ຫ້ອງການການເງີນເມືອງວັງວຽງຈັດກອງປະຊຸມຝຶກອົບຮົມການເງີນຂັ້ນບ້ານຕິດພັນກັບວຽກງານສາມສ້າງຂອງ ຂະແໜງການເງີນ

ໃນວັນທີ 12 ຕຸລາ 2018 ຜ່ານມາ ຢູ່ຫ້ອງການ – ການເງີນເມືອງວັງວຽງໄດ້ຈັດກອງປະຊຸມຝຶກອົບຮົມການເງີນຂັ້ນບ້ານຕິດພັນກັບວຽກງານ 3 ສ້າງຂອງຂະແໜງການເງີນແຂວງວຽງຈັນ ຢູ່ທີ່ຫ້ອງປະຊຸມຫ້ອງການໆເງີນເມືອງວັງວຽງ ແຂວງວຽງຈັນ ຂຶ້ນຢ່າງເປັນທາງການ

ໂດຍການເປັນກຽດເຂົ້າຮ່ວມຂອງທ່ານ ກວຽນທອງ ເທບທິດາ ກຳມະການພັກເມືອງ ຫົວໜ້າຫ້ອງການໆເງີນເມືອງ , ມີທ່ານ ສີສະຫວັນ ແກ້ວພົມມະຈັນ ຮອງຫົວໜ້າພະແນກການເງິນແຂວງວຽງຈັນ,ມີຄູຝຶກທີ່ມາຈາກຂະແໜງການເງີນແຂວງ, ມີຫົວໜ້າຫ້ອງການ-ພະນັກງານວິຊາການທີ່ກ່ຽວຂ້ອງ, ມີເລຂາຄະນະພັກກຸ່ມບ້ານ,ນາຍບ້ານ8ບ້ານ,ເຂົ້າຮ່ວມຢ່າງພ້ອມພຽງ.

ໃນກອງປະຊຸມທ່ານ ກວຽນທອງ ເທບທິດາ ກຳມະການພັກເມືອງ ຫົວໜ້າຫ້ອງການໆເງີນເມືອງກໍ່ໄດ້ໃຫ້ກຽດຂຶ້ນກ່າວເປີດກອງປະຊຸມຢ່າງເປັນທາງການເຊີ່ງທ່ານໄດ້ກ່າວວ່າ: ເພື່ອເປັນການຈັດຕັ້ງຜັນຂະຫຍາຍມະຕິຂອງກົມການ ເມືອງສູນກາງພັກ ສະບັບເລກທີ 25/ກມ.ສພ,

ຄຳສັ່ງຂອງນາຍົກລັດຖະມົນຕີ ສະບັບເລກທີ 34/ນຍ ແລະ ມະຕິຕົກລົງຂອງທ່ານເຈົ້າແຂວງໆວຽງຈັນ ສະບັບເລກທີ 93/ຈຂ.ວຈວ່າດ້ວຍ: ການຮັບຮອງເອົາບ້ານສາມສ້າງຂອງແຂວງວຽງຈັນ,

ການຈັດກອງປະຊຸມຝຶກອົບຮົມໃນຄັ້ງນີ້ແມ່ນຄວາມຈຳເປັນພື້ນຖານທີ່ຈະເຮັດໃຫ້ພວກເຮົາຮູ້ໄດ້ເຖິງພາລະບົດ ບາດ, ສິດ, ໜ້າທີ່ຂອງການເງີນບ້ານເຊີ່ງມັນເປັນສ່ວນສຳຄັນເຂົ້າໃນແຜນພັດທະນາເສດຖະກິດ – ສັງຄົມຂອງບ້ານໃຫ້ມີຄວາມເຂັ້ມແຂງເທື່ອລະກ້າວ,ຈະໄດ້ຮັບຟັງການເຜີຍແຜ່ຄຳແນະນຳຂອງຄະນະຮັບຜິດຊອບວຽກງານກໍ່ສ້າງຮຽກຖານການເມືອງ ແລະ ວຽກງານສາມສ້າງ ສະບັບເລກທີ 004/ຈຂ.ວຈ,

