ເມືອງວັງວຽງ ປະຖະກະຖາ ວັນຄູແຫ່ງຊາດ 7 ຕຸລາ 1994 – 7 ຕຸລາ 2018 ຄົບຮອບ 24 ປີ

ໃນຕອນເຊົ້າຂອງ ວັນທີ 11 ຕຸລາ 2018 ຢູ່ທີ່ ສະໂມສອນຂອງເມືອງວັງວຽງ ແຂວງວຽງຈັນ, ໄດ້ຈັດພິທີປະຖະກະຖາ ວັນຄູແຫ່ງຊາດ ຄົບຮອບ 24 ປີ.

ໂດຍພາຍໃຕ້ການເປັນປະທານ ຂອງທ່ານ ຄຳຜອງ ດວງວິໄລ ກຳມະການພັກແຂວງ ເລຂາພັກເມືອງ ເຈົ້້າເມືອງ-ເມືອງວັງວຽງ, ມີຄະນະປະຈຳພັກເມືອງ ກຳມະການພັກເມືອງ ຫົວໜ້າຫ້ອງການ ພະນັກງານຄູອາຈານ ແລະ ພະນັກງານຄູອາວຸໂສບຳນານເຂົ້້າຮ່ວມ.

ທ່ານ ຄໍາຜອງ ດວງວິໄລ ເຈົ້້າເມືອງ-ເມືອງວັງວຽງ ໄດ້ເປັນກຽດຂື້ນເລົ່າຄືນມູນເຊື້ອ ວັນຄູແຫ່ງຊາດ ຄົບຮອບ 24 ປີວ່າ: ວັນຄູແຫ່ງຊາດໄດ້ຖືກກຳນົດເອົາ ວັນ ທີ່ 7 ຕຸລາ 1994 ເປັນຕົ້ນມາຈົນເຖິງປະຈຸບັນ ເມື່ອຮອດ ວັນທີ 7 ຕຸລາຂອງທຸກໆປີ ຈະຕ້ອງໄດ້ເລົ່າຄືນ ປະຫວັດ ວັນຄູ ແຫ່ງຊາດ

ພ້ອມທັງຈັດພິທິສະເຫຼີມ ສະຫຼອງ ວັນຄູ ຢ່າງສົມກຽດ ເພາະຄູມີບົດບາດສຳຄັນ ໃນການພັດທະນາຊັບພະຍາກອນມະນຸດ,ຈຸດປະສົງໃນການຈັດວັນຄູ ນີ້ກໍ່ເພື່ອ ໃຫ້ປະຊາຊົນບັນດາເຜົ່າ ໃນທຸກຊັ້ນຄົນໄດ້ຈາລຶກ ບຸນຄຸນ ຄຸນງາມຄວາມດີ ຄວາມກະຕັນຍູ ຕໍ່ຄູອາຈານ ການຈັດຕັ້ງວັນຄູ່ແຫ່ງຊາດຍັງເປັນການເຊີດຊູກຽດສັກສີ ຖານະບົດບາດຂອງຄູ ຕໍ່ສັງຄົມ

ຈາກນັ້ນ, ກອງປະຊຸມຍັງໄດ້ມີການມອບ-ຮັບໃບຍ້ອງຍໍຂອງທ່ານເຈົ້າແຂວງໆວຽງຈັນປະເພດ 1 ຈຳນວນ 15 ໃບ ແລະ ຫົວຫນ້າພະແນກສຶກສາທິການແລະກິລາແຂວງວຽງຈັນ ຈຳນວນ 19 ໃບ ໃຫ້ແກ່ຜູ້ບໍລິຫານການສຶກສາ ແລະ ບັນດາຫົວຫນ້າໂຮງຮຽນອານຸບານ,ປະຖົມ,ມັດທະຍົມຕອນຕົ້ນ-ຕອນປາຍ ຂອງເມືອງທີ່ມີຜົນງານໃນໄລຍະ 1 ປີຜ່ານມາຢ່າງສົມກຽດ. ແລະໄດ້ມອບກະຕ່າຂອງຂັວນໃຫ້ພະນັກງານຄູຜູ້ທີ່ອາວຸໂສບຳນານ ພ້ອມທັງບັນດາຫົວຫນ້າໂຮງຮຽນ-ຂະແໜງການຕ່າງໆຂອງເມືອງ ໄດ້ນຳເອົາກະຕ່າຂອງຂວັນມອບໃຫ້ແກ່ຫົວຫນ້າຫ້ອງການສຶກສາທິການແລະກິລາເມືອງພ້ອມດ້ວຍຄະນະ ຢ່າງມີບັນຍາກາດຟົດຟື້ນ.

Leave a Reply

Your email address will not be published. Required fields are marked *