ກອງປະຊຸມທາບທາມຄັດເລືອກບຸກຄະລະກອນຄະນະບໍລິຫານງານສະຫະພັນກຳມະບານເມືອງຊຸດທີ VII

ເພື່ອປະຕິບັດຕາມຄຳສັ່ງແນະນຳ ຂອງຄະນະບໍລິຫານງານສະຫະພັນກຳມະບານແຂວງວຽງຈັນ ວ່າດ້ວຍ ການກະ ກຽມດຳເນີນກອງປະຊຸມໃຫຍ່ຂອງຄະນະບໍລິຫານງານສະຫະພັນກຳມະບານເມືອງ, ກຳມະບານຮາກຖານໃນທົ່ວແຂວງວຽງຈັນ

ໃນລະຫວ່າງກາງເດືອນຕຸລາ 2018 ຜ່ານມາ, ຢູ່ທີ່ຫ້ອງປະຊຸມຂອງຫ້ອງວ່າການປົກຄອງເມືອງເຟືອງ, ໄດ້ເປີດກອງປະຊຸມທາບທາມຢັ່ງຫາງສຽງຄັດເລືອກບຸກຄະລະກອນຜູ້ທີ່ຈະສະໝັກເຂົ້າເປັນຄະນະບໍລິຫານງານສະຫະພັນກຳມະບານເມືອງເຟືອງ, ມີປະທານ – ຮອງປະທານກໍາມະບານຮາກຖານ ພ້ອມດ້ວຍພະນັກງານສະມາຊິກກຳມະບານອ້ອມຂ້າງເມືອງເຂົ້າຮ່ວມຈຳນວນ 129 ຄົນ, ຍິງ 42 ຄົນ.

ໃນກອງປະຊຸມ ທ່ານ ນາງ ສົມຄິດ ຈິດດາວົງ ຮອງປະທານສະຫະພັນກຳມະບານເມືອງເຟືອງ ໄດ້ຂຶ້ນຜ່ານຄຳສັ່ງຂອງປະທານຄະນະບໍລິຫານງານສະຫະພັນກຳມະບານແຂວງວຽງຈັນ ວ່າດ້ວຍ ການກະກຽມ ແລະ ດຳເນີນກອງປະຊຸມໃຫຍ່ຄະນະບໍລິຫານງານສະຫະພັນກຳມະບານເມືອງ, ສະຫະພັນກຳມະບານຮາກຖານ ແລະ ກຳມະບານຮາກຖານໃນທົ່ວແຂວງວຽງຈັນ, ເພຶ່ອເຮັດໃຫ້ການກະກຽມ ແລະ ດຳເນີນກອງປະຊຸມໃຫຍ່ຂອງສະຫະພັນກຳມະບານແຕ່ລະຂັ້ນມີຄວາມເປັນເອກະພາບໃນທົ່ວແຂວງວຽງຈັນ ທາງດ້ານເນື້ອໃນລາຍງານການເມືອງ, ບົດລາຍງານການເມືອງ,

ແຜນຍຸດທະສາດບຸກຄະລະກອນ ແລະ ການກຳນົດເວລາ, ຄາດໝາຍການກະກຽມ, ການດຳເນີນກອງປະຊຸມໃຫຍ່ທັງເປັນການສືບຕໍ່ສ້າງຂະບວນການເນື້ອໃນຂໍ້ແຂ່ງຂັນ 5 ເປັນເຈົ້າ ໃຫ້ເປັນຂະບວນຟົດຟື້ນ, ມີຄຸນນະພາບສູງ, ຈາກຂະບວນການ 5 ເປັນເຈົ້າຄັດເລືອກເອົາບຸກຄະລາກອນທີ່ດີເດັ່ນ, ຄົບມາດຖານເຂົ້າໃນໂຄງປະກອບບຸກຄະລາກອນສະໝັກຄະນະບໍລິຫານງານສະຫະພັນກຳມະບານເມືອງຊຸດໃໝ່,

ອອກແຮງປຸກລະດົມຂົນຂວາຍນຳພາສະມາຊິກກຳມະບານ ແລະ ມະຫາຊົນປະຕິບັດ ບັນດາຄາດໝາຍທີ່ມະຕິກອງປະຊຸມໃຫຍ່ຂັ້ນຂອງຕົນວາງອອກ ໃຫ້ປະກົດຜົນເປັນຈິງ, ສຸມໃສ່ປັບປຸງການຈັດຕັ້ງກຳມະບານຮາກຖານ ໃຫ້ມີຄວາມເຂັ້ມແຂງ, ເປັນກຳລັງແຮງໃນຂະບວນການພັດທະນາເສດຖະກິດ – ສັງຄົມ.

