ເມືອງວັງວຽງ ຈັດກອງປະຊຸມແລກປ່ຽນບົດຮຽນການແກ້ໄຂປະກົດການຫຍໍ້ທໍ້ໃນສັງຄົມ

ໃນວັນທີ 9 ຕຸລາ 2018 ຜ່ານມານີ້ ເມືອງວັງວຽງ ແຂວງວຽງຈັນ ໄດ້ຈັດກອງປະຊຸມແລກປ່ຽນບົດຮຽນການແກ້ໄຂປະກົດການຫຍໍ້ທໍ້ຂື້ນ ຢູ່ທີ່ຫ້ອງປະຊຸມ ກອງບັນຊາການ ປກສ ເມືອງ

ໂດຍການເຂົ້າຮ່ວມຂອງທ່ານ ພັອ ປອ ທອງເຄນ ບຸນໜັ້ນ ຫົວໜ້າກອງບັນຊາການ ປກສ ແຂວງ , ທ່ານ ຄຳຜອງ ດວງວິໄລ ເຈົ້າເມືອງ ປະທານປ້ອງກັນຊາດ-ປ້ອງກັນຄວາມສະຫງົບ ເມືອງວັງວຽງ, ທ່ານ ພັທ ແຫວນເພັດ ໂພມະຫາລາດ ຫົວໜ້າຫ້ອງຕຳຫຼວດ ປກສ ແຂວງ, ທ່ານ ພັທ ດວງໃຈ ມະນີວັນ ຫົວໜ້າກອງບັນຊາການ ປກສ ເມືອງວັງວຽງ, ມີແຂກຖຶກເຊີນ, ເລຂາ ພັກບ້ານ, ນາຍບ້ານ ພ້ອມດ້ວຍພະນັກງານ-ນັກຮົບເຂົ້າຮ່ວມ.

ທ່ານ ພັຕ ສັກສະເຫຼີມ ວໍລະສິນ ຫົວໜ້າຕຳຫຼວດ ປກສ ເມືອງວັງວຽງ ກ່າວວ່າ: ຜ່ານມາພວກເຮົາໄດ້ເອົາໃຈໃສ່ສຶກສາອົບຮົມການເມືອງນຳພາແນວຄິດ ໃຫ້ແກ່ພະນັກງານ-ນັກຮົບ ຢ່າງເປັນປົກກະຕິເຮັດໃຫ້ພະນັກງານ-ນັກຮົບ ມີຄຸນທາດການເມືອງໜັກແໜ້ນ, ມີຄວາມຮັບຮູ້ຕໍ່ແນວທາງນະໂຍບາຍຂອງພັກ, ລະບຽບກົດໝາຍຂອງລັດ, ຫ້າວຫັນຕໍ່ໜ້າທີ່ວຽກງານສາມາດຍາດໄດ້ຜົນງານຫຼາຍດ້ານ

ໃນໄລຍະຜ່ານມາ ທົ່ວເມືອງວັງວຽງ ມີຄະດີເກີດຂື້ນທັງໝົດ 59 ລາຍ ຜູ້ຖືກຫາ 68 ຄົນ, ຍິງ 06 ຄົນ, ຄາດຕະກໍາ 1 ລາຍ ມີຜູ້ຖືກຫາ 1 ຄົນ, ຄະດີລັກຊັບພົນລະເມືອງ 23 ລາຍ, ຜູ້ຖືກຫາ 27 ຄົນ,ຍິງ 01 ຄົນ, ສໍ້ໂກງຊັບພົນລະເມືອງ 23 ລາຍ ຜູ້ຖືກຫາ 3 ຄົນ ຍິງ 1 ຄົນ, ຊີງຊັບພົນລະເມືອງ 3 ລາຍ ຜູ້ຖືກຫາ 8 ຄົນ, ນັກເລັງອັດທະພານ 2 ລາຍ ຜູ້ຖືກຫາ 4 ຄົນ, ລວງລະເມີດເຄຫະສະຖານ 1 ລາຍ ຕ້ອງຫາ 1 ຄົນ

