, ທ່ານ ບຸນຕາ ອຸທອນຮັກ ຮອງອຳນວຍການວິທະຍາໄລເຕັກນິກແຂວງວຽງຈັນ ປະທານສະຫະພັນກຳມະບານຮາກຖານວິທະຍາໄລເຕັກນິກແຂວງວຽງຈັນ ມີຕາງໜ້າອົງການຈັດຕັ້ງຊາວໜຸ່ມ – ແມ່ຍິງ, ບັນດາຄູອາຈານ ແລະ ສະມາຊິກກຳມະບານເຂົ້າຮ່ວມທັງໝົດ 270 ສະຫາຍ, ຍິງ 185 ສະຫາຍ.

ໃນພິທີໄດ້ຜ່ານຂໍ້ຕົກລົງຂອງປະທານສະຫະພັນກຳມະບານແຂວງວຽງຈັນ ວ່າດ້ວຍ ການອະນຸມັດເປີດກອງປະຊຸມສະຫລຸບຂະບວນການແຂ່ງຂັນ 5 ເປັນເຈົ້າ ແລະ ໄດ້ຜ່ານບົດສະຫລຸບຫຍໍ້ຂອງການຈັດຕັ້ງປະຕິບັດວຽກງານກຳມະບານໃນໄລຍະຜ່ານມາ ແລະ ຄາດໝາຍສູ້ຊົນຂໍ້ແຂ່ງຂັນ 5 ເປັນເຈົ້າໃຫ້ພະນັກງານສະມາຊິກກຳມະບານທັງໝົດໄດ້ຮັບຮູ້ ແລະ ເຂົ້າໃຈເພຶ່ອເຮັດໃຫ້ແຜນການບັນລຸຕາມລະດັບຄາດໝາຍ

ຄະນະສະຫະພັນກຳມະບານຮາກຖານ ໄດ້ວາງຄາດໝາຍສູ້ຊົນໃຫ້ແຕ່ລະກຳມະບານຮາກຖານຂື້ນກັບ ໃຫ້ເປັນເຈົ້າໃນການຊຸກຍູ້, ຕິດຕາມກວດກາ, ການເຄື່ອນໄຫວຂອງສະມາຊິກກຳມະບານພ້ອມທັງມີການປະເມີນ, ສ່ອງແສງລາຍງານ ແລະ ຂໍທິດຊີ້ນຳຈາກຂັ້ນເທິງເປັນແຕ່ລະໄລຍະ

່ທັ້ງນີ້ກໍ່ເພຶ່ອແນໃສ່ສ້າງສະມາຊິກກຳມະບານແຕ່ລະສະຫາຍໃຫ້ກາຍເປັນສະມາຊິກກຳມະບານ 5 ເປັນເຈົ້າໃຫ້ກວມ 90% ຂອງບັນດາສະມາຊິກທັງໝົດພາຍໃນສະຫະພັນກຳມະບານຮາກຖານ, ຈາກນັ້ນໄດ້ມີການສະຫລຸບລາຍງານການປະເມີນສະມາຊິກກຳມະບານ 5 ເປັນເຈົ້າໃນຮອບທີ I – II ຂອງປີ 2017 – 2018 ແມ່ນໄດ້ 90%.

ຈາກນັ້ນໄດ້ຮັບໃບຢັ້ງຢືນ 5 ເປັນເຈົ້າຈາກສະຫະພັນກຳມະບານແຂວງວຽງຈັນ, ແລະ ໄດ້ມອບໃບຢັ້ງຢືນຂໍ້ແຂ່ງຂັນ 5 ເປັນເຈົ້າ ປະຈຳປີ 2017 – 2018 ຂອງສະຫະພັນກຳມະບານຮາກຖານໃຫ້ 07 ກຳມະບານຮາກຖານທິ່ຂື້ນກັບ ເພຶ່ອເປັນການຢັ້ງຢືນເຖິງຜົນງານທິ່ຍາດມາໄດ້ ແລະ ພ້ອມກັນເອົາໃຈໃສ່ຈັດຕັ້ງປະຕິບັດຢ່າງຕັ້ງໜ້າ.

ຕອນທ້າຍຂອງພິທີດັ່ງກ່າວ, ຍັງໄດ້ຮັບຟັງການໂອ້ລົມຂອງ ທ່ານ ທອງຫລໍ່ ວິໄລທອງ ທ່ານໄດ້ຍ້ອງຍໍຊົມເຊີຍຕໍ່ຜົນງານທີ່ຍາດມາໄດ້ໃນໄລຍະຜ່ານມາທິ່ໄດ້ພ້ອມກັນຈັດຕັ້ງປະຕິບັດ, ທ່ານຍັງໄດ້ຮຽກຮ້ອງໃຫ້ທຸກຄົນຈົ່ງພ້ອມກັນຕ້ານ ແລະ ສະກັດກັ້ນປະກົດການຫຍໍ້ທໍ້ຕ່າງໆ,

ເອົາໃຈໃສ່ວຽກງານສຶກສາອົບຮົມການເມືອງແນວຄິດ, ຈົ່ງພ້ອມກັນເອົາໃຈໃສ່ປະຕິບັດຕາມພາລະບົດບາດ, ສິດ ແລະ ໜ້າທີ່ຂອງຕົນໂດຍຕິດພັນກັບ ຂໍ້ແຂ່ງຂັນ 5 ເປັນເຈົ້່າ, ພ້ອມກັນປົກປ້ອງສິດຜົນປະໂຫຍດອັນຊອບທຳຂອງສະມາຊິກກຳມະບານ, ໃຫ້ມີຄວາມກ້າຫານໃນການປະກອບຄຳຄິດ, ຄຳເຫັນ ແລະ ຮູ້ການຕຳນິໝູ່ເພຶ່ອນ, ມີການປຶກສາຫາລືພ້ອມກັນແກ້ໄຂບັນຫາ ຊອກຫາວິທີທາງອອກໃຫ້ແທດເໝາະເປັນຕົ້ນແມ່ນການສິດສອນ,

ການໃຫ້ຄວາມຮູ້ແກ່ນັກຮຽນ, ສະມາຊິກກຳມະບານທຸກສະຫາຍຕ້ອງເອົາໃຈໃສ່ປະຕິບັດ 5 ຂໍ້ແຂ່ງຂັນດັ່ງກ່າວໃຫ້, ໃນການພັດທະນາຕົນເອງຮອບດ້ານ, ຕ້ອງມີຫົວຄິດປະດິດສ້າງ ປະຕິບັດສິດ, ໜ້າທີ່ພັນທະໂດຍຢຶດໝັ້ນຫລັກການລວມສູນປະຊາທິປະໄຕ ຮັກສາໄດ້ຄວາມສາມັກຄີເປັນປຶກແຜ່ນແໜ້ນໜາ.

ຂ່າວ: ໄຊປັນຍາ

Leave a Reply

Your email address will not be published. Required fields are marked *