ກອງໂຄສະນາກົດລະບຽບຈະລາຈອນ ປກສ ແຂວງວຽງຈັນ ລົງເຜີຍແຜ່ກົດລະບຽບຈະລາຈອນ

ເພື່ອເປັນການຫຼຸດຜ່ອນອຸປະຕິເຫດຕາມທ້ອງຖະໜົນຫຼວງ ໃຫ້ນັບມື້ນັບຫຼຸດໜ້ອຍຖອຍລົງເທື່ອລະກ້າວນັ້ນ ໃນທ້າຍອາທິດທີ່ຜ່ານມານີ້ ກອງໂຄສະນາກົດລະບຽບຈະລາຈອນ ປກສ ແຂວງ ສົມທົບກອງໂຄສະນາກົດລະບຽບຈະລາຈອນນະຄອນຫຼວງວຽງຈັນ ລົງເຜີຍແຜ່ກົດລະບຽບຈະລາຈອນ ຢູ່ທີ່ສະໂມສອນກອງພັນໃຫຍ່ 497 ນໍາທິມງານລົງເຜີຍແຜ່ກົດລະບຽບຈະລາຈອນຄັ້ງນີ້

ໂດຍແມ່ນທ່ານ ພັຕ ພູວັນນີ ຫລິນວັນນະລາດ ຮອງພະແນກຈະລາຈອນ ປກສ ແຂວງ, ທ່ານ ພັຕ ຫຼຽນໄຊ ມົງໂພນຄຳ ຮອງກອງໂຄສະນາຈະລາຈອນນະຄອນຫຼວງວຽງຈັນ, ທ່ານ ຮອ ທອງວັນ ປັນຍາດີ ຮອງຫົວໜ້າກອງໂຄສະນາກົດລະບຽບຈະລາຈອນ ປກສ ແຂວງ, ມີທ່ານ ພັທ ວິສອນ ຄຳພູ ຫົວໜ້າຫ້ອງພະລາກອງພັນໃຫ່ຍ 497 ມີແຂກຖຶກເຊີນ ແລະ ພະນັກງານທີ່ກ່ຽວຂ້ອງ ເຂົ້າຮວມ 180 ກວ່າຄົນ.

ເອກະສານທີ່ນຳມາເຜີຍແຜ່ຮໍ່າຮຽນໃນຄັ້ງນີ້ມີເອກະສານທີ່ສຳຄັນເຊັ່ນ: ເອກະສານກ່ຽວກັບກົດລະບຽບຈະລາຈອນ, ເອກະສານຄຸ້ມຄອງຄວາມເປັນລະບຽບຮຽບຮ້ອຍ ແລະການບັງຄັບໃຊ້ກົດໝາຍ, ດຳລັດ 188/ນຍ ວ່າດ້ວຍການປັບໄໝ ແລະມາດຕະການຕ່າງໆຕໍ່ຜູ້ລະເມີດລະບຽບກົດໝາຍກ່ຽວກັບການຈະລາຈອນທາງບົກ, ການຂົນສົ່ງທາງບົກ ແລະການປົກປັກຮັກສາທາງຫຼວງ, ເອກະສານປ້າຍສັນ ຍານເຕືອນການສັນຈອນ ແລະສາລະບານເດີນລົດ, ສະຖິຕິການເກີດອຸປະຕິເຫດໃນທົ່ວປະເທດ ແລະທົ່ວແຂວງວຽງຈັນ,

່ພ້ອມທັງຍົກໃຫ້ເຫັນສະພາບການເກີດອຸປະຕິເຫດທີກ້ອງວົງຈອນປິດຈັບພາບວີດີໂອໄດ້ຕາມຈຸດຕ່າງໆ ການລົງໂຄສະນາເຜີຍແຜ່ກົດລະບຽບຈະລາຈອນຄັ້ງນີ້ ກໍ່ເພື່ອຫຼຸດຜ່ອນອຸປະຕິເຫດຕາມທ້ອງທະໜົນຫຼວງໃຫ້ນັບມື້ນັບຫຼຸດໜ້ອຍຖອຍລົງ ແລະວຽກງານໂຄສະນາກົດລະບຽບຈະລາຈອນ ກໍ່ແມ່ນວຽກໜຶ່ງທີ່ສຳຄັັນ ເພື່ອຄຸ້ມຄອງຮັກສາຄວາມເປັນລະບຽບຮຽບຮ້ອຍ ແລະຄວາມປອດໄພໃນການສັນຈອນຕາມທາງຫຼວງ,

ີທັງເປັນການຊ່ວຍໃຫ້ຜູ້ຂັບຂີ່ຍວດຍານພາຫານະເດນທາງຖືກຕ້ອງຕາມລະບຽບຈະລະຈອນ ແລະເປັນບ່ອນອີງໃນການກວດກາຂອງເຈົ້້າໜ້າທີ່ຄຸ້ມຄອງການສັນຈອນຕາມເສັ້ນທາງຫຼວງ, ເປັນບ່ອນອີງໃນການຕັດສິນຄະດີຕາມສະພາບຕົວຈິງຂອງອຸປະຕິເຫດທີ່ເກີດຂື້ນໃນ ສປປ ລາວ

ແລະ ເປັນການປູກຈິດສຳນຶກໃຫ້ຜູ້ຂັບຂີ່ໄດ້ຮູ້ຈັກພື້ນຖານກົດລະບຽບຈະລາຈອນ, ເຂົ້າໃຈບັນດາເນື້ອໃນເອກະສານ, ຮູ້ໄດ້ທິດທາງ, ເຕັກນິກ, ວິທີການຂັບຂີ່ທີ່ຖືກຕ້ອງໃຫ້ແກ່ຜູ້ຂັບຂີ່, ການຂັບຂີ່ຍານພາຫະນະຈຶ່ງຈະປອດໄພ

ພ້ອມນັ້ນຜູ້ຂັບຂີ່ຍານພາຫານະຕ້ອງມີເອກະສານປະຈຳຕົວດັ່ງນີ້: ໃບອານຸຍາດຂັບຂີ່, ໃບທະບຽນລົດ,ໃບເສຍຄ່າທາງ, ໃບກວດກາເຕັກນິກ, ໃບປະກັນໄພລົດ, ສຳລັບລົດທີ່ເຮັດທຸລະກິດຕ້ອງປະກອບເອກະສານອານຸຍາດດຳເນີນທຸລະກິດຢ່າງຄົບຖ້ວນ

ໂອກາດດຽວກັນນີ້ບໍລິສັດສຸພິເລີດ ຈຳກັດ ມອບເຄື່ອງນຸ່ງຈຳນວນ 300 ໂຕ ໃຫ້ກອງພັນໃຫຍ່ 497 ມອບໂດຍທ່ານ ສຸລິວັນ ສຸພິເລີດ ຫົວໜ້າບໍລິສັດສຸພິເລີດ ຈຳກັດ ຕາງໜ້າຮັບໂດຍທ່ານ ພັທ ວິສອນ ຄຳພູ ຫົວໜ້າຫ້ອງພະລາ ກອງພັນໃຫຍ່ 497.

ພາບ-ຂ່າວ: ປກສ ແຂວງວຽງຈັນ

Leave a Reply

Your email address will not be published. Required fields are marked *