ພິທີປະກາດ ບ້ານນ້ຳເພີນ, ບ້ານນາປ່າໄຜ່ ເປັນບ້ານປອດຢາເສບຕິດແຫ່ງທີ 7-8 ຂອງເມືອງໝື່ນ

ໃນວັນທີ 25 ຕຸລາ 2018 ນີ້ ເມືອງໝື່ນໄດ້ຈັດພິທີປະກາດ ບ້ານນ້ຳເພີນ, ບ້ານນາປ່າໄຜ່ ເປັນບ້ານປອດຢາເສບຕິດແຫ່ງທີ 7-8 ຂອງເມືອງ ຂື້ນຢ່າງເປັນທາງການຢູ່ທີ່ຫ້ອງການບ້ານ ນໍ້ຳເພີນ ເມືອງໝື່ນ ແຂວງວຽງຈັນ

ໃຫ້ກຽດເຂົ້າຮ່ວມໂດຍທ່ານ ພອນເທີດ ສຸຫວັດດີ ຄະນະປະຈຳພັກເມືອງ ຮອງເຈົ້າເມືອງ- ເມືອງໝື່ນ, ມີທ່ານ ພທ ບຸນໄທ ໄຊຍະລາດ ຄະນະພັກຮາກຖານ ຮອງກອງບັນຊາການ ປກສ ເມືອງ ພ້ອມທັງນາຍບ້ານທັງສອງບ້ານ ແລະ ປະຊາຊົນເຂົ້າຮ່ວມຢ່າງພ້ອມພຽງ.

ໃນພິທີດັ່ງກ່າວນາຍບ້ານ ບ້ານນໍ້ຳເພີນ ໄດ້ໃຫ້ກຽດຂື້ນຜ່ານບົດສະຫຼຸບປະເມີນການສ້າງບ້ານປອດຢາເສບຕິດເຊິ່ງທ່ານໃຫ້ຮູ້ວ່າ

ບ້ານນໍ້ຳເພີນ ມີເນື້ອທີ່ທັງໝົດ 3,921,275 ຕາແມັດ, ມີປະຊາກອນທັງໝົດ 3,268 ຄົນ, ຍິງ 1,899 ຄົນ, ມີ 1 ຂົນຊາດ, ມີ 3 ຊົນເຜົ່າ,ມີ 542 ຫຼັງຄາເຮືອນ,ມີ 549 ຄອບຄົວ,ມີ 35 ໜ່ວຍ,ມີກຸ່ມເປົ້າໝາຍ 114ຄົນ, ຍິງ 6 ຄົນ,ແກ້ໄຂໄດ້ 97 ຄົນ, ຍັງ 17 ຄົນ, ຍິງ 1ຄົນ, ມີຜູ້ເສບຢາ 17 ຄົນ, ມີຄອບຄົວທີພົວພັນກັບຢາເສບຕິດ 113 ຄອບຄົວ, ແກ້ໄຂໄດ້ 97 ຄອບຄົວ,ປັດຈຸບັນຍັງ 16 ຄອບຄົວ

ບ້ານນາປ່າໄຜ່ ມີເນື້ອທີ່ທັງໝົດ 4,208,000 ຕາແມັດ,ມີປະຊາກອນທັງໝົດ 3,508 ຄົນ, ຍິງ 1,484ຄົນ, ມີ 1 ຊົນຊາດ, ມີ 3 ຊົນເຜົ່າ, ມີ 471 ຫຼັງຄາເຮືອນ, ມີ471 ຄອບຄົວ, ມີ 26 ໜ່ວຍ, ມີກຸ່ມເປົ້າໝາຍ47 ຄົນ, ແກ້ໄຂໄດ້ 35 ຄົນ,ຍັງ 12 ຄົນ, ມີຜູ້ເສບຢາ 12 ຄົນ, ຄອບຄົວທີພົວພັນຢາເສບຕິດມີ 47 ຄອບຄົວ, ແກ້ໄຂໄດ້ 35 ຄອບຄົວ, ປັດຈຸບັນຍັງ 12 ຄອບຄົວ.

ທ້າຍກອງປະຊຸມທ່ານພອນເທີດ ສຸຫວັດດີ ຄະນະປະຈຳພັກເມືອງ ຮອງເຈົ້າເມືອງ- ເມືອງໝື່ນໄດ້ໃຫ້ກຽດກ່າວມອບໃບຢັ້ງຢືນໃຫ້ແກ່ນາຍບ້ານ ທັງສອງບ້ານ ແລ້ວທ່ານກໍ່ໄດ້ເປີດປ້າຍພ້ອມທັງໂອ້ລົມຕໍ່ກອງປະຊຸມຕື່ມອີກ ເຊິ່ງທ່ານກໍ່ໄດ້ຍ້ອງຍໍຊົມເຊີຍທັງສອງບ້ານທີສາມາດສ້າງບ້ານປອດຢາເສບຕິດໄດ້ແລ້ວໃຫ້ທັງສອງບ້ານຈົ່ງສືບຕໍ່ຮັກສາມູນເຊື່ອດັ່ງກ່າວໄວ້ໃຫ້ໝັ້ນຄົງຕະຫຼອດໄປ.

ຂ່າວ: ເມືອງໝື່ນ

Leave a Reply

Your email address will not be published. Required fields are marked *