ກອງປະຊຸມຝຶກອົບຮົມການເງິນບ້ານ ແລະ ວຽກງານ 3 ສ້າງຂອງຂະແໜງການເງິນ ແຂວງວຽງຈັນ

ໃນຕອນເຊົ້າຂອງວັນທີ 20 ກັນຍາ 2018 ນີ້ ຫ້ອງການ – ການເງິນ ເມືອງ ໄດ້ຈັດກອງປະຊຸມຝຶກອົບຮົມການເງິນບ້ານ ແລະ ວຽກງານ 3 ສ້າງຂອງຂະແໜງການເງິນ ແຂວງວຽງຈັນຂື້ນຢ່າງເປັນທາງການ ຢູ່ທີ່ສະໂມສອນຫ້ອງວ່າການປົກຄອງເມືອງໝື່ນ ແຂວງວຽງຈັນ

ໃຫ້ກຽດເຂົ້າຮ່ວມໂດຍທ່ານ ພູວອນ ບຸນວິໄລ ກຳມະການພັກແຂວງ ເລຂາ ພັກເມືອງ ເຈົ້າເມືອງ-ເມືອງໝື່ນ, ມີທ່ານສີສະຫວັນ ແກ້ວພົມມະຈັນ ຮອງຫົວໜ້າພະແນກການເງິນແຂວງວຽງຈັນ, ມີທ່ານຄຳຜູ ແກ້ວດວງສີ ກຳມະການພັກເມືອງ ຫົວໜ້າຫ້ອງການ-ການເງິນເມືອງພ້ອມທັງນາຍບ້ານ 22 ບ້ານທົ່ວເມືອງເຂົ້າຮ່ວມ.

ໃນພິທີທ່ານພູວອນ ບຸນວິໄລ ກໍາມະການພັກແຂວງ ເລຂາພັກເມືອງ ເຈົ້າເມືອງ-ເມືອງໝື່ນ,ໃຫ້ກຽດກ່າວເປີດພິທີຢ່າງເປັນທາງການ

ຈາກນັ້ນທ່ານ ສີສະຫວັນ ແກ້ວພົມມະຈັນ ຮອງຫົວໜ້າພະແນກການເງິນແຂວງວຽງຈັນໄດ້ຂື້ນຜ່ານຄຳແນະນຳສາມສ້າງຂອງແຂວງ ເລກທີ 004/ຈຂ ວຈ, ຜ່ານຂໍ້ຕົກລົງຂອງນາຍົກລັດຖະມົນຕີກະຊວງການເງິນວ່າດ້ວຍ ການເງິນຂັ້ນບ້ານ,ເພື່ອເຮັດໃຫ້ການຈັດຕັ້ງປະຕິບັດວຽກງານ 3 ສ້າງຂອງແຂວງວຽງຈັນ ໄດ້ດຳເນີນການຖຶກຕ້ອງຕາມແຕ່ລະຂັ້ນຕອນຂອງລະບຽບຫຼັກການ, ຖຶກຕ້ອງຕາມທິດຊີ້ນຳ ຂອງກົມການເມືອງສູນກາງພັກ ແລະ ທິດຊີ້ນຳ ຂອງຄະນະປະຈຳພັກແຂວງ, ຄະນະຮັບຜິດຊອບວຽກງານ 3 ສ້າງ

ເພື່ອແນໃສ່ເຮັດໃຫ້ການຈັດຕັ້ງປະຕິບັດຕົວຈິ່ງເປັນລະບົບຄົບຊຸດຖືກຕ້ອງຕາມຄຳສັ່ງ ກໍ່ເພື່ອເຮັດໃຫ້ໄດ້ຮັບຜົນດີໃນແຕ່ລະຂົງເຂດວຽກງານຕໍ່ກັບການພັດທະນາ, ວິທີການ ມາດຖານແກ້ໄຂວຽກງານມີຄວາມເຂັ້ມແຂງສາມາດບຸກທະລຸບັນດາຄາດໝາຍຕ່າງໆ ຂອງມະຕິກອງປະຊຸມໃຫ່ຍຄັ້ງທີ X ຂອງພັກ ກໍຄືມະຕິກອງປະຊຸມໃຫ່ຍຄັ້ງທີ V ຂອງອົງຄະນະພັກແຂວງວຽງຈັນວ່າງອອກ ໃຫ້ປະກົດຜົນເປັນຈິ່ງ

ໃນນັ້ນກອງປະຊຸມຍັງໃດ້ຟັງ ການແນະນຳທາງດ້ານວິຊາການ, ສະເພາະວຽກງານ ສວຍເສຍອາກອນ, ຊັບສິນ, ບັນຊີ-ຄັງເງິນຈາກຄູຝຶກຂະແໜງການເງິນແຂວງ ເພື່ອຍົກສູງຄວາມຮັບຜິດຊອບຂອງການເງິນບ້ານ, ສາມາດຂຸດຄົ້ນລາຍຮັບຄຸ້ມຄອງລາຍຈ່າຍງົບປະມານຢູ່ຂັ້ນບ້ານ ຖືກຕ້ອງຕາມລະບຽບກົດໝາຍ ແນໃສ່ສ້າງບ້ານເປັນຫົວໜ່ວຍພັດທະນາຢ່າງແຂງແຮງ ແລ້ວກໍ່ໄດ້ແລກປ່ຽນບົດຮຽນສົນທະນາກັນປະກອບຄຳຄິດ ຄຳເຫັນຢ່າງກົງໄປກົງມາຢ່າງເປັນຂະບວນຝົດຝືນ.

ທ້າຍກອງປະຊຸມຍັງໄດ້ຮັບຟັງການໂອ້ລົມຂອງທ່ານພູວອນ ບຸນວິໄລ ກໍາມະການພັກແຂວງ ເລຂາພັກເມືອງ ເຈົ້າເມືອງ-ເມືອງໝື່ນ,ເຊິ່ງທ່ານກໍ່ໄດ້ຂອບໃຈມານຳທາງພະແນກການເງິນແຂວງວຽງຈັນທີ່ເສຍສະຫຼະເວລາອັນມີຄ່າມາເປີດກອງປະຊຸມຝຶກອົບຮົມການເງິນບ້ານ ແລະ ວຽກງານ 3 ສ້າງຂອງຂະແໜງການເງິນ ແຂວງວຽງຈັນໃນຄັ້ງນີ້ ແລ້ວຂໍໃຫ້ນາຍບ້ານທັງ22 ບ້ານພວກເຮົານີ້ຈົ່ງນຳເອົາບົດຮຽນດັ່ງກ່າວນີ້ໄປນຳໃຊ້ເຂົ້າໃນບ້ານເພື່ອປະຕິບັດວຽກງານຕົວຈິ່ງໃຫ້ໄດ້ຮັບຜົນ

ຂ່າວ: ເມືອງໝື່ນ

Leave a Reply

Your email address will not be published. Required fields are marked *