ຄວາມຄືບໜ້າການພັດທະນາເທດສະບານແຂວງວຽງຈັນ

ຕາມການລາຍງານຂອງ ທ່ານ ວິດົງ ໄຊຍະສອນ ເຈົ້າແຂວງໆວຽງຈັນ ຕໍ່ກອງປະຊຸມສະໄໝສາມັນ ເທື່ອທີ 5 ຂອງສະພາປະຊາຊົນແຂວງວຽງຈັນ ຊຸດທີ I ໃນຄັ້ງວັນທີ 6 ສິງຫາ 2018 ຜ່ານມາວ່າ :

“ ການພັດທະນາເທດສະບານແຂວງວຽງຈັນຢູ່ເມືອງວຽງຄຳ ໄດ້ມີຄວາມຄືບໜ້າເປັນຕົ້ນ: ໄດ້ມີການກະກຽມສ້າງນິຕິກຳຄຸ້ມຄອງການຈັດສັນທີ່ດິນເຂດເທດສະບານແຂວງ ແລະ ໄດ້ກະກຽມນິຕິກຳກຳນົດມູນຄ່າທີ່ດິນ ແລະ ສິ່ງປຸກສ້າງທົ່ວແຂວງວຽງຈັນ.

ໃນປີ 2018 ແຂວງວຽງຈັນ ໄດ້ຮັບງົບປະມານບ້ວງພັດທະນາເທດສະບານແຂວງ ຈໍານວນ 8,64 ຕື້ກີບ ອະນຸມັດງົບປະມານແລ້ວ 4,95 ຕື້ກີບ ເທົ່າກັບ 57,29% ຂອງແຜນການເພື່ອມາຈັດຕັ້ງປະຕິບັດໂຄງການສືບຕໍ່ຊໍາລະໂຄງການທີ່ປະຕິບັດສຳເລັດໄປແລ້ວ ເປັນຕົ້ນການກໍ່ສ້າງທາງສາຍຫຼັກ, ໄຟຟ້າ ແລະ ສຳນັກງານຫ້ອງການຕ່າງໆ, ສຳລັບໂຄງການທີ່ແຂວງສັ່ງໂຈະ 3 ໂຄງການນັ້ນ ປະຈຸບັນໄດ້ມີການປະມູນ ແລະ ລົງມືສ້ອມແປງຄືນໃໝ່ 1 ໂຄງການຄື : ເສັ້ນທາງໂພນໝີ ຫາ ທ່າລາດ ໂດຍເຮັດເປັນທາງປູຢາງ 2 ຊັ້ນ ມູນຄ່າ 13,68 ຕື້ກີບ ໂດຍນໍາໃຊ້ທຶນກອງທຶນທາງ ປະຕິບັດສຳເລັດແລ້ວ 30% “

ພາບ ແລະ ຂ່າວໂດຍ : ພູເງິນ ບົວທອງ

ຂອບໃຈພາບມູມສູງໂດຍ : ສຸລິໂຍ

Leave a Reply

Your email address will not be published. Required fields are marked *