ກອງປະຊຸມເຜີຍແຜ່ຍຸດທະສາດ ແລະ ເກັບກຳຂໍ້ມູນຕົວຊີ້ບອກທາງດ້ານເສດຖະກິດ ແລະ ສັງຄົມ

ໃນຕອນເຊົ້າຂອງມື້ນີ້ ທີ 8 ສິງຫາ 2018 ຢູ່ທີ່ສະໂມສອນຫ້ອງວ່າການປົກຄອງເມືອງໝື່ນ ແຂວງວຽງຈັນ ໄດ້ຈັດກອງປະຊຸມເຜີຍແຜ່ຍຸດທະສາດ ແລະ ເກັບກຳຂໍ້ມູນຕົວຊີ້ບອກທາງດ້ານເສດຖະກິດ ແລະ ສັງຄົມ ຂຶ້ນ

ໃຫ້ກຽດເຂົ້າຮ່ວມໂດຍທ່ານ ພອນເທີດ ສຸຫວັດດີ ຄະນະປະຈຳພັກເມືອງ ຮອງເຈົ້າເມືອງ – ເມືອງໝື່ນ ,ທ່ານ ສີນວນ ຈັນທະວົງ ຫົວໜ້າສູນສະຖິຕິປະຈຳແຂວງວຽງຈັນ ,ມີຄະນະປະຈຳພັກເມືອງ,ກຳມະການພັກເມືອງ,ຄະນະຫ້ອງການ ,ພະງານສະຖິຕິປະຈຳບັນດາຫ້ອງການອ້ອມຂ້າງເມືອງເຂົ້າຮ່ວມ,

ທ່ານ ພອນເທີດ ສຸຫວັດດີ ຄະນະປະຈຳພັກເມືອງ ຮອງເຈົ້າເມືອງ – ເມືອງໝື່ນ ໄດ້ໃຫ້ກຽດກ່າວເປີດກອງປະຊຸມວ່າ: ວຽກງານສະຖິຕິແມ່ນວຽກງານໜຶ່ງທີ່ມີຄວາມໝາຍ ຄວາມສຳຄັນຍີ່ງ ເປັນການຕິດຕາມສະພາບການເຄື່ອນຕິງ ຂອງເສດຖະກິດ – ສັງຄົມ ,ການເກັບກຳຂໍມູນຕົວຈິງໃນທຸກຂົງເຂດວຽກງານເພື່ອເປັນຂໍມູນອ້າງອີງໃຫ້ການຈັດຕັ້ງປະຕິບັດ ສະນັ້ນຮຽກຮ້ອງໃຫ້ທຸກພາກສ່ວນຈົ່ງເອົາໃຈໃສ່ຈັດຕັ້ງປະຕິບັດວຽກງານດັ່ງກ່າວນີ້ດ້ວຍຄວາມເອົາໃຈໃສ່ ເພື່ອໃຫ້ໄດ້ຂໍມູນທີ່ຖືກຕ້ອງຕາມຄວາມເປັນຈິງພ້ອມທັງກ່າວເປີດກອງປະຊຸມຢ່າງເປັນທາງການ.

ເພື່ອແນະນຳການຈັດຕັ້ງປະຕິບັດການເກັບກຳຂໍ້ມນສະຖິຕິທາງການ ປີ 2018 ແລະ ຊຸກຍູ້ວຽກງານສະຖິຕິຂັ້ນເມືອງ ທ່ານ ສີນວນ ຈັນທະວົງ ຫົວໜ້າສູນສະຖິຕິປະຈຳແຂວງວຽງຈັນ ໄດ້ເຜີຍແຜ່ – ແນະນຳ ເອກະສານດັ່ງນີ້: ເອກະສານການເມືອງ ແນວຄິດ ໃຫ້ພະນັກງານສະຖິຕິໃນລະບົບສາຍຕັ້ງ,ເອກະສານພາລະບົດບາດ – ສິດ,ໜ້າທີ່ຄວາມຮັບຜິດຊອບຕາມລະບຽບຂອງພັກ ແລະ ກົດໝາຍຂອງລັດ,ແນະນຳວຽກງານສະຖິຕິເພື່ອຊຸກຍູ້ແຜນພັດທະນາເສດຖະກິດ – ສັງຄົມ ແລະ ຍຸດທະສາດ ການພັດທະນາລະບົບສະຖິຕິຂອງແຂວງວຽງຈັນ.

ຈາກນັ້ນຂະແໜງສະຖິຕິເສດຖະກິດ ແລະ ຂະແໜງສະຖິຕິສັງຄົມ ຂຶ້ນຜ່ານ ເອກະສານ ການເກັບກຳສະຖິຕິຈາກລະບົບສາຍຂວາງ ເພື່ອການວິເຄາະວິໃຈ ,ຄິດໄລ່ມະຫາພາກ ແລະ ສ້າງຖານຂໍມູນຂັ້ນເມືອງໃນປີ 2018,ການເກັບກຳຂໍມູນສະຖິຕິດ້ານພົນລະເມືອງ ແລະ ຄົວເຮືອນທຸກບ້ານ ຕາມລະບົບບໍລິຫານປະຈຳງວດ 6 ເດືອນຕົ້ນປີ ແລະ 6 ເດືອນທ້າຍປີ ໃນນີ້ໄດ້ສົມທຽບໃສ່ໄລຍະດຽວກັນຂອງປີທີ່ຜ່ານມາ,ວິເຄາະວິໃຈພ້ອມຂຽນບົດລາຍງານໃຫ້ການນຳຂັ້ນເມືອງ ທ່ານ ເຈົ້າເມືອງ ຫຼຶ ທ່ານ ຮອງເຈົ້າເມືອງ ແລະ ລາຍງານໃຫ້ສູນສະຖິຕິປະຈຳແຂວງ.

ກອງປະຊຸມໄດ້ດຳເນີນໄປດ້ວຍບັນຍາກາດຟົດຟື້ນດ້ວຍການມີສ່ວນຮ່ວມຈາກບັນດາຜູ້ແທນກອງປະຊຸມ ໃນການປະກອບຄວາມຄິດຄວາມເຫັນ ຍົກມາດຕະການໃນການແກ້ໄຂບັນຫາຂໍ້ຄົງຄ້າງຕ່າງໆ ຢ່າງກົງໄປກົງມາ.

Leave a Reply

Your email address will not be published. Required fields are marked *