ພະແນກ ຖວທ ແຂວງວຽງຈັນ ສຳເລັດກອງປະຊຸມທາບທາມ ແລະ ສ້າງແຜນກຳນົດພະນັກງານນຳພາ – ຄຸ້ມຄອງ

ໃນລະຫວ່າງ ວັນທີ 8-9 ຕຸລາ 2018 ທີ່ຫ້ອງປະຊຸມ ຫໍວັດທະນະທຳແຂວງ ໄດ້ຈັດກອງປະຊຸມ ທາບທາມ ແລະ ສ້າງແຜນກຳນົດພະນັກງານນຳພາ – ຄຸ້ມຄອງ

ໂດຍພາຍໃຕ້ການເປັນປະທານຂອງ ສະຫາຍ ອຸ່ນແສງ ແກ້ວດາວັນ ຄະນະປະຈຳພັກແຂວງ ຫົວໜ້າຄະນະຈັດຕັ້ງແຂວງວຽງຈັນ, ສະຫາຍ ຄຳຟອງ ບົວທອງ ກຳມະການພັກແຂວງ ຫົວໜ້າພະແນກຖະແຫຼງຂ່າວ ວັດທະນະທຳ ແລະ ທ່ອງທ່ຽວ ແຂວງວຽງຈັນ, ມີຄະນະພະແນກ, ພະນັກງານພາບໃນພະແນກ ແລະ ຫົວໜ້າຫ້ອງການ ຖວທ ເມືອງ ທົ່ວແຂວງເຂົ້າຮ່ວມ.

ການສ້າງແຜນກຳນົດພະນັກງານນຳພາ – ຄຸ້ມຄອງແມ່ນຄວາມຮັບຜິດຊອບໂດຍກົງຂອງຄະນະພັກຂອງພວກເຮົາຕ້ອງປະຕິບັດຕາມຫຼັກການລວມສູນປະຊາທິປະໄຕ ຢ່າງເຂັ້ມງວດ ມອບໃຫ້ບຸກຄົນຮັບຜິດຊອບ ຄົ້ນຄວ້າເປົ້າໝາຍເຂົ້າໃນແຜນກຳນົດພະນັກງານ ເປັນໝູ່ຄະນະ ແລະ ຕົກລົງຕາມສຽງສ່ວນຫຼາຍຮັບປະກັນຄວາມຖືກຕ້ອງໂປ່ງໃສ ພາວະວິໄສ ຮອບດ້ານ ຍຸຕິທຳ ຄຳນຶງເຖິງໂຄງປະກອບ ເພດ ເຜົ່າ ແລະ ເລັງໃສ່ພະນັກງານໜຸ່ມໃຫ້ກວມອັດຕາສ່ວນຫຼາຍ.

ພາບ ແລະ ຂ່າວ : ພູເງິນ ບົວທອງ ນັກຂ່າວ ແຂວງວຽງຈັນ.

Leave a Reply

Your email address will not be published. Required fields are marked *