ເມືອງຊະນະຄາມ ແຂວງວຽງຈັນ ປາຖະກາຖາ ວັນຄູແຫ່ງຊາດ ຄົບຮອບ 24 ປີ ( 7 ຕຸລາ 1994 – 7 ຕຸລາ 2018 )

ເນື່ອງໃນໂອກາດ ວັນຄູແຫ່ງຊາດໄດ້ໝູນວຽນມາຄົບຮອບ ອີກ ວາລະໜຶ່ງ ດັ່ງນັ້ນ ເມືອງຊະນະຄາມ ແຂວງວຽງຈັນ ຈຶ່ງໄດ້ເປີດພິທີປະຖະກະຖາ ວັນຄູແຫ່ງຊາດ ຄົບຮອບ 24 ປີ ເຊິ່ງໄດ້ຈັດຂື້ນໃນຕອນເຊົ້າຂອງມື້ນີ້ ( 11 ຕຸລາ 2018 ) ຢູ່ທີ່ຫ້ອງປະຊຸມໃຫຍ່ຂອງເມືອງຊະນະຄາມ

ໂດຍພາຍໃຕ້ການເປັນປະທານ ຂອງທ່ານ ສະໝານ ວິເສດຍະພົງ ເລຂາພັກເມືອງ ເຈົ້້າເມືອງ ເມືອງຊະນະຄາມ,ມີຄະນະປະຈຳພັກເມືອງ ກຳມະການພັກເມືອງ ຫົວໜ້າຫ້ອງການ ພະນັກງານຄູອາຈານ ແລະ ນ້ອງນັກຮຽນກໍ່ເປັນກຽດເຂົ້້າຮ່ວມຈຳນວນ 1 ຮ້ອຍກວ່າຄົນ.

ທ່ານ ສະໝານ ວິເສດຍະພົງ ເລຂາພັກເມືອງ ເຈົ້າເມືອງຊະນະຄາມ ໄດ້ເປັນກຽດຂື້ນເລົ່າຄືນມູນເຊື້ອ ວັນຄູແຫ່ງຊາດ ຄົບຮອບ 24 ປີ ເຊິ່ງວັນຄູແຫ່ງຊາດໄດ້ຖືກກຳນົດເອົາ ວັນ ທີ 7 ຕຸລາ 1994 ເປັນຕົ້ນມາຈົນເຖິງປະຈຸບັນ ເມື່ອຮອດ ວັນທີ 7 ຕຸລາຂອງທຸກໆປີ ຈະຕ້ອງໄດ້ເລົ່າຄືນ ປະຫວັດ ວັນຄູ ແຫ່ງຊາດ ພ້ອມທັງຈັດພິທິສະເຫຼີມ ສະຫຼອງ ວັນຄູ ຢ່າງສົມກຽດ

ເພາະຄູມີບົດບາດສຳຄັນ ໃນການພັດທະນາຊັບພະຍາກອນມະນຸດ,ຈຸດປະສົງໃນການຈັດວັນຄູ ນີ້ກໍ່ເພື່ອ ໃຫ້ປະຊາຊົນບັນດາເຜົ່າ ໃນທຸກຊັ້ນຄົນໄດ້ຈາລຶກ ບຸນຄຸນ ຄຸນງາມຄວາມດີ ກະຕັນຍູ ຕໍ່ຄູອາຈານ ການຈັດຕັ້ງວັນຄູແຫ່ງຊາດຍັງເປັນການເຊີດຊູກຽດສັກສີ ຖານະບົດບາດຂອງຄູ ຕໍ່ສັງຄົມ ປະກອນສ່ວນໃນການສ້າງສາ ພັດທະນາປະເທດຊາດ,

ນອກຈາກນີ້ໃນກອງປະຊຸມຍັງຍັງໄດ້ມີການມອບ-ຮັບໃບຍ້ອງຍໍຂອງ ພະແນກສຶກສາ ແຂວງວຽງຈັນ ຈຳນວນ 145 ໃບ ແລະ ໃບຍ້ອງຍໍຂອງທ່ານ ເຈົ້້າແຂວງໆວຽງຈັນ ຈຳນວນ 114 ໃບໃຫ້ບັນດາພະນັກງານຄູ ອາຈານ ທີ່ໄດ້ມີຜົນງານໃນການສິດສອນໃນໄລຍະ 1 ປີຜ່ານມາຢ່າງສົມກຽດພ້ອມທັງມອບກະຕ່າຂອງຂັວນ ໃຫ້ພະນັກງານ ຄູຜູ້ທີ່ອາວຸໂສບຳນານ ຢ່າງມີບັນຍາກາດຟົດຟື້ນ.

Leave a Reply

Your email address will not be published. Required fields are marked *