ຫ້ອງປະຊຸມຫ້ອງການສາທາລະນະສຸກເມືອງໝືນ ແຂວງວຽງຈັນ ໄດ້ຈັດພິທີຈູດທຳລາຍສິນຄ້າອາຫານ ແລະ ເຄື່ອງດື່ມ ທີ່ໝົດອາຍຸເສື່ອມຄຸນນະພາບ

ວັນທີ 26 ກັນຍາ 2018 ຢູ່ທີ່ຫ້ອງປະຊຸມຫ້ອງການສາທາລະນະສຸກເມືອງໝືນ ແຂວງວຽງຈັນ ໄດ້ຈັດພິທີຈູດທຳລາຍສິນຄ້າອາຫານ ແລະ ເຄື່ອງດື່ມ ທີ່ໝົດອາຍຸເສື່ອມຄຸນນະພາບ.

ໃຫ້ກຽດເຂົ້າຮ່ວມໂດຍທ່ານ ນ ກົງສາມ ພັນວັນສາ ຫົວໜ້າອາຫານ ແລະ ຢາ ຫ້ອງການສາທາລະນະສຸກເມືອງ, ມີວິຊາການອາຫານ ແລະ ຢາ ເມືອງ, ຫ້ອງການທີ່ກ່ຽວຂ້ອງ ແລະ ເຈົ້າຂອງຮ້າຍຂາຍເຄື່ອງສົ່ງ – ຍ່ອຍເຂົ້າຮ່ວມ.

ທ່ານ ລີລໍ່ ຢາຈື້ວ່າງເຊັ້ງ ຮອງຫົວໜ້າອາຫານ ແລະ ຢາ ໄດ້ຜ່ານບົດລາຍງານກິດຈະກຳລົງກວດກາອາຫານໝົດອາຍຸ ແລະ ອາຫານເຊື່ອມຄຸນນະພາບໃນເທດສະບານເມືອງວ່າ:

ິ+ ສິນຄ້າທີ່ນຳມາຈູດທຳລາຍໃນເທື່ອນີ້ໄດ້ມາຈາກວິຊາການອາຫານ ແລະ ຢາ ຈາກຫ້ອງການສາທາລະນະສຸກເມືອງ ສົມທົບກັບຂະແໜງການທີ່ກ່ຽວຂ້ອງຂອງເມືອງ ລົງກວດກາບັນດາຮ້ານຂາຍເຄື່ອງສົ່ງ – ຍ່ອຍ ໃນຂອບເຂດເທດສະບານເມືອງໝື່ນ ລາຍລະອຽດດັ່ງນີ້:

ນົມຝຸ່ນແລັກໂຕຣເຢນ,ນົມເເລັກຕາຊອຍ,ເຄື່ອງດື່ມປະເພດນໍ້າຫວານ,ເຂົ້າໜົມປັງ,ເຂົ້າໜົມເຜັດຫວານ, ໝີ່ໄວໆ, ໝີ່, ຄະນໍ ແລະ ສິນຄ້າອື່ນໆ ອີກຫຼາຍລາຍການ ທີ່ໝົດອາຍຸ ເສື່ອມຄຸນນະພາບ ລວມມູນຄ່າທັງໝົດ 1,648,600 ກວ່າກີບ.

ທັງໄດ້ສ້າງບົດບັນທຶກຕັກເຕື່ອນເຈົ້າຂອງຮ້ານ ຖ້າຫາກກວດພົບເຫັນໃນເທື່ອໜ້າຈະປະຕິບັດຕາມລະບຽບກົດໝາຍຂອງບ້ານເມືອງ.

ຈາກນັ້ນກໍ່ໄດ້ຮ່ວມກັນຈູດທຳລາຍສິ້ນຄ້າ ແລະ ອາຫານທີ່ໝົດອາຍຸດັ່ງກ່າວ ຢູ່ຈຸດຂຸມຖີ້ມຂີ່ເຫຍື້ອຫ້ອງການສາທາລະນະສຸກເມືອງໝື່ນ.

ທີ່ມາ : ແຫວນຄຳ ນັກຂ່າວ ເມືອງໝື່ນ

Leave a Reply

Your email address will not be published. Required fields are marked *