ກອງປະຊຸມຝຶກອົບການເງີນບ້ານ ແລະ ວຽກງານ 3 ສ້າງ ຂອງຂະແໜງການເງີນແຂວງວຽງຈັນ

ໃນວັນທີ 16 ສິງຫາ 2018 ຜ່ານມານີ້ ຢູ່ທີ່ຫ້ອງວ່າການປົກຄອງເມືອງວຽງຄຳ ແຂວງວຽງຈັນ ໄດ້ຈັດກອງປະຊຸມຝຶກອົບການເງີນບ້ານ ແລະ ວຽກງານ 3 ສ້າງ ຂອງຂະແໜງການເງີນແຂວງວຽງຈັນ ໂດຍການເຂົ້າຮ່ວມເປັນປະທານຂອງທ່ານ ສົມພອນ ໄຊຍະທັນ ຮອງເລຂາພັກເມືອງ, ຮອງເຈົ້າເມືອງໆວຽງຄຳ, ມີທ່ານ ພູເຂົາທອງ ທອງສະຫວັນ ຄະນະພະແນກສວຍສາອາກອນປະຈຳແຂວງ, ທ່ານ ຄຳຜາຍ ມະນີວົງ ຫົວໜ້າຫ້ອງການການເງີນເມືອງວຽງຄຳ, ມີຄະນະປະຈຳພັກເມືອງ, ກຳມະການພັກເມືອງ, ຄະນະຮັບຜິດຊອບວຽກງານ 3 ສ້າງ ຂະແໜງການເງີນແຂວງ, ຫົວໜ້າ ແລະ ຮອງຫ້ອງການ, ເລຂາພັກບ້ານ ນາຍບ້ານ, ການເງີນບ້ານ 17 ບ້ານ, ແລະ ພະນັກງານວິຊາການຂະແໜງການເງີນເມືອງວຽງຄຳ ເຂົ້າຮ່ວມ.

ທ່ານ ຄຳຜາຍ ມະນີວົງ ຫົວໜ້າຫ້ອງການ ການເງີນເມືອງວຽງຄຳ ກ່າວວ່າ: ຈຸດປະສົງໃນການຝຶກອົບຮົມໃນຄັ້ງນີ້ກໍ່ເພື່ອເຮັດໃຫ້ອຳນາດການປົກຄອງບ້ານ, ການເງີນບ້ານ ແລະ ພະນັກງານວິຊາການຂະແໜງການເງີນເມືອງ, ມີຄວາມຮັບຮູ້, ມີຄວາມເຂົ້າໃຈຢ່າງເລິກເຊິ່ງຕຶ່ມອິກ ແນໃສ່ເຮັດໃຫ້ວຽກງານ 3 ສ້າງ, ວຽກງານການເງີນ ຂອງແຂວງວຽງຈັນ ໄດ້ຈັດຕັ້ງປະຕິບັດຖືກຕ້ອງຕາມຂັ້ນຕອນຂອງລະບຽບການ ຖືກຕ້ອງຕາມທິດຊີ້ນຳຂອງກົມການເມືອງສູນກາງພັກ ແລະການຊີ້ນຳຂອງຄະນະປະຈຳພັກແຂວງ ຄະນະຊີ້ນຳວຽກງານ 3 ສ້າງຂອງແຂວງວຽງຈັນ ເພື່ອເຮັດໃຫ້ການຈັດຕັ້ງປະຕິບັດຕົວຈິງຢ່າງມີຈຸດສຸມ, ເປັນລະບົບຄົບຊຸດເພື່ອຊອກໃຫ້ເຫັນດ້ານດີຜົນໄດ້ຮັບໃນແຕ່ລະຂົງເຂດວຽກງານ,

