ພິທີມອບ – ຮັບເຄື່ອງກິລາໃຫ້ແກ່ ສະຖາບັນການເມືອງ-ການປົກຄອງແຫ່ງຊາດ

ໃນຕອນຂອງວັນທີ 28 ມີຖຸນາ 2018 ທີ່ຜ່ານມາ, ການນຳເມືອງໝື່ນ ໄດ້ນຳເຄື່ອງກິລາໄປມອບໃຫ້ແກ່ສະຖາບັນການເມືອງ-ການປົກຄອງແຫ່ງຊາດ.

ໂດຍໃຫ້ກຽດເຂົ້າຮ່ວມຂອງທ່ານ ບຸນໄທ ອ່ອນວິເນດ ຮອງເລຂາພັກເມືອງ ປະທານກວດກາພັກ-ລັດເມືອງ, ມີທ່ານນາງ ວົງພອນ ພານຸວົງ ຄະນະປະຈຳພັກເມືອງ ປະທານແນວລາວສ້າງຊາດເມືອງ, ມີທ່ານ ບຸນແທນ ແກ້ວປະເສີດ ຄະນະທີ່ປຶກສາ ສະມາຄົມ ສະຖາບັນການເມືອງ-ການປົກຄອງແຫ່ງຊາດ ຂອງແຂວງວຽງຈັນ, ມີ ທ່ານ ບົວຄຳ ປະທານສະມາຄົມນັກສຶກສາ ແຂວງວຽງຈັນ ພ້ອມທັງນັກສຶກສາ ເຂົ້າຮ່ວມ.

ໃນພິທີທ່ານ ບົວຄຳ ປະທານສາມາຄົມ ນັກສຶກສາ ແຂວງວຽງຈັນ ໄດ້ຂື້ນຜ່ານບົດສະຫຼຸບໂດຍຫຍໍ້, ຈາກນັ້ນທ່ານ ບຸນໄທ ອ່ອນວິເນດ ຮອງເລຂາພັກເມືອງ ປະທານກວດກາພັກ-ລັດ ເມືອງໝື່ນ ໃຫ້ກຽດກ່າວມອບເຄື່ອງດັ່ງກ່າວ

ໃຫ້ກຽດກ່າວຮັບໂດຍທ່ານ ບຸນແທນ ແກ້ວປະເສີດ ຄະນະທີ່ປຶກສາ ສະມາຄົມ ສະຖາບັນການເມືອງ-ການປົກຄອງແຫ່ງຊາດ ຂອງແຂວງວຽງຈັນ ໂດຍຊ່ອງໜ້າກັບບັນດານັກສຶກສາເຂົ້າຮ່ວມເປັນສັກຂີພິຍານ, ເຄື່ອງທີ່ເອົາມາມອບໃນຄັ້ງນີ້ແມ່ນເຄື່ອງນຸ່ງປະເພດຊຸດກິລາ ຈຳນວນ 40 ຊຸດ, ລວມເປັນເງີນ 2,000,000 ກີບ.

ໃນນັ້ນທ່ານ ບຸນແທນ ແກ້ວປະເສີດ ຄະນະທີ່ປຶກສາ ສະມາຄົມ ສະຖາບັນການເມືອງ-ການປົກຄອງແຫ່ງຊາດ ຂອງແຂວງວຽງຈັນ ກໍ່ໄດ້ກ່າວສະແດງຄວາມຮູ້ບຸນຄຸນ ແລະ ຂອບອົກຂອບໃຈມາຍັງ ທ່ານ ບຸນໄທ ອ່ອນວິເນດ ຮອງເລຂາພັກເມືອງ ປະທານກວດກາພັກ-ລັດ ເມືອງໝື່ນທີ່ໄດ້ນຳເອົາຊຸດກິລາມາມອບໃຫ້ໃນຄັ້ງນີ້, ຂອບໃຈທີ່ທາງຂັ້ນເທິ່ງໄດ້ມີຄວາມເປັນຫ່ວງເປັນໃຍ, ມີນ້ຳໃຈໃຫ້ການຊ່ວຍເຫຼື່ອ, ທາງພວກເຮົາເອງແມ່ນຈະນຳເອົາເຄື່ອງດັ່ງກ່າວໄປໃຊ້ໃຫ້ຖຶກຕາມລະບຽບຫຼັກການໂດຍສະເພາະແມ່ນຂະບວນການແຂ່ງຂັນງານກິລາຕ່າງໆ.

ຂ່າວ: ເມືອງໝື່ນ

Leave a Reply

Your email address will not be published. Required fields are marked *