ພິທີເປີດຊຸດຝຶກອົບຮົມຫຼັກສູດ: ເຕັກນິກກາານບໍລິການ ແລະ ການແກ້ໄຂບັນຫາ ຊຸດທີ 02

ໃນວັນທີ 17 ຕຸລາ 2018 ກົມຈັດຕັ້ງ-ພະນັກງານ ກະຊວງໄປສະນີ, ໂທລະຄົມມະນາຄົມ ແລະ ການສື່ສານ ໄດ້ເປີດຊຸດຝຶກອົບຮົມຫຼັກສູດ: ເຕັກນິກການບໍລິການ ແລະ ການແກ້ໄຂບັນຫາຊຸດທີ 02 ໃຫ້ພະນັກງານຂັ້ນຮອງກົມ ແລະ ຂັ້ນພະແນກ ຂອງບັນດາກົມ/ທຽບເທົ່າ ພາຍໃນກະຊວງໄປສະນີ, ໂທລະຄົມມະນະຄົມ ແລະ ການສື່ສານ, ຊຶ່ງຈັດຂຶ້ນທີ່ເມືອງວັງວຽງ, ແຂວງວຽງຈັນ

ພາຍໃຕ້ການເປັນປະທານ ຂອງທ່ານ ຄຳພຸ ດວງຖະໜອມ ຫົວໜ້າກົມຈັດຕັ້ງ-ພະນັກງານ ກະຊວງໄປສະນີ, ໂທລະຄົມມະນາຄົມ ແລະ ການສື່ສານ. ການຈັດຝຶກອົບຮົມໃນຄັ້ງນີ້ ໄດ້ກຳນົດເປັນໄລຍະ 03 ວັນເລີ່ມແຕ່ວັນທີ 17-19 ຕຸລາ 2018, ຊຶ່ງມີວິທະຍາກອນມາຂຶ້ນຫ້ອງບັນຍາຍຈາກສູນທີ່ປຶກສາແທັກໂດ ແລະ ມີນັກສຳມະນາກອນເຂົ້າຮ່ວມທັງໝົດຈຳນວນ 43 ທ່ານ, ຍິງ 21 ທ່ານ.

ການຝຶກອົບຮົມໃນຄັ້ງນີ້ ຜູ້ເຂົ້າຮ່ວມຝຶກ ນອກຈາກໄດ້ຮັບຟັງການບັນຍາຍຈາກວິທະຍາກອນ ໃນຫົວຂໍ້: ການບໍລິຫານຈັດການອົງການສະໄໝໃໝ່, ການພັດທະນາອົງການໃຫ້ມີຄວາມກ້າວໜ້າ, ການສື່ສານທີ່ມີປະສິດທິພາບ, ການມີສ່ວນຮ່ວມໃນການແກ້ໄຂບັນຫາ, ການສັ່ງວຽກ-ມອບວຽກທີ່ມີປະສິດທິຜົນ, ການເຮັດວຽກເປັນທິມ, ການແກ້ໄຂຂໍ້ຂັດແຍ່ງ-ກາານຕັດສິນໃຈ, ການວາງແຜນທີ່ມີປະສິດທິພາບ, ການບໍລິຫານເວລາ, ການສ້າງບົດລາຍງານທີ່ມີປະສິດທິພາບ ແລະ ທັກສະການເປັນຜູ້ນຳ-ຜູ້ບໍລິຫານທີ່ດີ ໃນທາງທິດສະດີ ແລະ ການປະຕິບັດຕົວຈິງ,

ທ່ານປະທານໄດ້ມີຄຳເຫັນໃນພິທີເປີດວ່າ: ຈຸດປະສົງ ການຈັດຝຶກອົບຮົມໃນຄັ້ງນີ້ ເພື່ອເຮັດໃຫ້ພະນັກງານ-ລັດຖະກອນ ທີ່ມີຕຳແໜ່ງບໍລິຫານໃນລະດັບກາງ ແລະ ລະດັບຕົ້ນຂອງກະຊວງ ປທສ ໄດ້ຮຽນຮູ້ ແລະ ເຂົ້າໃຈກ່ຽວກັບວິທີການບໍລິຫານ ແລະ ການແກ້ໄຂບັນຫາທີ່ຖືກຫຼັກການ ແລະ ປາສະຈາກຄວາມສ່ຽງ ເພື່ອເປັນແນວທາງໃນການບໍລິຫານຈັດການ ແລະ ການພັດທະນາອົງການຈັດຕັ້ງຂອງຕົນໃຫ້ມີປະສິດທິພາບສູງ.

ໃນຕອນທ້າຍຂອງພິທີເປີດຊຸດຝຶກອົບຮົມ ທ່ານປະທານໄດ້ຮຽກຮ້ອງມາຍັງຜູ້ເຂົ້າຮ່ວມຝຶກອົບຮົມທັງໝົດໃຫ້ມີຄວາມເອົາໃຈໃສ່ໃນການຮັບຟັງ, ຄົ້ນຄວ້າ, ຮ່ຳຮຽນ, ປະກອບຄຳຄິດເຫັນ ແລະ ປະກອບສ່ວນໃນການເຮັດກິດຈະກຳຕ່າງໆຢ່າງຕັ້ງໜ້າ ເພື່ອຈະໄດ້ນຳເອົາບົດຮຽນຕ່າງໆມາຈັດຕັ້ງຜັນຂະຫຍາຍເຂົ້າໃນວຽກງານຂະແໜງການຂອງຕົນໃຫ້ມີປະສິດທິພາບ ແລະ ປະສິທິຜົນສູງ.

ໝອນແກ້ວ 55578747

Leave a Reply

Your email address will not be published. Required fields are marked *