ນໍາໃຊ້ອາວຸດລ່າເນື້ອບໍ່ຖືກຕ້ອງຕາມກົດໝາຍ 2 ລາຍ ຜູ້ຖືກຫາ 4 ຄົນ, ເຫດການລະເບີດແຕກ 1 ລາຍ, ມີລະເບີດໄວ້ຄອບຄອງ 1 ລາຍ ຜູ້ຖຶກຫາ 1 ຄົນ, ຍັກຍອກຊັບພົນລະເມືອງ 2 ລາຍ ຜູ້ຖຶກຫາ 10 ຄົນ ຍິງ 2 ຄົນ, ທຳຮ້າຍຮ່າງກາຍ 5 ລາຍ ຜູ້ຖຶກຫາ 7 ຄົນ, ທຳລາຍຊັບພົນລະເມືອງ 2 ລາຍ ຜູ້ຖືກຫາ 2 ຄົນ, ທຳຊຳເລົາເດັກ 1 ລາຍ ຜູ້ຕ້ອງຫາ 1 ຄົນ, ທຳມິດສະຈານ 4 ລາຍ ຜູ້ຕ້ອງຫາ 8 ຄົນ, ຍິງ 4 ຄົນ,

ທຳລາຍປ່າໄມ້ 2 ລາຍ ຜູ້ຕ້ອງຫາ 1 ຄົນ, ສົ່ງໄອຍະການເຂດ II ເເຂວງວຽງຈັນ 24 ລາຍ ຜູ້ຕ້ອງຫາ 37 ຄົນ ຍິງ 4 ຄົນ, ສົ່ງ ປກສ ແຂວງ 5 ລາຍ ຕ້ອງຫາ 3 ຄົນ, ໂຈະດໍາເນີນ 5 ລາຍ, ກໍາລັງດໍາເນີນ 6 ລາຍ ຜູ້ຕ້ອງຫາ 4 ຄົນ, ສຶກສາອົບຮົມຂັ້ນເຈົ້າໜ້າທີ່ 19 ລາຍ, ຜູ້ຖຶກຫາ 24 ຄົນ ຍິງ 1 ຄົນ,

ຜົນເສຍຫາຍ ຄົນເສຍຊີວິດ 1 ຄົນ, ລົດຈັກເວບຮ້ອຍ 16 ຄັນ, ລົດຈັກເວບຈີນ 2 ຄັນ, ເງີນເກີບທະນາຄານ 346.000.000 ກີບ, ເງີນໂດລາ 11.000 ໂດລາ, ເງີນບາດໄທ 82.540 ບາດ, ເງີນຢູໂລ 500 ຢູໂລ, ຄຳ 9 ບາດ ກັບ 2 ສະຫຼຶງ,

ຜູ້ຖືກຂົ່ມຂືນ 1 ຄົນ, ໂທລະສັບ 4 ໜ່ວຍ, ກ້ອງຖ່າຍຮູບ 2 ໜ່ວຍ, ແທັບເລັດ 1 ໜ່ວຍ, ຕູ້ເຢັນ 1 ໜ່ວຍ, ຕູ້ລຳໂພງ 1 ໜ່ວຍ, ໄມ້ແປຮູບ 17 ຄິວ, ລົດກະບະຮຸ່ນໃດ 1 ຄັນ ມູນຄ່າຜົນເສຍຫາຍທັງໝົດ 849.000.000 ກີບ,

ສາມາດເກັບກູ້ຄືນໄດ້ ລົດຈັກເວບຮ້ອຍ 15 ຄັນ, ລົດເວັບຈີນ 3 ຄັນ, ເງີນກີບທະນາຄານ 7.700.000 ກີບ, ເງີນໂດລາ 278 ໂດລາ, ເງີນບາດໄທ 2.540 ບາດ, ເງີນຢູໂລ 350 ຢູໂລ, ໂທລະສັບ 4 ໜ່ວຍ, ເເທັບເລັດ 1 ໜ່ວຍ, ຕູ້ເຢັນ 1 ໜ່ວຍ, ຕູ້ລຳໂພງ 1 ໜ່ວຍ, ໄມ້ແປຮູບ 17 ຄິວ, ວັດຖຸສາມາດກູ້ໄດ້ຄິດໄລ່ເປັນມູນຄ່າ 199.000.000 ກີບ,