ພ້ອມກັນນັ້ນກໍ່ໄດ້ຜ່ານມາດຖານເງື່ອນໄຂບຸກຄະລະກອນທີ່ຈະສະໝັກເປັນຄະນະບໍລິຫານງານສະຫະພັນກຳມະບານເມືອງຊຸດທີ VII ຕ້ອງມີທັດສະນະຫຼັກໝັ້ນການເມືອງທີ່ໜັກແໜ້ນ ມີບົດບາດໃນການປະຕິບັດໜ້່ທິ່ວຽກງານ, ໄດ້ຮັບຄວາມເຊື່ອຖື, ໄວ້ວາງໃຈ ຈາກພະນັກງານ ແລະ ສະມາຊິກກຳມະບານ. ມີຄວາມຊື່ສັດບໍລິສຸດຕໍ່ການຈັດຕັ້ງ, ຕໍ່ໝູ່ຄະນະ, ມີຄວາມຮູ້ທາງດ້ານທິດສະດີການເມືອງ, ມີລະດັບວິຊາສະເພາະໃດໜຶ່ງທີ່ແນ່ນອນ, ມີແບບແຜນວິທີນຳພາເຮັດວຽກທີ່ຖືກຕ້ອງ, ປະຕິບັດຫຼັກການລວມສູນ ປະຊາທິປະໄຕຢ່າງເຂັ້ມງວດ ແລະ ຍັງໄດ້ມີການແນະນໍາວິທີການປ່ອນບັດ, ລະບຽບການປ່ອນບັດ

ຫຼັງຈາກນັ້ນແຕ່ລະສະຫາຍກໍ່ໄດ້ດຳເນີນທາບທາມໃຫ້ຄະແນນ ເພື່ອຄົ້ນຄ້ວາເລືອກເປົ້າໝາຍ ບຸກຄະລະກອນເຂົ້າເປັນຄະນະບໍລິຫານງານສະຫະພັນກຳມະບານເມືອງເຟືອງຊຸດໃໝ່.

ຂ່າວຍັງໃຫ້ຮູ້ຕື່ມອີກວ່າ: ໃນວັນທີ 25 ຕຸລາ 2018 ຜ່ານມານີ້, ສະຫະພັນກຳມະບານເມືອງເຟືອງ ລົງມອບເງີນກອງທຶນທານຸເຄາະ ແລະ ກອງທຶນຊ່ວຍເຫລືອເຊິ່ງກັນ ແລະ ກັນ ໃຫ້ສະມາຊິກກອງທຶນເສຍຊີວິດ, ນຳໂດຍທ່ານ ນາງ ຄຳເມິງ ແພງວິຈິດ ປະທານແນວລາວສ້າງຊາດເມືອງເຟືອງ ຜູ້ຊີ້ນຳອົງການຈັດຕັ້ງມະຫາຊົນຂັ້ນເມືອງ, ມີທ່ານ ຄຳປ່ຽນ ສູນດາລາ ຮອງຫົວໜ້າຫ້ອງວ່າການເມືອງເຟືອງ, ທ່ານ ນາງ ສົມຄິດ ຈິດດາວົງ ຮອງປະທານສະຫະພັນກຳມະບານເມືອງເຟືອງ ພ້ອມດ້ວຍຄະນະໄດ້ນຳເງິນສົດຈຳນວນ 30,998,400 ກີບ ໄປມອບໃຫ້ຄອບຄົວສະມາຊິກກອງທຶນທານຸເຄາະ ທ້າວ ເຂັມຄຳ ຄຳພໍໃຈ ຊຶ່ງເປັນພະນັກງານຄູສອນໂຮງຮຽນປະຖົມສຶກສາສົມບູນ ບ້ານໂພນສະຫວາດ 2 ເມືອງເຟືອງ ທີ່ເສຍຊີວີດກ່າວຮັບໂດຍທ່ານ ນາງ ອິນພອຍ ຄຳພໍໃຈ ຕາງໜ້າຄອບຄົວ ໂດຍຊ່ອງໜ້າການຈັດຕັ້ງທັງສອງຝ່າຍ.

ຂ່າວ: ໄຊປັນຍາ

Leave a Reply

Your email address will not be published. Required fields are marked *