ເມືອງກາສີ ສຳເລັດກອງປະຊຸມຖອດຖອນບົດຮຽນແກ້ໄຂປະກົດການຫຍໍ້ທໍ້ໃນສັງຄົມ

ທ່ານ ພັຕ ບຸນຊູ ບຸນປານີ ຫົວໜ້າພະແນກຕຳຫຼວດ ປກສ ເມືອງກາສີ ກ່າວວ່າ: ບັນຫາປະກົດການຫຍໍ້ທໍ້ໃນສັງຄົມໄດ້ເກີດຂື້ນດ້ວຍຫຼາຍຮູບແບບເຊັ່ນ: ການກໍ່ເຫດລັກຊັບ, ສໍ້ໂກງຊັບ, ຫຼິ້ນການພະນັນ, ອາລະວາດຕິກັນ, ຄ້າຂາຍຢ່າເສບຕິດ, ຄ້າໂສເພນີ ແລະອື່ນໆ

ສະແດງອອກ 6 ເດືອນຕົ້ນປີ 2018 ຜ່ານມາ ມີຄະດີເກີດຂື້ນທັງໝົດ 49 ເລື່ອງ ຜູ້ຖືກຫາ 32 ຄົນ, ຍິງ 2 ຄົນ, ມີຄະດີອາຍາເກີດຂື້ນ 13 ເລື່ອງ ຜູ້ຕ້ອງຫາ 15 ຄົນ ຍິງ 2 ຄົນ, ສາມາດມ້າງໄດ້ 10 ເລື່ອງ ຜູ້ຖືກຫາ 15 ຄົນ, ໄດ້ມອບເຄື່ອງຂອງກາງໃຫ້ເຈົ້າຂອງເດີມປະເພດລົດຈັກໄດ້ ຈໍານວນ 11 ຄັນ, ໄດ້ສົ່ງໄອຍະການ 2 ເລື່ອງ ມີ 5 ຄົນ, ສຶກສາອົບຮົມຂັ້ນເຈົ້າໜ້າທີ່ ປກສ ເມືອງ 4 ເລື່ອງ ມີ 4 ຄົນ,

ລົງສົມທົບກັບໜ່ວຍສະເພາະກິດຂັ້ນເມືອງກວດກາການລັກລອບຕັດໄມ້ 10 ຄັ້ງ ແລະລົງເກັບກຳກວດກາຄະດີຕ່າງໆ 30 ຄັ້ງ ລວມມູນຄ່າຜົນເສຍຫາຍທັງໝົດ 1.512.000.000 ກີບ, ສາມາດເກັບກູ້ຄືນໄດ້ 151.000.000 ກີບ,

ມີຄະດີຢາເສບຕິດເກີດຂື້ນທັງໝົດ 15 ເລື່ອງ ຜູ້ຖືກຫາ 15 ຄົນ ຍິງ 2 ຄົນ, ຢຶດຂອງກາງຄະດີຢາບ້າ ຈໍານວນ 1.042 ເມັດ, ສົ່ງ ປກສ ແຂວງ 7 ເລື່ອງ ຜູ້ຖືກຫາ 7 ຄົນ ຍິງ 1 ຄົນ, ພ້ອມຂອງກາງຢາບ້າ 1.042 ເມັດ, ສຶກສາອົບຮົມຂັ້ນເຈົ້າໜ້າທີ່ 6 ເລື່ອງ ຜູ້ຕ້ອງຫາ 6 ຄົນ ຍິງ 1 ຄົນ ພວມດຳເນີນ 2 ລາຍ , ຝາກດັດສ້າງ 33 ຄົນ ຍິງ 3 ຄົນ, ສົ່ງ ຄ້າຍຄຸມຂັງ-ດັດສ້າງ ຊໍາເຄ່ 3 ຄົນ, ສົ່ງສູນບໍາບັດສົມສະງ່າ 3 ຄົນ ສຶກສາອົບຮົມຂັ້ນ ປກສ ເມືອງ 12 ຄົນ,