ມີຄະດີຢາເສບຕິດເກີດຂື້ນທັງໝົດ 21 ລາຍ ຜູ້ຖຶກຫາ 68 ຄົນ ຍິງ 5 ຄົນ, ຂອງກາງຢາບ້າ 7.522 ເມັດ, ຢາ ຝິ່ນ 200 ກຼາມ, ສົ່ງ ປກສ ແຂວງ 20 ລາຍ ຜູ້ຖຶກຫາ 21 ຄົນ ຍິງ 2 ຄົນ, ພ້ອມຂອງກາງຢາບ້າ 7.488 ເມັດ, ຝິ່ນ 200 ກຼາມ, ສຶກສາອົບຮົມຂັ້ນເຈົ້າໜ້າທີ່ 46 ຄົນ ຍິງ 3 ຄົນ ພ້ອມຂອງກາງ 29 ເມັດ,

ອຸປະຕິເຫດເກີດຂຶ້ນທັງໝົດ 96 ລາຍ, ມີຜູ້ປະສົບອຸປະຕິເຫດທັງໝົດ 125 ຄົນ, ຍິງ 16 ຄົນ, ບາດເຈັບເລັກນ້ອຍ 43 ຄົນ, ຍິງ 5 ຄົນ, ບາດເຈັບສົມຄວນ 41 ຄົນ, ຍິງ 6 ຄົນ, ບາດເຈັບສາຫັດ 24 ຄົນ ຍິງ 4 ຄົນ, ເສຍຊີວິດ 17 ຄົນ, ຍິງ 01 ຄົນ, ພາຫະນະເປ່ເພ 139 ຄັນ, ເປ່ເພເລັກນ້ອຍ 73 ຄັນ, ເປ່ເພສົມຄວນ 66 ຄັນ, ອັກຄີໄພເກີດຂຶ້ນ 02 ຄັ້ງ ມູນຄ່າເສຍຫາຍ 210.000.000 ກີບ ໄດ້ລົງເຜີຍແຜ່ກົດລະບຽບການສັນຈອນ ຕາມສຳນັກງານ, ອົງການ, ໂຮງຮຽນ ໄດ້ 8 ຄັ້ງ ມີຜູ້ເຂົ້າຮ່ວມ 3.692 ຄົນ ຍິງ 1.625 ຄົນ.

ສະເພາະທິດທາງແຜນການໃນຕໍ່ໜ້າ ພະແນກຕຳຫຼວດຈະໄດ້ສືບຕໍ່ເຮັດວຽກງານການເມືອງແນວຄິດໃຫ້ແກ່ພະນັກງານ-ນັກຮົບ ໃຫ້ມີຄວາມເຂົ້າໃຈແຈ້ງຕໍ່ກັບໜ້າທີ່ຂອງຕົນ ກຳໃຫ້ໄດ້ແນວທາງນະໂຍບາຍຂອງພັກ ລະບຽບກົດໝາຍຂອງລັດ, ຫຼັກການວິຊາສະເພາະຂອງຕົນສຸມເຫື່ອແຮງສະຕິປັນຍາເຂົ້າໃນການເຮັດໜ້າທີ່ດ້ວຍຄວາມເອົາໃຈໃສ່ສູງ ກ້າເຮັດກ້າຄິດກ້າຮັບຜິດຊອບ,

ເອົາໃຈໃສ່ເຮັດວຽກງານໂຄສະນາເຮັດໃຫ້ປະຊາຊົນຮໄດ້ຜົນຮ້າຍ ເລ່ລ່ຽມກົນອຸບາຍຂອງຄົນບໍ່ດີ, ຜູ້ກະທຳຜິດ, ຜູ້ຕ້ອງໂທດຕ່າງໆໃຫ້ມີສະຕິລະວັງຕົວ ເປັນຫູເປັນຕາຊ່ວຍເຈົ້າໜ້າທີ່ເຮັດໃຫ້ວຽກງານປ້ອງກັນຊາດ-ປ້ອງກັນຄວາມສະຫງົບ ເປັນໜ້າທີ່ຂອງທົ່ວປວງຊົນ,

