ປກສ ແຂວງວຽງຈັນຈັດ ກອງປະຊຸມປ້ອງກັນງານແຂ່ງຂັນສິນລະປະ-ວັນນະຄະດີ ເພື່ອຂໍ່ຳນັບຮັບຕ້ອນວັນສ້າງຕັ້ງກອງທັບປະຊາຊົນລາວ ຄົບຮອບ 70 ປີ

ໃນວັນທີ 27 ຕຸລາ 2018 ຜ່ານມານີ້ ຢູ່ທີ່ສະໂມສອນ ກອງບັນຊາການ ປກສ ແຂວງວຽງຈັນ ໄດ້ຈັດກອງປະຊຸມແຜນການປ້ອງກັນງານ ແຂ່ງຂັນສິນລະປະ-ວັນນະຄະດີສະມັກຫຼີ້ນທົ່ວກອງທັບຄັ້ງທີ V ເຂດແຂ່ງຂັນທີ III ເພື່ອຂໍ່ານັບຮັບ ຕ້ອນວັນສ້າງຕັ້ງ ກອງທັບປະຊາຊົນລາວ ຄົບຮອບ 70 ປີ ທີ່ແຂວງວຽງຈັນໄດ້ຮັບກຽດເປັນເຈົ້າພາບ

ໂດຍການເປັນປະທານຂອງ ທ່ານ ພັອ ປອ ທອງເຄນ ບຸນໝັ້ນ ຫົວໜ້າກອງບັນຊາການ ປກສ ແຂວງ, ມີຕາງໜ້າຫ້ອງ, ກອງເມືອງ, ພ້ອມດ້ວຍພະນັກງານ-ນັກຮົມກ່ຽວຂ້ອງ ເຂົ້າຮ່ວມ.

ທ່ານ ພັຕ ຄຳພາ ສຸວັນນະແສງ ຮອງຫົວໜ້າຫ້ອງການກອງບັນຊາການ ປກສ ແຂວງ ໄດ້ໃຫ້ກຽດຂື້ນຜ່ານຂໍ້ຕົກລົງຂອງທ່ານເຈົ້າແຂວງໆ ວຽງຈັນ ສະບັບເລກທີ 394/ຈຂ,ວຈ ລົງວັນທີ 16 ພຶດສະພາ 2018 ວ່າດ້ວຍການແຕ່ງຕັ້ງ ຄະນະຊີ້ນຳ ແລະ ອະນຸກຳມະການຮັບຜິດຊອບເປັນເຈົ້າພາບຈັດງານແຂ່ງຂັນສິນລະປະ-ວັນນະຄະດີສະມັກຫຼີ້ນທົ່ວກອງທັບຄັ້ງທີ V ເຂດແຂ່ງຂັນທີ III ເພື່ອຂໍ່ານັບຮັບ ຕ້ອນວັນສ້າງຕັ້ງ ກອງທັບປະຊາຊົນລາວ ຄົບຮອບ 70 ປີ,

ຜ່ານແຜນການ ປ້ອງກັນງານແຂ່ງຂັນ ສິນລະປະ-ວັນນະຄະດີ ສະບັບເລກທີ 279/ຫສນ ລົງວັນທີ 11 ຕຸລາ 2018 ແລະ ຂໍ້ຕົກລົງຂອງກອງບັນຊາການ ປກສ ແຂວງວຽງຈັນ ສະບັບເລກທີ 505/ປສ,ຂຈ ລົງວັນທີ 25 ກັນຍາ 2018 ວ່າດ້ວຍການແຕ່ງຕັ້ງພະນັກງານປ້ອງກັນງານແຂ່ງຂັນສິນລະປະ-ວັນນະຄະດີ ໃນຄັ້ງວັນທີ 31 ຕຸລາ ຫາ 05 ພະຈິກ 2018

ເພື່ອເຮັດໃຫ້ການຈັດຕັ້ງກະກຽມປ້ອງກັນ, ດຳເນີນໄປຕາມຄວາມມຸ້ງປະສົງຂອງຂັ້ນເທິງ, ຄວາມເປັນເອກະພາບລະຫວ່າງ 2 ກອງບັນຊາການ ປກຊ-ປກສ ໃນການຈັດຕັ້ງກຳລັງເຄື່ອນໄຫວປ້ອງກັນ ວົງໃນ-ວົງນອກ ຮັບປະກັນຄວາມສະຫງົບປອດໄພ 100 %, ມີຄວາມເປັັນລະບຽບຮຽບຮ້ອຍໃຫ້ບັນລຸໄດ້ຕາມລະດັບຄາດໜາຍທີ່ຂັ້ນເທີງວາງໄວ້ ໃຫ້ໄດ້ຮັບປະສິດທິຜົນສູງ,