ດ້ານອ່ອນ-ຂໍ້ຄົງຄ້າງ ທີ່ເປັນສິ່ງກິດຂວາງຕໍ່ກັບການພັດທະນາ ເພື່ອມີວິທີການ, ມາດຕະການແກ້ໄຂ ເຮັດໃຫ້ແຕ່ລະຂົງເຂດວຽກງານມີຄວາມເຂັ້ມແຂງ ສາມາດທະລຸບັນດາຄາດໝາຍຕ່າງໆ ຂອງມະຕິກອງປະຊຸມໃຫຍ່ຄັ້ງທີ X ຂອງພັກ ກໍ່ຄືມະຕິກອງປະຊຸມໃຫຍ່ຄັ້ງທີ V ຂອງອົງຄະນະພັກແຂວງວຽງຈັນ ວາງອອກໃຫ້ປະກົດຜົນເປັນຈີິງ,

ແລະ ອິງຕາມຂໍ້ຕົກລົງຂອງລັດຖະມົນຕິວ່າການກະຊວງການເງີນວ່າດ້ວຍການເງີນບ້ານ ເພື່ອຍົກສູງຄວາມສາມາດຂຸດຄົ້ນລາຍຮັບ-ຄຸ້ມຄອງລາຍຈ່າຍງົບປະມານຢູ່ຂັ້ນບ້ານ ຖືກຕ້ອງຕາມລະບຽບກົດໝາຍ ແນໃສ່ສ້າງບ້ານເປັນຫົວໜ່ວຍພັດທະນາຢ່າງແຂງແຮງ,

ການເງີນບ້ານແມ່ນນອນຢູ່ໃນໂຄງປະກອບການຈັດຕັ້ງຂອງໜ່ວຍງານເສດຖະກິດ-ການເງີນຂອງບ້ານມີສາຍການຈັດຕັ້ງຄຸ້ມຄອງດ້ານວິຊາການຂື້ນກັບຫ້ອງການໆເງີນເມືອງ, ເປັນເສນາທິການຊ່ວຍອົງການປົກຄອງບ້ານ ແລະ ການເງີນເມືອງໃນການຈັດເກັບລາຍຮັບບາງປະເພດ ແລະ ປະຕິບັດບ້ວງຮ່ວງລາຍຈ່າຍງົບປະມານຂອງບ້ານຕາມແຜນການມອບໝາຍໃຫ້ແຕ່ລະສົກປີ, ປະຕິບັດຕາມນະໂຍບາຍ, ລະບຽບກົດໝາຍກ່ຽວກັບວຽກງານການເງີນ-ງົບປະມານ, ປະສານສົມທົບກັບໜ່ວຍງານຕ່າງໆ ຢູ່ໃນອົງການປົກຄອງບ້ານ ແລະພາກສ່ວນກ່ຽວຂ້ອງ ເພື່ອປະຕິບັດໜ້າທີ່ຂອງຕົນໃຫ້ບັນລຸຕາມຄາດໝາຍ ແລະ ມີສິດທິຜົນ ມອບໃຫ້ການເງີນບ້ານ, ອົງການປົກຄອງບ້ານ, ຂະແໜງການເງີນເມືອງ ແລະອົງການປົກຄອງເມືອງ ຈັດຕັ້ງປະຕິບັດຕາມ 7 ໝວດ ແລະ 17 ມາດຕາ ຂອງລັດຖະມົນຕິວ່າການກະຊວງການເງີນວາງອອກ ແລະ ໄດ້ຮັບຟັງການສາທິດຕົວຢ່າງການຄິດໄລ່ ແລະ ເອກະສານອ້າງອີງໃນການປະຕິບັດຕົວຈິງວຽກງານສ່ວຍສາອາກອນຄື ອາກອນລາຍໄດ້, ອາກອນມອບເໝົາ ແລະເກັບພາສີທີ່ດີນ ຕື່ມອິກ.

ພາບ-ຂ່າວ: ປກສ ແຂວງວຽງຈັນ

Leave a Reply

Your email address will not be published. Required fields are marked *