ຕ້ອງເຮັດວຽກງານສືບຂ່າວກຳສະພາບການໃຫ້ແໜ້ນ ໂດຍມີການປະສານສົມທົບກັບພາຍນອກພາຍໃນໃຫ້ຕີລາຄາສະພາບການເຄື່ອນໄຫວຂອງສັດຕູ ແລະ ກຸ່ມຄົນບໍ່ຫວັງດີບັນດາໜໍ່ແໜງປະກົດການປະກົດການຫຍໍ້ທໍ້ຕ່າງໆທີ່ເກີດຂຶ້ນໃຫ້ຊັດເຈນ ເພື່ອສະກັດກັ້ນ ແລະ ແກ້ໄຂໃຫ້ທັນເວລາ,

ຕ້ອງກຳແໜ້ນບັນດາພື້ນທີ່, ຈຸດຫຼໍ່ແຫຼມ, ບັນດາເປົ້າໝາຍຕ່າງໆທີ່ມີຄວາມສ່ຽງສູງຕໍ່ຄວາມບໍ່ສະຫງົບ ແລະ ຄວາມເປັນລະບຽບຮຽບຮ້ອຍເກີດຂື້ນໃນສັງຄົມ. ພ້ອມນັ້ນໃນກອງປະຊຸມຍັງໄດ້ພັດປ່ຽນກັນຂື້ນປະກອບຄຳຄິດຄຳເຫັນໃສ່ຮ່າງບົດສະຫຼຸບຢ່າງກົງໄປກົງມາແບບວິທະຍາສາດ ເພື່ອໃຫ້ມີເນື້ອໃນສົມບູນຄົບຖ້ວນຂື້ນຕື່ມ.

ຕອນທ້າຍກອງປະຊຸມຍັງໄດ້ຮັບຝັງການໂອລົມຂອງທ່ານ ພັອ ປອ ທອງເຄນ ບຸນໜັ້ນ ຫົວໜ້າກອງບັນຊາການ ປກສ ແຂວງ ເຊິ່ງກ່ອນອື່ນທ່ານໄດ້ສະແດງຄວາມຍ້ອງຍໍຊົມເຊີຍຕໍ່ກັບຜົນສຳເລັດກໍ່ຄືວຽກງານ ແລະ ໄຊຊະນະທີ່ບັນດາພະນັກງານ – ນັກຮົບພາຍໃນພະແນກຕຳຫຼວດຍາດມາໄດ້ ພ້ອມນັ້ນຍັງໄດ້ຍົກໃຫ້ເຫັນບາງສະພາບປະກົດການຫຍໍ້ທໍ້ທີ່ເກີດຂື້ນຢູ່ໃນສັງຄົມປະຈຸບັນ ທີ່ພົວພັນເຖິງເຈົ້າໜ້າທີ່ຕ້ອງໄດ້ມີສະຕິ ແລະ ກຽມພ້ອມປະເຊີນໜ້າກັບບັນຫາດັ່ງກ່າວ

ຈາກນັ້ນກໍ່ໄດ້ຮຽກຮ້ອງໃຫ້ບັນດາສະຫາຍຕ້ອງໄດ້ຮູ້ຈັກທີ່ຕັ້ງ ແລະ ພາລະບົດບາດຄວາມຮັບຜິດຊອບຂອງຕົນ ມີການປັບປຸງແບບແຜນວິທີເຮັດວຽກ, ແບບແຜນວິທີນຳພາໃຫ້ທັນສະໄໝ່ຂື້ນກວ່າເກົ່າ.

ພາບ-ຂ່າວ: ປກສ ແຂວງວຽງຈັນ, ທອງສີ 28328274

Leave a Reply

Your email address will not be published. Required fields are marked *