ເມືອງຊະນະຄາມ ແຂວງວຽຈັນ ຈັດກອງປະຊຸມວຽກງານ ສະມາຄົມບຳນານ ແລະ ຜູ່ອາຍຸສູງ

ໃນລະຫວ່າງກາງເດືອນຕຸລາ 2018 ນີ້ ເມືອງຊະນະຄາມ ແຂວງວຽງຈັນ ໄດ້ເປີດກອງປະຊຸມ ວຽກງານສະມາຄົມ ບຳນານ ແລະ ຜູ່ອາຍຸສູງ

ໂດຍພາຍໃຕ້ການເປັນປະທານຂອງທ່ານ ສະໝານ ວິເສດຍະພົງ ເລຂາ ພັກເມືອງ ເຈົ້າເມືອງ ເມືອງຊະນະຄາມ,ມີທ່ານ ເຂົາແກ້ວ ສຸກຈັນມະວົງ ກຳມະການສູນກາງແນວລາວສ້າງຊາດ ສະໄໝທີ 10 ປະທານສະມາຄົມບຳນານຜູ້ອາຍຸສູງແຂວງວຽງຈັນມີນັນດາຜູ້ແທນສະມາຄົມບຳນານ ຜູ້ອາຍຸສູງທີ່ມາຈາກຮາກຖານບ້ານ ແລະ ແຂກທີ່ມາຈາກກົມກອງຫ້ອງການ ຈຳນວນ 82 ທ່ານ ກໍ່ເປັນກຽດເຂົ້າຮ່ວມຢ່າງພ້ອມພຽງ.

ໃນກອງປະຊຸມໄດ້ຮັບຟັງການຜ່ານບົດສະຫຼຸບຂອງການຈັດຕັ້ງປະຕິບັດວຽກງານຂອງສະມາຄົມບຳນານ ໃນໄລຍະ 3 ປີຜ່ານມາ 2015 – 2017 ເຊິ່ງສະເໜີໂດຍ ທ່ານບົວເພັດ ແສນສຸກ ຮອງປະທານ ສະມາຄົມບຳນານ ໂດຍທ່ານໄດ້ຍົກໃຫ້ເຫັນ ດ້ານຕັ້ງໜ້າ ແລະ ດ້ານອ່ອນຂໍ້ຄົງຄ້າງ ໃນການຈັດຕັ້ງປະຕິບັດໜ້າທີ່ວຽກງານຂອງສະມາຄົມບຳນານໃນໄລຍະຜ່ານມາ

ຜ່ານການຈັດຕັ້ງປະຕິບັດມະຕິກອງປະຊຸມສະໄໝທີ 4 ຂອງສະມາຄົມບຳນານເຫັນວ່າໃນຫຼາຍດ້ານກໍ່ໄດ້ປະສົບຜົນສຳເລັດຕາມລະດັບຄາດໝາຍທີ່ວາງໄວ້ເປັນຕົ້ນຕໍ່ກັບການສຶກສາອົບຮົມການເມືອງແນວຄິດ ເຊິ່ງເຮັດໃຫ້ບັນດາສະມາຊິກສະມາຄົມບຳນານຜູ່ອາຍຸສູງມີຄວາມເຊື່ອໝັ້ນຕໍ່ການນຳພາຂອງພັກ ບົນພື້ນຖານແນວທາງປ່ຽນແປງໃໝ່ຂອງພັກ ແລະ ໄດ້ເຮັດໃຫ້ສະມາຊິກສະມາຄົມບຳນານໄດ້ກາຍເປັນທີ່ປຶກສາ ໃຫ້ແກ່ສະມາຊິກພັກ ອຳນາດການປົກຄອງບ້ານ ແລະ ປະຊາຊົນບັນດາເຜົ່າໃນທົ່ວເມືອງ ຕໍ່ກັບກອງທຶນ ສະມາຄົມບຳນານຜູ່ອາຍົກສູງຂອງເມືອງ ມີທ່າກ້າວໃນການຂະຫຍາຍຕົວເຊິ່ງມີສະມາຊິກກອງທຶນທັງໜົດ 249 ຄົນ ຍິດງ 116 ຄົນ ມີເງິນກອງທຶນ 94 209 776 ກີບ.

ນອກຈາກນີ້ໃນກອງປະຊຸມຍັງໄດ້ຜ່ານຂໍຕົກລົງ ບົ່ງໂຕແຕ່ງຕັ້ງ ຄະນະຮັບຜິດຊອບຄະນະບໍລິຫານງານສະມາຄົມບຳນານ ແລະ ຜູ້ອາຍຸສູງ ເຊິ່ງປະກອບມີ ທ່ານປະສີດ ບໍລະດີ ເປັນປະທານ ສະມາຄົມບຳນານຂອງເມືອງ,ທ່ານບົວເພັດແສນສຸກ ເປັນຮອງປະທານ,ທ່ານ ດຣ ແກ້ວມະນີແສງຄຳມູນເຮືອງ ເປັນຮອງປະທານ,ທ່ານ ພັທ ແສງເພັດ ວຽງພັນໃຊ ເປັນຄະນະ,ທ່ານ ນາງ ສີອຳພອນ ແສນຊ້າຍ ເປັນຄະນະ ບັນດາທ່ານ ທີ່ຖືກແຕ່ງຕັ້ງ ກໍ່ໄດ້ກ່າວ ປະຕິຍານຕົນວ່າຈະເອົາໃຈໃສ່ເຮັດໜ້າທີ່ ຂອງຕົນທີ່ຢ່າງຕັ້ງໜ້າ ດ້ວຍຄວາມ ຮັບຜິດຊອບສູງ ເພື່ອສືບຕໍ່ເຮັດໃຫ້ສະມາຄົມບຳນານຜູ່ອາຍຸສູງມີຄວາມກ້າວໜ້າ ແລະ ຄົງຕົວຕະຫຼອດໄປ.

Leave a Reply

Your email address will not be published. Required fields are marked *