ມີອຸປະຕິເຫດເກີດຂຶ້ນທັງໝົດ 21 ເລື່ອງ, ມີຜູ້ປະສົບອຸປະຕິເຫດທັງໝົດ 56 ຄົນ, ຍິງ 15 ຄົນ, ບາດເຈັບເລັກນ້ອຍ 18 ຄົນ, ຍິງ 7 ຄົນ, ບາດເຈັບສົມຄວນ 10 ຄົນ, ບາດເຈັບສາຫັດ 28 ຄົນ ຍິງ 8 ຄົນ, ເສຍຊີວິດ 9 ຄົນ, ຍິງ 3 ຄົນ, ພາຫະນະເປ່ເພ 31 ຄັນ, ເປ່ເພເລັກນ້ອຍ 16 ຄັນ, ເປ່ເພສົມຄວນ 12 ຄັນ, ໃຊ້ການບໍ່ໄດ້ 3 ຄັນ, ສົ່ງແຂວງ 2 ເລື່ອງ, ແກ້ໄຂຂັ້ນເຈົ້າໜ້າທີ່ 6 ເລື່ອງ, ແກ້ໄຂຂັ້ນພື້ນຖານ 8 ເລື່ອງ, ພວມດຳເນີນ 3 ເລື່ອງ, ຊັດມ້ຽນ 1 ເລື່ອງ, ມູນຄ່າເສຍຫາຍທັງໝົດ 1.232.000.000 ກີບ,

ໄດ້ລົງເຜີຍແຜ່ຜົນຮ້າຍຂອງຢ່າເສບຕິດ ຢູ່ຕາມໂຮງຮຽນ ໄດ້ 4 ຄັ້ງ ມີຜູ້ເຂົ້າຮ່ວມ 1.711 ຄົນ ຍິງ 875 ຄົນ, ແລະວຽກງານອື່ນໆອີກ, ກໍ່ໄດ້ເອົາໃຈໃສ່ເຮັດສໍາເລັດໜ້າທີ່, ເຫັນໄດ້ວ່າໃນໄລຍະຜ່ານມາພວກເຮົາໄດ້ເອົາໃຈໃສ່ສຶກສາອົບຮົມການເມືອງນຳພາແນວຄິດ ໃຫ້ແກ່ພະນັກງານ-ນັກຮົບ ຢ່າງເປັນປົກກະຕິເຮັດໃຫ້ພະນັກງານ-ນັກຮົບ ມີຄຸນທາດການເມືອງໜັກແໜ້ນ, ມີຄວາມຮັບຮູ້ຕໍ່ແນວທາງນະໂຍບາຍຂອງພັກ, ລະບຽບກົດໝາຍຂອງລັດ, ຫ້າວຫັນຕໍ່ໜ້າທີ່ວຽກງານສາມາດຍາດໄດ້ຜົນງານຫຼາຍດ້ານ.

ສະເພາະທິດທາງແຜນການໃນຕໍ່ໜ້າ ພະແນກຕຳຫຼວດຈະໄດ້ສືບຕໍ່ເຮັດວຽກງານການເມືອງແນວຄິດໃຫ້ແກ່ພະນັກງານ-ນັກຮົບ ໃຫ້ມີຄວາມເຂົ້າໃຈແຈ້ງຕໍ່ກັບໜ້າທີ່ ທີ່ໄດ້ຮັບມອບໝາຍ ກຳໄດ້ແນວທາງນະໂຍບາຍຂອງພັກ ລະບຽບກົດໝາຍຂອງລັດ,

ູ້ເອົາໃຈໃສ່ເຮັດວຽກງານໂຄສະນາເຮັດໃຫ້ປະຊາຊົນຮໄດ້ຜົນຮ້າຍ ເລ່ລ່ຽມກົນອຸບາຍຂອງຄົນບໍ່ດີ, ໃຫ້ມີສະຕິລະວັງຕົວ ເປັນຫູເປັນຕາຊ່ວຍເຈົ້າໜ້າທີ່ເຮັດໃຫ້ວຽກງານປ້ອງກັນຊາດ-ປ້ອງກັນຄວາມສະຫງົບ ເປັນໜ້າທີ່ຂອງທົ່ວປວງຊົນ,

ຕ້ອງເຮັດວຽກງານສືບຂ່າວກຳສະພາບການໃຫ້ແໜ້ນ ໂດຍມີການປະສານສົມທົບກັບພາຍນອກພາຍໃນໃຫ້ຕີລາຄາສະພາບການເຄື່ອນໄຫວຂອງສັດຕູ ແລະ ກຸ່ມຄົນບໍ່ຫວັງດີບັນດາໜໍ່ແໜງປະກົດການຫຍໍ້ທໍ້ຕ່າງໆທີ່ເກີດຂຶ້ນໃຫ້ຊັດເຈນ ເພື່ອສະກັດກັ້ນ ແລະ ແກ້ໄຂໃຫ້ທັນເວລາ,

ຕ້ອງກຳແໜ້ນບັນດາພື້ນທີ່, ຈຸດຫຼໍ່ແຫຼມ, ບັນດາເປົ້າໝາຍຕ່າງໆທີ່ມີຄວາມສ່ຽງສູງຕໍ່ຄວາມບໍ່ສະຫງົບ ແລະ ຄວາມເປັນລະບຽບຮຽບຮ້ອຍເກີດຂື້ນໃນສັງຄົມ.

