ມະຫັດສະຈັນມິ່ງເມືອງລາວ “ທີມຊ່ຽວຊານໃນການສໍາຫຼວດຖໍ້າຂອງປະເທດຍີ່ປຸ່ນ ຄົ້ນພົບຖໍ້າທີ່ ຄາດວ່າມີຂະໜາດໃຫຍ່ທີ່ສຸດໃນໂລກ ຢູ່ເຂດເມືອງແມດ ແຂວງວຽງຈັນ ສປປລາວ”

1) ຖໍ້າມີຄວາມສູງເຖິງ 120 ແມັດ, ກ້ວາງເຖິງ 400 ແມັດ, ຍາວເກືອບ 08 ກິໂລແມັດ ແລະ ມີແມ່ນໍ້າໄຫຼລອດຖໍ້າດັ່ງກ່າວ ທີ່ມີຄວາມກ້ວາງເຖິງ 30 ແມັດ. ພາຍໃນຖໍ້າ ມີຫີນງອກ ແລະ ຫີນຂາວ ຈໍານວນຫຼາຍ ທີ່ສວຍສົດງົດງາມປານສະຫວັນເມືອງມະນຸດ;

(2) ການສຳຫຼວດຄັ້ງນີ້ ນຳທີມໂດຍ ທ່ານ ຄັດຊຶຈິ ໂຍຊິດະ (Katsuji Yoshida) ເປັນໜຶ່ງໃນນັກສຳຫຼວດຖໍ້າ ທີ່ມີຊື່ສຽງໂດ່ງດັງຂອງໂລກ ເຄີຍສຳຫຼວດຖໍ້າມາແລ້ວຫຼາຍບ່ອນ ແລະໄດ້ຄົ້ນພົບຖໍ້າແຫ່ງໃໝ່ໃນໂລກມາແລ້ວ 06 ແຫ່ງ, ພາຍຫຼັງຈາກ ທີ່ໄດ້ສຶກສາກ່ຽວກັບຖໍ້າມາດົນ ຈຶ່ງຕັ້ງສົມມຸດຖານຂຶ້ນມາວ່າ ຢູ່ລາວອາດມີຖໍ້າທີ່ໃຫຍ່ທີ່ສຸດໃນໂລກກໍເປັນໄດ້ ສະນັ້ນ ຈຶ່ງໄດ້ເລີ່ມການວິໄຈແລະສຳຫຼວດ ຖໍ້າຢູ່ລາວເປັນເວລາເຖິງ 02 ປີ;

(3) ພາຍຫຼັງຈາກ ຊ່ອງໂທລະພາບ NHK ຂອງຍີ່ປຸ່ນ ໄດ້ຮັບຂ່າວນີ້ ກໍໄດ້ສົ່ງຜູ້ສື່ຂ່າວ 03 ຄົນ ເດີນທາງໄປທີ່ຖໍ້າຮ່ວມກັບທີມງານສຳຫຼວດ, ເມື່ອມາຮອດປາກຖໍ້າ ພວກເຂົາຕ່າງພາກັນຕະລຶງກັບຄວາມໃຫຍ່ຂອງຖໍ້າຢູ່ໃນຖໍ້າ ມີສາຍນໍ້າ ຕ້ອງໄດ້ໃຊ້ເຮືອເດີນທາງເຂົ້າໄປແລ້ວມາຕັ້ງຄ້າຍຢູ່ທີ່ຈຸດໆໜຶ່ງໃນຖໍ້າເຊິ່ງຫ່າງຈາກປາກບ້ານນໍ້າເຟືອງ ເມື່ອງແມັດ ແຂວງວຽງຈັນ ປະມານ 20 ນາທີ ແລະ ອີງຕາມຂໍ້ມູນຈາກຊາວບ້ານ, ຊາວບ້ານເຄີຍມາຮອດແຕ່ຈຸດນີ້ ໄກກວ່ານັ້ນແມ່ນບໍ່ເຄີຍເຂົ້າໄປທີມງານສຳຫຼວດຕັ້ງຄ້າຍຢູ່ຈຸດນີ້ເປັນເວລາໜຶ່ງເດືອນ, ເຊິ່ງບ່ອນຄ້າຍທີ່ພັກມືດຫຼາຍຖ້າບໍ່ມີໄຟສາຍຈະບໍ່ເຫັນຫຍັງເລີຍ;

(4) ຢູ່ໃນຖໍ້າຈະໜາວຫຼາຍ, ພາຍໃນຖໍ້າມີສາຍນໍ້າໃຫຍ່ທີ່ວັດແທກຄວາມກວ້າງໄດ້ 30 ແມັດ ບາງຈຸດຂອງສາຍນໍ້າມີຄວາມເລິກບໍ່ສາມາດຍ່າງໄດ້ຈຳເປັນຕ້ອງລອຍເອົາ ແລະຕ້ອງໄດ້ແບກເອົາອຸປະກອນທັງໝົດເຂົ້າໄປນຳ ເປັນຕົ້ນແມ່ນກ້ອງ, ໄຟສາຍ, ວິທະຍຸເມື່ອລອຍນໍ້າໂຕກໍປຽກ ຍິ່ງເພີ່ມຄວາມໜາວເຂົ້າໄປອີກ ຍິ່ງໄປກວ່ານັ້ນ ເວລາຂັບຖ່າຍກໍລຳບາກຕ້ອງໄດ້ຖ່າຍໃສ່ຖົງຢາງ ເພາະບໍ່ຢາກທໍາລາຍຄວາມບໍລິສຸດຂອງສະພາບແວດລ້ອມທີ່ຢູ່ຂ້າງໃນ;