ຂໍ້ຕົກລົງຂອງລັດຖະມົນຕີກະຊວງການເງີນສະບັບເລກທີ 206/ກງ. ວ່າດ້ວຍ: ການເງີນບ້ານ, ຄຳແນະນຳວິທີການກ່ຽວກັບການເກັບລາຍຮັບ – ການຄຸ້ມຄອງລາຍຈ່າຍຂອງບ້ານ ແລະ ພ້ອມກັນຄົ້ນຄວ້າເຖິງວິທີການໃນດ້ານຕ່າງໆທີ່ຈະໄດ້ພ້ອມກັນເປັນເອກກະພາບຈັດຕັ້ງປະຕິບັດໃນຕໍ່ໜ້າ.

ໃນນີ້ທ່ານຍັງໄດ້ຮຽກຮ້ອງມາຍັງບັນດາທ່ານທີ່ເຂົ້າຮ່ວມກອງປະຊຸມຝຶກອົບຮົມໃນຄັ້ງນີ້ຈົ່ງເຊີດຊູຄວາມຮັບຜິດຊອບ ຂອງຕົນເອົາໃຈໃສ່ສຸມທຸກສະຕິປັນຍາຕິດຕາມການແນະນຳຂອງຄະນະຮັບຜິດຊອບຢ່າງຕັ້ງໜ້າເພື່ອຈະໄດ້ນຳເອົາບົດຮຽນດັ່ງກ່າວໄປຈັດຕັ້ງປະຕິບັດຕົວຈິງໃນທ້ອງຖິ່ນຂອງຕົນໃຫ້ຖືກຕ້ອງສອດຄ່ອງຕາມລະບຽບຫຼັກການທີ່ຂັ້ນເທິງວາງອອກສາມາດບັນລຸໄດ້ຕາມລະດັບຄາດໝາຍ.

ຫຼັງຈາກນັ້ນທ່ານ ສີສະຫວັນ ແກ້ວພົມມະຈັນ ຮອງຫົວໜ້າພະແນກການເງີນແຂວງວຽງຈັນ ກໍ່ໄດ້ຂຶ້ນຜ່ານຄຳແນະນຳ ວຽກງານກໍ່ສ້າງຮຽກຖານການເມືອງ ແລະ ວຽກງານສາມສ້າງ ສະບັບເລກທີ 004/ຈຂ.ວຈ ແລະ ຜ່ານຂໍ້ຕົກລົງຂອງລັດຖະມົນຕີກະຊວງການເງີນສະບັບເລກທີ 206/ກງ. ວ່າດ້ວຍ: ການເງີນບ້ານ,

້ພ້ອມທັງມີຄຳເຫັນເຈາະຈີ້ມບາງບັນຫາທີສຳຄັນໃຫແກ່ບັນດາທ່ານທີ່ເຂົ້າຮ່ວມກອງປະຊຸມ, ຕໍ່ມາບັນດາຄູຝຶກກໍ່ໄດ້ຂຶ້ນແນະນຳດ້ານວິຊາສະເພາະຄື: ສວຍສາອາກອນ, ຊັບສິນ ແລະ ບັນຊີ – ຄັງເງີນ ເພື່ອເປັນການຍົກສູງຄວາມຮັບຜິດຊອບ ຂອງການເງີນບ້ານ ສາມາດຄຸ້ມຄອງລາຍຮັບ – ລາຍຈ່າຍງົບປະມານຢູ່ຂັ້ນບ້ານໃຫ້ຖືກຕ້ອງຕາມລະບຽບກົດໝາຍ,

ໃນກອງປະຊຸມໄດ້ພ້ອມກັນແລກປ່ຽນບົດຮຽນສົນ ທະນາປະກອບຄຳຄິດຄຳເຫັນຢ່າງກົງໄປກົງມາເພື່ອໃຫ້ມີຄວາມເຂົ້າໃຈຢ່າງຈະແຈ້ງແລະຊັດເຈນ.

ຂ່າວ: ໝອນແກ້ວ

Leave a Reply

Your email address will not be published. Required fields are marked *