ກອງປະຊຸມຄົບຄະນະບໍລິຫານງານສະຫະພັນກຳມະບານ ເມືອງໝື່ນ ຄັ້ງທີ III ສະໄໝ II

ໃນຕອນເຊົ້າຂອງວັນທີ 19 ກັນຍາ 2018 ເມືອງໝື່ນໄດ້ຈັດກອງປະຊຸມຄົບຄະນະບໍລິຫານງານສະຫະພັນກຳມະບານ ເມືອງໝື່ນ ຄັ້ງທີ III ສະໄໝ II ຂື້ນຢ່າງເປັນທາງການ ຢູ່ທີສະໂມສອນໃຫ່ຍຫ້ອງວ່າການປົກຄອງເມືອງໝື່ນ ແຂວງ ວຽງຈັນ

ໃຫ້ກຽດເຂົ້າຮ່ວມໂດຍທ່ານ ນາງ ວົງພອນ ພານຸວົງ ຄະນະປະຈຳພັກເມືອງ ປະທານແນວລາວສ້າງຊາດເມືອງ, ມີ ທ່ານ ຈັນສະໝອນ ຈັນທາທອນ ຮອງປະທານ ສະຫະພັນກຳມະບານແຂວງ, ມີ ທ່ານ ສູນທະວີ ບຸດຈັນທະລາດ ປະທານ ສະຫະພັນກຳມະບານເມືອງ ພ້ອມທັງສະມາຊິກກຳມະບານທົ່ວເມືອງເຂົ້າຮ່ວມ.

ໃນພິທີທ່ານ ສູນທະວີ ບຸດຈັນທະລາດ ປະທານ ສະຫະພັນກຳມະບານເມືອງ ໄດ້ຂື້ນລາຍງານບົດສະຫຼຸບປະຈຳປີ 2018 ແລະ ທິດທາງແຜນການຕໍ່ໜ້າ 2019 ຂອງສະຫະພັນກຳມະບານເມືອງໝື່ນ ເຊິ່ງທ່ານໄດ້ໃຫ້ຮູ້ວ່າ ສະຫະພັນກຳມະບານເມືອງ ໄດ້ຖືເອົາວຽກງານສຶກສາອົບຮົມການເມືອງ-ແນວຄິດ ເປັນວຽກງານໜືງທີ່ສຳຄັນໃນການເອົາໃຈໃສ່ປະຕິບັດຕາມແນວທາງນະໂຍບາຍຂອງພັກ – ລັດກໍ່ຄືແຜນພັດ ທະນາເສດຖະກິດ-ສັງຄົມ

ເວົ້າລວມ ເວົ້າສະເພາະ ແມ່ນກົດໝາຍກຳມະບານລາວໂດຍອີງໃສ່ຕາມເນື້ອໃນຂໍ້ແຂ່ງຂັນ 5 ເປັນເຈົ້າ, ສະຫະພັນກຳມະບານເມືອງໝື່ນ ມີ 33 ກຳມະບານຮາກຖານ, ມີຄະນະບໍລິຫານງານ 13 ສະຫາຍ, ຍິງ 1 ສະຫາຍ,ມີກຳມະບານອາຊີບ 5 ສະຫາຍ, ຍິງ 2 ສະຫາຍ, ມີຄະນະຮາກຖານກຳມະບານທັງໝົດ 685 ສະຫາຍ, ຍິງ 232 ສະຫາຍ, ມີຫົວໜ່ວຍແຮງງານ 20 ແຫ່ງ, ມີ ກຳມະກອນ 129 ຄົນ, ຍິງ 24 ຄົນ,

ທົ່ວເມືອງມີສະມາຊິກກອງທຶນ ກຊກ ແລະ ທານຸເຄາະທັງໝົດ 314 ຄົນ, ຍິງ 134 ຄົນ, ປ່ຽນປື້ມສະມາຊິກກອງທຶນໃໝ່ຈຳນວນ 15 ຫົວ, ໄດ້ຂະຫຍາຍ ສະມາຊິກກອງທຶນ ກຊກ ແລະ ທານຸເຄາະ 43 ຄົນ, ຍິງ 20 ຄົນ, ໄດ້ປະຕິບັດເງິນນະໂຍບາຍໃຫ້ແກ່ສະມາຊິກກອງທຶນ ທານຸເຄາະ ທີເສຍຊີວິດ 3 ຄັ້ງ ເປັນເງິນທັງໝົດ 91,420,800 ກີບ.

ທ້າຍກອງປະຊຸມຍັງໃດ້ຮັບຟັງການໂອ້ລົມຂອງທ່ານຈັນສະໝອນ ຈັນທາທອນ ຮອງປະທານ ສະຫະພັນກຳມະບານແຂວງ ເຊິ່ງທ່ານໄດ້ຍ້ອງຍໍຊົມເຊີຍຕໍ່ຜົນງານດີເດັ່ນທີ່ທາງສະຫະພັນກຳມະບານເມືອງໝື່ນຍາດມາໄດ້ ພ້ອມທັງ ສືບຕໍ່ເສີມຂະຫຍາຍສະມາຊິກກອງທຶນ ກຊກ ທານຸເຄາະໃຫ້ໄດ້ຫຼາຍກວ່າເກົ່າ ສ້າງຄວາມສາມັກຄີ ປະກອບສ່ວນເຂົ້າໃນການປົກປັກຮັກສາ ແລະ ສ້າງສາພັດທະນາປະເທດຊາດ.

ຂ່າວ : ເມືອງໝື່ນ

Leave a Reply

Your email address will not be published. Required fields are marked *