ກຳມະບານຮາກຖານຫ້ອງການນ້ຳປະປາຈັດພິທີຮັບສະມາຊິກກຳມະບານ

ເພຶ່ອເປັນການສະແດງເຖີງຜົນງານ, ການເຄື່ອນໄຫວວຽກງານ ແລະ ການຫ່າວຫັນບຸກບືນ, ເອົາໃຈໃສ່ຕັ້ງໜ້າປະກອບສ່ວນຜົນງານການເຄື່ອນໄຫວຂອງຕົນເອງ ເພື່ອກ້າວເຂົ້າສູ່ການເປັນສະມາຊີກກໍາມະບານລາວ ແລະ ເພື່ອປະກອບເຂົ້າໃນການຈັດຕັ້ງຂອງກໍາມະບານ.

ເດືອນຕຸລາ 2018 ທີ່ຜ່ານມາ ກຳມະບານຮາກຖານຫ້ອງການນ້ຳປະປາ ສາຂາເມືອງວັງວຽງ ໄດ້ຈັດພິທີຮັບເອົາມະຫາຊົນກ້າວໜ້າເຂົ້າເປັນ ສະມາຊິກກຳມະບານ, ຂື້ນທີ່ຫ້ອງປະຊຸມຂອງຫ້ອງການນ້ຳປະປາ ສາຂາເມືອງວັງວຽງ,

ໂດຍການເປັນປະທານຂອງ ທ່ານ ບຸນແພງ ແກ້ວວິໄຊ ປະທານກຳມະບານຮາກຖານຫ້ອງການນ້ຳປະປາ ສາຂາເມືອງວັງວຽງ, ໃຫ້ກຽດເຂົ້າຮ່ວມໂດຍທ່ານ ບຸນທັນ ເຮີຈູ່ຕູ້ ຄະນະບໍລິຫານງານສະຫະພັນກຳມະບານແຂວງວຽງຈັນ ປະທານສະຫະພັນກຳມະບານເມືອງວັງວຽງ, ທ່ານ ສີວັນ ຄຳສານ ເລຂາໜ່ວຍພັກ ຫົວໜ້າຫ້ອງການນ້ຳປະປາ ສາຂາເມືອງວັງວຽງ, ມີຮອງຫົວໜ້າຫ້ອງການ, ພະນັກງານວິຊາການ ແລະ ສະມາຊິກກຳມະບານ ເຂົ້າຮ່ວມທັງໝົດຈຳນວນ 22 ສະຫາຍ, ຍິງ 05 ສະຫາຍ.

ໃນພິທີດັ່ງກ່າວໄດ້ຂື້ນຜ່ານຂໍ້ຕົກລົງຂອງປະທານສະຫະພັນກຳມະບານເມືອງ ວ່າດ້ວຍ: ການຮັບມະຫາຊົນຜູ້ກ້າວໜ້າເຂົ້າເປັນສະມາຊິກກຳມະບານລາວ, ເປັນກຽດຂື້ນຈັບມືຮັບເອົາມະຫາຊົນກ້າວໜ້າເຂົ້າເປັນສະມາຊີກກໍາມະບານລາວ ໂດຍ ທ່ານ ບຸນແພງ ແກ້ວວິໄຊ ປະທານກຳມະບານຮາກຖານຫ້ອງການນ້ຳປະປາ ສາຂາເມືອງວັງວຽງ ຈຳນວນ 02 ສະຫາຍ ຄື: ສະຫາຍ ພູວອນ ພະວີໄຊ ແລະ ສະຫາຍ ສີພັນ ພັນທະບຸດ.

ຂ່າວ: ໄຊປັນຍາ

Leave a Reply

Your email address will not be published. Required fields are marked *