ປະກາດການຈັດຕັ້ງ ຄະນະສະມາຄົມນັກທຸລະກິດໝຸ່ມເມືອງວັງວຽງ.

ໃນຕອນເຊົ້າຂອງວັນທີ 17 ຕຸລາ 2018 ຜ່ານມານີ້, ຢູ່ທີ່ສະໂມສອນເມືອງວັງວຽງ ແຂວງວຽງຈັນ, ໄດ້ມີພິທີປະກາດການຈັດຕັ້ງ ຄະນະສະມາຄົມນັກທຸລະກິດໝຸ່ມເມືອງວັງວຽງ,

ໂດຍພາຍໃຕ້ການເປັນປະທານ ຂອງທ່ານ ນາງ ຈັນທະຄອນ ສີອຳພອນ ກຳມະການພັກແຂວງ ເລຂາຄະນະບໍລິຫານຊາວໜຸ່ມ ປະຊາຊົນປະຕິວັດລາວ ແຂວງວຽງຈັນ, ມີທ່ານ ບຸນປັນ ພົມມະວົງ ຮອງເລຂາພັກ ປະທານແນວລາວສ້າງຊາດ ຜູ້ຊີ້ນຳອົງການຈັດຕັ້ງມະຫາຊົນ, ຫົວຫນ້າສະມາຊິກສະພາປະຊາຊົນແຂວງວຽງຈັນ ປະຈຳເມືອງວັງວຽງ, ມີທ່ານ ຫຸມພັນ ພົມມະຈັກ ກຳມະການສະມາຄົມນັກທຸລະກິດໝຸ່ມແຫ່ງຊາດລາວ ປະທານສະມາຄົມນັກທຸລະກິດໝຸ່ມແຂວງວຽງຈັນ ສະມາຊິກສະພາປະຊາຊົນແຂວງວຽງຈັນ ປະຈຳເມືອງທຸລະຄົມ, ມີບັນດາທ່ານ ຄະນະປະຈຳພັກເມືອງ ກຳມະການພັກເມືອງ, ຫົວຫນ້າຫ້ອງການອ້ອມຂ້າງເມືອງ ແລະ ຕົວແທນບໍລິສັດ, ນັກທຸລະກິດຜູ້ປະກອບການທົ່ວເມືອງເຂົ້າຮ່ວມ.

ທ່ານ ວັດທະນາ ອິນທາ ສະມາຄົມນັກທຸລະກິດໝຸ່ມເມືອງວັງວຽງ ຂື້ນຜ່ານບົດສະຫຼຸບວ່າ: ສະມາຄົມນັກທຸລະກິດໝຸ່ມເມືອງວັງວຽງ ( ສທໝ ) ແມ່ນການຈັດຕັ້ງສັງຄົມຂອງໄວໜຸ່ມທີ່ປະກອບທຸລະກິດ ມີບົດບາດຊ່ວຍຄະນະ ຊາວໜຸ່ມປະຊາຊົນລາວ ປຸກລະດົມເຕົ້າໂຮມ ແລະ ສຶກສາອົບຮົມບັນດາຊາວໜຸ່ມ ທີ່ປະກອບອາຊີບທຸລະກິດຢູ່ໃນພາກສ່ວນເສດຖະກິດໃຫ້ມີຄວາມສາມັກຄີ ເພື່ອປະຕິບັດແນວທາງນະໂຍບາຍຂອງພັກ ແລະ ລະບຽບກົດໝາຍຂອງລັດ, ເຊິ່ງໄລຍະຜ່ານມາປະກອບມີຄະນະ 9 ສະຫາຍ, ຍິງ 2 ສະຫາຍ.

ໄດ້ປຸກລະດົມ ປະກອບສ່ວນເປັນວັດຖຸປັດໃຈ ແລະ ເຫື່ອແຮງເພື່ອ ຊຸກຍູ້ຂະບວນການວັນສໍາຄັນຕ່າງໆ, ງານພົບປະແຮກສ່ຽວຂອງຊາວໜຸ່ມ 3 ເມືອງ: ວັງວຽງ, ກາສີ, ເມືອງເຟືອງ, ເຂົ້າຮ່ວມຂະບວນຄາລະວານລົດຖີບເພື່ອກຸສົນ ແລະ ວຽກຂະບວນສຳຄັນອື່ນໆທີ່ມອບໝາຍໃຫ້ ສຳເລັດເປັນຢ່າງດີ.

ທ່ານ ແອໂລ ສຸດທະລິດ ຫົວຫນ້າຫ້ອງການຊາວໜຸ່ມເມືອງວັງວຽງ ໄດ້ຂື້ນຜ່ານຂໍ້ຕົກລົງ ເລກທີ 346/ຈມວວ ລົງວັນທີ 31 ກໍລະກົດ 2018 ວ່າດ້ວຍການແຕ່ງຕັ້ງສະມາຄົມນັກທຸລະກິດໜຸ່ມຊຸດໃໝ່ຂອງເມືອງວັງວຽງ ຈຳນວນ 11 ທ່ານຄື: 1 ທ່ານ ບຸນພັນ ວົງສຳພັນ ເປັນປະທານ, 2 ທ່ານ ວັດທະນາ ອິນທາ ເປັນຮອງປະທານ, 3 ທ່ານ ຫົງຄຳ ແກ້ວດວງສີ ເປັນຮອງປະທານ ແລະ ທ່ານ ແອ ນະຄອນສີ, ທ່ານ ເສີມສະໄໝ ຈິດຕະວົງ, ທ່ານ ໄຊຍະສິດ ອິນທະຈັກ, ທ່ານ ນາງ ວຽງສັກດາ ແສງສຸລິນ, ທ່ານ ນາງ ດຳດວນ ໄຊຫຼວງສີ, ທ່ານ ທອງຕາ ສີໄກສອນ, ທ່ານ ຄອນປະເສີດ ພັນນະລັງສີ ເປັນຄະນະ.

ໃນໂອກາດດ່ຽວກັນນີ້, ທ່ານ ບຸນປັນ ພົມມະວົງ ຮອງເລຂາພັກເມືອງ ປະທານແນວລາວສ້າງຊາດ ຜູ້ຊີ້ນຳອົງການຈັດຕັ້ງມະຫາຊົນ ໄດ້ໃຫ້ກຽດໂອ້ລົມ ແລະ ຮຽກຮ້ອງໃຫ້ບັນດາທ່ານ ຄະນະຊຸດໃໝ່ ໃນຄັ້ງນີ້ ຈົ່ງເອົາໃຈໃສ່ປະຕິບັດໜ້າທີ່, ສືບຕໍ່ປຸກລະດົມຄວາມສາມັກຄີໃຫ້ເປັນປຶກແຜ່ນ – ຊຸກຍູ້ການຈັດຕັ້ງ ປະຕິບັດວຽກງານ ທີ່ພັກ-ລັດມອບໝາຍໃຫ້ປະກົດຜົນເປັນຈິງ.

Leave a Reply

Your email address will not be published. Required fields are marked *