ຫ້ອງວ່າການປົກຄອງແຂວງ ເປີດກອງປະຊຸມຂື້ນແຜນກຳນົດພະນັກງານນຳພາ – ຄຸ້ມຄອງ

ເພື່ອຈັດຕັ້ງຜັນຂະຫຍາຍມະຕິກົມການເມືອງສູນກາງພັກສະບັບເລກທີ 032/ກມສພ, ລົງວັນທີ 3 ມັງກອນ 2018 ແລະ ບົດແນະນຳຂອງຄະນະຈັດຕັ້ງສູນກາງພັກ ສະບັບເລກທີ 292/ຄຈສພ, ລົງວັນທີ 26 ເມສາ 2018 ວ່າດ້ວຍ ວຽກງານ ສ້າງແຜນກຳນົດພະນັກງານນຳພາ-ຄຸ້ມຄອງໃຫ້ເປັນຮູບປະທຳ.

ໃນລະຫວ່າງ ວັນທີ 17-18 ຕຸລາ 2018 ທີ່ຫ້ອງວ່າການປົກຄອງແຂວງວຽງຈັນ ໄດ້ຈັດກອງປະຊຸມ ຂື້ນແຜນກຳນົດພະນັກງານນໍາພາ – ຄຸ້ມຄອງ

ໂດຍພາຍໃຕ້ການເປັນປະທານຂອງ ສະຫາຍ ອຸ່ນແສງ ແກ້ວດາວັນ ຄະນະປະຈຳພັກແຂວງ ຫົວໜ້າຄະນະຈັດຕັ້ງແຂວງວຽງຈັນ, ມີສະຫາຍ ພູຄຳ ສຸດທິຈັກ ຮັກສາການຫົວໜ້າຫ້ອງວ່າການປົກຄອງແຂວງວຽງຈັນ,​ ມີຫົວໜ້າຂະແໜງ, ຮອງຂະແໜງ, ພະນັກງານພາຍໃນຫ້ອງວ່າການປົກຄອງແຂວງເຂົ້າຮ່ວມ.

ການສ້າງແຜນກຳນົດພະນັກງານນຳພາ – ຄຸ້ມຄອງແມ່ນຄວາມຮັບຜິດຊອບໂດຍກົງຂອງຄະນະພັກຂອງພວກເຮົາຕ້ອງປະຕິບັດຕາມຫຼັກການລວມສູນປະຊາທິປະໄຕ ຢ່າງເຂັ້ມງວດ ມອບໃຫ້ບຸກຄົນຮັບຜິດຊອບ ຄົ້ນຄວ້າເປົ້າໝາຍເຂົ້າໃນແຜນກຳນົດພະນັກງານ ເປັນໝູ່ຄະນະ ແລະ ຕົກລົງຕາມສຽງສ່ວນຫຼາຍຮັບປະກັນຄວາມຖືກຕ້ອງໂປ່ງໃສ ພາວະວິໄສ ຮອບດ້ານ ຍຸຕິທຳ ຄຳນຶງເຖິງໂຄງປະກອບ ເພດ ເຜົ່າ ແລະ ເລັງໃສ່ພະນັກງານໜຸ່ມໃຫ້ກວມອັດຕາສ່ວນຫຼາຍ.

 

ພາບ ແລະ ຂ່າວ : ພູເງິນ ບົວທອງ ນັກຂ່າວ ແຂວງວຽງຈັນ.

Leave a Reply

Your email address will not be published. Required fields are marked *