(5) ນອກຈາກນີ້, ຢູ່ພາຍໃນຖໍ້າຍັງມີຫີນຍ້ອຍທີ່ບໍ່ລິສຸດ ຫີນຍ້ອຍນີ້ມີສີຂາວກວ່າບ່ອນອື່ນໆທີ່ເຄີຍພົບມາ ສະພາບອາກາດໃນຖໍ້າ ມີຄວາມສົດຫຼາຍ ຄວາມຊຸ່ມ (Humidity) ໃນຖໍ້າມີຫຼາຍກວ່າ 98% ເຮັດໃຫ້ກ້ອງທີ່ທີມສຳຫຼວດນຳເຂົ້າໄປນັ້ນ ໃຊ້ການບໍ່ໄດ້ 04 ໜ່ວຍ ຈາກ ທັງໝົດ 08 ໜ່ວຍທີ່ນຳເຂົ້າໄປ ກ້ອງທີ່ເພແມ່ນກ້ອງທີ່ມີປະສິດທິພາບໃນການຖ່າຍທຳສູງ ຍັງເຫຼືອແຕ່ກ້ອງກັນນໍ້າໄດ້, ແຕ່ປະສິດທິພາບໃນການຖ່າຍທຳ ບໍ່ໄດ້ເທົ່າກ້ອງທີ່ເພ ອັນທີ່ຈິງແລ້ວ ມືກ້ອງມີປະສົບການໃນການຖ່າຍທຳໃນຖໍ້າສູງ ຖ່າຍໃນຖໍ້າມາແລ້ວຫຼາຍບ່ອນ ແຕ່ຖໍ້າແຫ່ງນີ້ ມີສະພາບຍາກກວ່າທີ່ຄິດໄວ້ ຖໍ້າແຫ່ງນີ້ ມີຄວາມກວ້າງຫຼາຍ;

(6) ທີມສຳຫຼວດຄິດວ່າຈະໃຊ້ ໂດຣນ ຖ່າຍໃນບ້ານນໍ້າເຟືອງ ເມືອງແມັດ ແຂວງວຽງຈັນ, ແຕ່ໄຟສາຍທີ່ນຳເຂົ້າໄປນຳນັ້ນ ສ່ອງບໍ່ທົ່ວເຖິງ ເລີຍຍົກເລີກໄປ ໄຟສາຍທີ່ທີມສຳຫຼວດນຳເຂົ້າໄປນັ້ນ ເປັນໄຟສາຍທີ່ມີປະສິດທິພາບສູງ ໃຊ້ສະເພາະໃນກອງທັບ ມີປະສິດທິພາບກວ່າໄຟສາຍທຳມະດາເຖິງ 15 ເທົ່າ ແຕ່ຍັງບໍ່ສາມາດສ່ອງໃນ ບ້ານນໍ້າເຟືອງ ເມືອງແມັດ ແຂວງວຽງຈັນ ໄດ້ທົ່ວເຖິງ ເນື່ອງຈາກຖໍ້າມີຄວາມກວ້າງຫຼາຍ;

(7) ທ່ານ ຄັດຊຶຈິ ໂຍຊິດະ ກ່າວວ່າ ຖໍ້າແຫ່ງນີ້ອາດເປັນຖໍ້າທີ່ໃຫຍ່ທີ່ສຸດຂອງໂລກ ເຊິ່ງທີມງານຈະໄດ້ມີການສຳຫຼວດອີກຕໍ່ໄປ ແລະຈະໄດ້ກະກຽມຜົນການສຳຫຼວດ ແລ້ວລາຍງານໃນກອງປະຊຸມນາໆຊາດ ເພື່ອຮັບຮອງເອົາ ແຕ່ເຖິງຢ່າງໃດກໍດີ ການທີ່ໄດ້ມາສຳຜັດກັນແຫ່ງນີ້ ແລ້ວໄດ້ມີໂອກາດຖ່າຍພາບ ຖ່າຍວິດີໂອ ກໍຖືວ່າເປັນຄວາມພາກພູມໃຈຢ່າງຍິ່ງ ຂອງທີມງານສຳຫຼວດ ເພາະຍັງບໍ່ທັນມີໃຜເຂົ້າມາສຳຫຼວດໄດ້ໄກເຖິງຂະໜາດນີ້;

(8) ທີມງາມສຳຫຼວດ ໃຊ້ເວລາຢູ່ໜຶ່ງເດືອນ ອາໄສຢູໃນຖໍ້າ, ສຳຫຼວດຖໍ້າເປັນໄລຍະທາງ ໂດຍລວມແລ້ວ 08 ກິໂລແມັດ ແລະ ທີມສຳຫຼວດ ຈະໄດ້ເດີນທາງມາຖໍ້າແຫ່ງນີ້ອີກຄັ້ງ ໃນເດືອນພະຈິກ ຂອງທ້າຍປີ 2018 ນີ້.

Leave a Reply

Your email address will not be published. Required fields are marked *