ພ້ອມນັ້ນໃນກອງປະຊຸມຍັງໄດ້ພັດປ່ຽນກັນຂື້ນປະກອບຄຳຄິດຄຳເຫັນຢ່າງກົງໄປກົງມາແບບວິທະຍາສາດ ເພື່ອໃຫ້ທິດທາງແຜນການໃນປີຕໍ່ໜ້າມີເນື້ອໃນສົມບູນຄົບຖ້ວນຂື້ນຕື່ມ.

ກອງປະຊຸມດັ່ງກ່າວໄດ້ໄຂຂີື້ນໃນວັນທີ 11-12 ຕຸລາ 2018 ຜ່ານມານີ້ ຢູ່ທີ່ສະໂມສອນຫ້ອງວ່າການປົກຄອງເມືອງກາສີ ໂດຍການເຂົ້າຮ່ວມຂອງທ່ານ ພັອ ປອ ທອງເຄນ ບຸນໜັ້ນ ຫົວໜ້າກອງບັນຊາການ ປກສ ແຂວງ , ທ່ານ ຄໍາອົ້ນ ອິ່ນທະວົງ ຫົວໜ້າກ້ອງການໂຄສະນາອົບຮົມ ເມືອງກາສີ, ທ່ານ ພັທ ແຫວນເພັດ ໂພມະຫາລາດ ຫົວໜ້າຫ້ອງຕຳຫຼວດ ປກສ ແຂວງ, ທ່ານ ພັທ ກິປັນ ເຮັງປະເສີດ ຫົວໜ້າກອງບັນຊາການ ປກສ ເມືອງ, ມີແຂກຖຶກເຊີນ, ເລຂາ, ພັກບ້ານ, ນາຍບ້ານ ພ້ອມດ້ວຍພະນັກງານ-ນັກຮົບເຂົ້າຮ່ວມ.

ຕອນທ້າຍກອງປະຊຸມຍັງໄດ້ຮັບຝັງການໂອລົມຂອງທ່ານ ພັອ ປອ ທອງເຄນ ບຸນໜັ້ນ ຫົວໜ້າກອງບັນຊາການ ປກສ ແຂວງ ເຊິ່ງກ່ອນອື່ນທ່ານໄດ້ສະແດງຄວາມຍ້ອງຍໍຊົມເຊີຍຕໍ່ກັບຜົນສຳເລັດກໍ່ຄືວຽກງານ ແລະ ໄຊຊະນະທີ່ບັນດາພະນັກງານ – ນັກຮົບພາຍໃນພະແນກຕຳຫຼວດຍາດມາໄດ້

ພ້ອມນັ້ນຍັງໄດ້ຍົກໃຫ້ເຫັນບາງສະພາບປະກົດການຫຍໍ້ທໍ້ທີ່ເກີດຂື້ນຢູ່ໃນສັງຄົມປະຈຸບັນ ທີ່ພົວພັນເຖິງເຈົ້າໜ້າທີ່ຕ້ອງໄດ້ມີສະຕິ ແລະ ກຽມພ້ອມປະເຊີນໜ້າກັບບັນຫາດັ່ງກ່າວຈາກນັ້ນກໍ່ໄດ້ຮຽກຮ້ອງໃຫ້ບັນດາສະຫາຍຕ້ອງໄດ້ຮູ້ຈັກທີ່ຕັ້ງ ແລະ ພາລະບົດບາດຄວາມຮັບຜິດຊອບຂອງຕົນ ມີການປັບປຸງແບບແຜນວິທີເຮັດວຽກ, ແບບແຜນວິທີນຳພາໃຫ້ທັນສະໄໝ່ຂື້ນກວ່າເກົ່າ,

ພາບ-ຂ່າວ: ປກສ ແຂວງວຽງຈັນ

Leave a Reply

Your email address will not be published. Required fields are marked *