ເພື່ອເປັນພື້ນຖານໃຫ້ແກ່ອົງການ, 2 ກຳລັງ ປກຊ-ປກສ ສ້າງແຜນການຄວາມຕັດສິນໃຈ, ຈັດຕັ້ງນຳໃຊ້ກຳລັງເຂົ້າເຄື່ອນໄຫວປ້ອງກັນ, ການນຳຂັ້ນຕ່າງໆ, ແຂກ, ບັນດາຄະນະຜູ້ແທນສິນລະປະ-ວັນນະຄະດີ, ສະຖານທີ່ຈັດງານແຂ່ງຂັນ, ງານຕະຫຼາດນັດ, ສະຖານທີ່ອະນຸສະຖານ ປະທານໄກສອນ ພົມວິຫານ, ບ້ານພັກ, ໂຮງແຮມ, ງານລ້ຽງ, ເສັ້ນທາງການສັນຈອນໄປ-ມາ, ກວດກາຄົນເຂົ້າອອກປະຕູໂຄງໃຫຍ່-ນ້ອຍ,

ແກ້ໄຂກໍລະນີບາງປະກົດການຫຍໍ້ທໍ້ ແລະ ແງ່ຮ້າຍທີ່ອາດຈະເກີດຂື້ນຢູ່ໃນສະຖານທີ່ຈັດງານແຂງ່ຂັນໃນຄັ້ງນີ້ໃຫ້ທ່ວງທັນກັບສະພາບການ, ໄດ້ຈັດກຳລັງປ້ອງກັນຕະຫຼອດ 24 ຊົ່ວໂມງ, ຈັດຕັ້ງ 5 ພາກສ່ວນ 2 ກຳລັງ ຄື:

ພາກສວນປ້ອງກັນວົງໃນ-ວົງນອກ, ພາກສ່ວນກວດກາຄົນເຂົ້າ-ອອກສະຖານທີ່ຈັດງານ, ພາກສ່ວນພາຫະນະ, ພາກສ່ວນກອງກຽມ, ພາກສ່ວນບັນຊາ ແລະ ຮັບໃຊ້ ມີກຳລັງທັງໜົດ 263 ສະຫາຍ, ມີພາຫະນາຮັບໃຊ້ ລົດມອດໄຟ, ລົດເຊອາ, ລົດກະບະທະຫານ, ຕຳຫຼວດ, ລົດຕູ້ໂຮງໝໍ ແລະ ລົດຮັບໃຊ້ອື່ນຈຳນວນ 24 ຄັນ

ທັ້ງນີ້ກໍ່ເພື່ອຮັບປະກັນໄດ້ປ້ອງກັນງານແຂ່ງຂັນສິນລະປະ-ວັນນະຄະດີສະມັກຫຼີ້ນທົ່ວກອງທັບຄັ້ງທີ V ເຂດແຂ່ງຂັນທີ III ເພື່ອຂໍ່ານັບຮັບ ຕ້ອນວັນສ້າງຕັ້ງ ກອງທັບປະຊາຊົນລາວ ຄົບຮອບ 70 ປີ ທີ່ແຂວງວຽງຈັນໄດ້ຮັບກຽດເປັນເຈົ້າພາບໃຫ້ມີຄວາມສະຫງົບເປັນລະບຽບຮຽບຮ້ອຍດີທີ່ໄກ້ຈະມາເຖິງໃນມໍໆ ນີ້ໃຫ້ມີຄວາມສະຫງົບ 100%

ັໃນກອງປະຊຸມຍັງໄດ້ພັດປ່ຽນກັນປະກອບຄຳຄິດຄຳເຫນໃສ່ ແຜນການປ້ອງກັນຢ່າງກົງໄປກົງມາແບບມີວິທະຍາສາດ ເພື່ອເປັນບົດຮຽນທີດີໃຫ້ແກ່ການຈັດຕັ້ງປະຕິບັດໜ້າທີ່ວຽກງານປ້ອງກັນປ້ອງກັນງານແຂ່ງຂັນສິນລະປະ-ວັນນະຄະດີ ເພື່ອຂໍ່ານັບຮັບ ຕ້ອນວັນສ້າງຕັ້ງ ກອງທັບປະຊາຊົນລາວ ຄົບຮອບ 70 ປີ ໃຫ້ສໍາເລັດຕາມແຜນການທີ່ວາງໄວ້.

ພາບ-ຂ່າວ: ປກສ ແຂວງວຽງຈັນ, ດວງມະນີ 55477832

Leave a Reply

Your email address will not be published. Required fields are marked *