ແຂວງວຽງຈັນເຂົ້າຮ່ວມຝຶກອົບຮົມ ການຜະລິດ ແລະ ການນຳໃຊ້ ສື່ສັງຄົມອອນລາຍ ເພື່ອໂຄສະນາວຽກງານໂພສະນາການ ໃຫ້ແກ່ໄວໜຸ່ມ ແຂວງພາກກາງ ແລະ ພາກໃຕ້

ແຂວງວຽງຈັນໄດ້ຮ່ວມໂຄງການເປີດໃຈໄວໜຸ່ມເຊິ່ງເປັນລາຍການວິທະຍຸໄວໜຸ່ມ ເປີດມາແຕ່ປີ 2009, ເປັນລາຍການທີ່ມີປະໂຫຍດຕໍ່ໄວໜຸ່ມ ໃນການສ້າງລາຍການວິທະຍຸເດັກໃຫ້ໄດ້ອອກອາກາດທຸກໆວັນເສົາ ເວລາ 9:30 – 10:30 ທາງຄື້ນ Fm 100 MHz ທີ່ກວມເອົາເນື້ອທີ່ແຂວງວຽງຈັນ 95% ຈຳນວນ 11 ຕົວເມືອງທີ່ຂື້ນກັບແຂວງວຽງຈັນ ແລະ ກວມເອົາ 3 ແຂວງຄື: ແຂວງຊຽງຂວາງ, ຫລວງພະບາງ, ໄຊສົມບູນ ແລະ ນະຄອນຫຼວງ 35% ທີ່ສາມາດຮັບຄື້ນແຂວງວຽງຈັນໄດ້

ແລະ ໃນຕອນເຊົ້າຂອງວັນທີ 1 ກັນຍາ 2018 ທີ່ຜ່ານມາ ທີ່ຫ້ອງປະຊຸມ ສະຖານີວິທະຍຸ ແຂວງຄຳມ່ວນ ໄດ້ເປີດຊຸດຝຶກອົບຮົມການຜະລິດລາຍການ ວິທະຍຸ ແລະ ການນໍາໃຊ້ສື່ສັງຄົມອອນລາຍ ກ່ຽວກັບວຽກງານໂພຊະນາການ ແລະ ບັນຫາກ່ຽວກັບສິດທິເດັກ

ໂດຍພາຍໃຕ້ການເປັນປະທານຂອງທ່ານ ບຸນທຳ ທຳມະວົງ ຮອງຫົວໜ້າພະແນກ ຖະແຫຼງຂ່າວ ວັດທະນະທຳ ແລະ ທ່ອງທ່ຽວ ແຂວງຄຳມ່ວນ, ທ່ານ ຕະບອງເພັດ ພຸດທະວົງ ຕາງໜ້າຈາກອົງການຢູນີເຊັບ, ທ່ານ ສັງຂານ ຈູມຄຳພັນ ຮອງສະຖານີວິທະຍຸແຫ່ງຊາດລາວ, ນັກວິທະຍາກອນຈາກວິທະຍຸແຫ່ງຊາດ, ມີບັນດາພະນັກງານວິຊາການ ແລະ ນັກສຳມະນາກອນ ຈາກແຂວງພາກກາງ ແລະ ພາກໃຕ້ ເຂົ້າຮ່ວມ.

ທ່ານ ບຸນທຳ ທຳມະວົງ ຮອງຫົວໜ້າພະແນກ ຖະແຫຼງຂ່າວ ວັດທະນະທຳ ແລະ ທ່ອງທ່ຽວ ແຂວງຄຳມ່ວນ
ໄດ້ລາຍງານສະພາບລວມວຽກງານຖະແຫຼງຂ່າວຂອງແຂວງ ແລະ ກ່າວເປີດພິທີ ໂດຍທ່ານສະແດງຄວາມຕ້ອນຮັບຢ່າງອົບອຸ່ນບັນດາຜູ້ເຂົ້າຮ່ວມໃນຊຸດຝຶກອົບຮົມຄັ້ງນີ້.

ທ່ານສັງຂານ ຈູມຄຳພັນ ຮອງອຳນວຍການວິທະຍຸກະຈາຍສຽງແຫ່ງຊາດ : ຊຸດອົບຮົມໃນເທື່ອນີ້ແມ່ນມີປະໂຫຍດຫລາຍໂດຍສະເພາະໄວໜຸ່ມຮຸ້ນສືບທອດ,ນັກຈັດລາຍການຮຸ້ນສືບທອດ ສື່ສະໄໝໃໝ່ແມ່ນມີຄວາມຈະເປັນ ແລະ ສຳຄັນຫລາຍໃນການໂຄສະນາໄວໜຸ່ມ

ສະນັ້ນ ຮຽກຮ້ອງມາຍັງນັກສຳມະນາກອນທຸກຄົນຈົ່ງຕັ້ງໃຈ ແລະ ນຳເອົາບົດຮຽນຄັ້ງນີ້ໄປນຳໃຊ້ໃຫ້ເກີດຜົນປະໂຫຍດແກ່ຕົນເອງ ແລະ ວຽກງານໃນແຂວງຂອງຕົນ.

ສຳລັບຊຸດຝຶກອົບຮົມເທື່ອນີ້ ແມ່ນຈະໄດ້ແລກປ່ຽນ ແລະ ຮຽນຮູ້ຫລາຍຢ່າງຮ່ວມກັນເຊັ່ນ :

ແລກປ່ຽນດ້ານດີດ້ານອ່ອນໃນການດຳເນີນໂຄງການຮ່ວມກັນ, ຮຽນຮູ້ວຽກງານໂພຊະນາການ ແລະ ໂຄສະນາພະຍາດທີ່ເກີດຈາກໄພນໍ້າຖ້ວມ, ການພັດທະນາ ແລະ ນໍາໃຊ້ສື່ສັງຄົມອອນລາຍເຂົ້າໃນວຽກງານໂຄສະນາຢ່າງຖືກຕ້ອງ, ການຜະລິດລາຍການວິທະຍຸ ແລະ ອື່ນໆອີກ.

ແລະຈະດຳເນີນໄປເປັນເວລາ 4 ວັນ ທີ່ຫ້ອງປະຊຸມ ສະຖານີວິທະຍຸຂວງຄຳມ່ວນ.

Leave a Reply

Your email address will not be published. Required fields are marked *