ຫ້ອງການສຶກສາ ເມືອງກາສີ ສະເຫຼີມສະຫຼອງວັນຄູແຫ່ງຊາດ ຄົບຮອບ 24 ປີ.

ໃນວັນທີ 8 ຕຸລາ 2018 ທີ່ຜ່ານມາ ຢູ່ທີ່ຫ້ອງປະຊຸມຫ້ອງການສຶກສາທິການ ແລະ ກິລາເມືອງກາສີ ແຂວງວຽງຈັນ ໄດ້ຈັດພິທີສະເຫຼີມສະຫຼອງວັນຄູແຫ່ງຊາດ( 7ຕຸລາ ຄົບຮອບ 24 ປີ ) ຂື້ນຢ່າງເປັນທາງການ

ໂດຍການເປັນກຽດເຂົ້າຮ່ວມຂອງ ທ່ານ ຄຳສົດ ເພັດລາວັນ ກຳມະການພັກແຂວງ ເລຂາພັກເມືອງ ເຈົ້າເມືອງໆກາສີ, ມີທ່ານ ລາຢູ ແສນໃຈວຸດ ກຳມະການພັກເມືອງ ຫົວໜ້າຫ້ອງການສຶກສາທິການ ແລະກິລາເມືອງ, ມີບັນດາຫົວໜ້າຫ້ອງການອ້ອມຂ້າງເມືອງ, ມີພະນັກງານອາວຸໂສບຳນານ ພ້ອມດ້ວຍພະນັກງານຄູ – ອາຈານພາຍໃນຫ້ອງການເຂົ້າຮ່ວມຢ່າງພ້ອມພຽງ

ໃນໂອກາດດັ່ງກ່າວ ທ່ານ ຄຳສົດ ເພັດລາວັນ ໄດ້ຂື້ນຜ່ານປະຫວັດ ຄວາມເປັນມາຂອງວັນຄູແຫ່ງຊາດ, ແລະ ໄດ້ມີການມອບໃບຍ້ອງຍໍຂອງທ່ານເຈົ້າແຂວງໆວຽງຈັນ ໃຫ້ແກ່ຄູ-ອາຈານ ທີ່ມີຜົນງານດີເດັ່ນຈຳນວນ 1.995 ໃບ ແລະ ໃບຍ້ອງຍໍ ຂັ້ນພະແນກສຶກສາທິການ ແລະ ກິລາແຂວງວຽງຈັນ ຈຳນວນ 3.587 ຍິງ 1.987 ໃບ ທ່ານ ຄຳສົດ ເພັດລາວັນ ກຳມະການພັກແຂວງ ເລຂາພັກເມືອງ ເຈົ້າເມືອງໆກາສີ ແລະ ທ່ານ ອຈ ລາຢູ ແສນໃຈວຸດ ກຳມະການພັກເມືອງ ຫົວໜ້າຫ້ອງການສຶກສາທິການ ແລະກິລາເມືອງ ກໍ່ໄດ້ພັດປ່ຽນກັນຂຶ້ນມອບຢ່າງສົມກຽດ,

ນອກຈາກນີ້ກໍ່ໄດ້ມີການມອບຂອງຂວັນໃຫ້ແກ່ທ່ານ ເຈົ້າເມືອງ ແລະ ບັນດາພະນັກງານອາວຸໂສບຳນານ, ຫົວໜ້າຫ້ອງການສຶກສາທິການ ແລະ ກິລາພ້ອມດ້ວຍຄະນະ ອີກດ້ວຍ.

ຂ່າວ: ເມືອງກາສີ.

Leave a Reply

Your email address will not be published. Required fields are marked *