ສະຫະພັນກໍາມະບານ ແຂວງວຽງຈັນ ເຜີຍແຜ່ເຊືອມຊືມ ມະຕິກອງປະຊຸມຄົບຄະນະ ບໍລິຫານງານສູນກາງພັກ ຄັ້ງທີ 6 ສະໄໝທີ X

ພິທີດັ່ງກ່າວໄດ້ຈັດຂື້ນໃນວັນທີ 29 ສີງຫາ 2018 ຜ່ານມາ, ຢູ່ທີ່ຫ້ອງປະຊຸມຂອງສະຫະພັນກຳມະບານແຂວງ, ໂດຍການເປັນປະທານຂອງ ທ່ານ ເທບພະໄທ ແກ້ວເຂັມເພັດ ກຳມະການພັກແຂວງ ປະທານສະຫະພັນກຳມະບານແຂວງ, ເຂົ້າຮ່ວມມີຄະນະປະທານ, ຫົວໜ້າ, ຮອງຫົວໜ້າຂະແໜງ ພ້ອມດ້ວຍພະນັກງານ, ວິຊາການຂອງສະຫະພັນກຳມະບານແຂວງ ເຂົ້າຮ່ວມຢ່າງພ້ອມພຽງ.

ໃນພິທີ ທ່ານ ເທບພະໄທ ແກ້ວເຂັມເພັດ ກໍາມະການພັກແຂວງ, ປະທານສະຫະພັນກໍາມະບານແຂວງ ໄດ້ໃຫ້ກຽດເຜີຍແຜ່ເຊືອມຊືມ ເອກະສານ ມະຕິກອງປະຊຸມຂອງຄະນະບໍລິຫານງານສູນກາງພັກ ປະຊາຊົນປະຕິວັດລາວ ວ່າດ້ວຍການຍົກສູງປະສິດທິພາບຄຸ້ມຄອງລັດ ຄຸ້ມຄອງສັງຄົມດ້ວຍ ກົດໝາຍ ເວົ້າລວມ ເວົ້າສະເພາະ ແມ່ນຕິດພັນກັບວຽກງານຂໍ້ແຂ່ງຂັ້ນ 5 ເປັນເຈົ້າ ຂອງສູນກາງສະຫະພັນກໍາມະບານລາວວາງອອກ, ຂະບວນການແຂ່ງຂັນ ຮັກຊາດ ແລະ ພັດທະນາ.

ຕິດພັນກັບການກໍ່ສ້າງພັກໃຫ້ປອດໃສ, ເຂັມແຂງ, ໜັ້ນແໜ້ນ ທາງດ້ານການເມືອງແນວຄິດ ການຈັດຕັ້ງ ແລະ ແບບແຜນການນໍາພາ ເປັນຕົ້ນແມ່ນເພື່ອໃຫ້ພະນັກງານ, ຂອງສະຫະພັນກໍາມະບານແຂວງ ນໍາເອົາເນື້ອໃນ ທີ່ສໍາຄັນຂອງເອກະສານ ຜັນຂະຫຍາຍ, ຈັດຕັ້ງປະຕິບັດເຂົ້າໃນວຽກງານ, ເຊື້ອໝັ້ນ, ໜັກແໜ້ນ ໃນວຽກງານການເມືອງ-ແນວຄິດ, ວຽກງານວິຊາສະເພາະຂອງຕົນ.

ເຊິ່ງໄດ້ຕີລາຄາຢ່າງພາວະວິໄສ ແລະ ກວມລວມທີ່ສຸດ ຕໍ່ການຜັນຂະຫຍາຍ ແລະ ຈັດຕັ້ງປະຕິບັດມະຕິກອງປະຊຸມໃຫຍ່ ຄັ້ງທີ X ຂອງພັກປະຊາຊົນ ປະຕິບັດລາວ ໃນໄລຍະຜ່ານມາ ທັງດ້ານດີ, ຜົນສໍາເລັດ ແລະ ບົດຮຽນຈໍານວນໜື່ງ ໃນການນໍາພາຊີ້ນໍາຂອງສູນກາງພັກ ກໍ່ຄືຄະນະພັກແຕ່ລະຂັ້ນ, ພ້ອມນັ້ນ ກໍ່ຊີ້ໃຫ້ເຫັນບັນຫາທີ່ຄົງຄ້າງ ແລະ ສີ່ງທີ່ຕ້ອງໄດ້ສືບຕໍ່ເພີ່ມທະວີການນໍາພາຊີ້ນໍາໃນຊຸມປີຕໍ່ໜ້າ.

ຍົກສູງປະສິດທິພາບການຄຸ້ມຄອງລັດ, ຄຸ້ມຄອງສັງຄົມ ດ້ວຍກົດໝາຍ ເປັນພື້ນຖານຂອງການສ້າງລັດ ທີ່ປົກຄອງດ້ວຍກົດໝາຍ, ນໍາໃຊ້ ແລະ ປັບປຸງລັດຖະທໍາມະນູນ, ກົດໝາຍ, ນິຕິກໍາໃຕ້ກົດໝາຍ ໃຫ້ເປັນເຄື່ອງມືຄຸ້ມຄອງລັດ, ຄຸ້ມຄອງສັງຄົມ, ປົກປ້ອງສິດຜົນປະໂຫຍດອັນຊອບທໍາຂອງປະຊາຊົນບັນດາເຜົ່າ ຂອງລັດ ແລະ ລວມໝູ່ ຮັບປະກັນການປົກປັກຮັກສາລະບອບປະຊາທິປະໄຕ ປະຊາຊົນ ໄດ້ຢ່າງໝັ້ນຄົງ.

ຂ່າວ: ບຸນຄົງ ຈັນດາລາ

Leave a Reply

Your email address will not be published. Required fields are marked *