ພິທີປະກາດເມືອງຊະນະຄາມ ເປັນເມືອງສະຫະພັນແມ່ຍິງ 3 ດີ ຄັ້ງທີ II ໄລຍະ 2015 – 2017

ວັນທີ 28 ມິຖຸນາ 2018 ທີ່ຜ່ານມານີ້ ສະຫະພັນແມ່ຍິງເມືອງຊະນະຄາມ ແຂວງວຽງຈັນ ໄດ້ຈັດພິທີ ປະກາດເມືອງຊະນະຄາມ ແຂວງວຽງຈັນ ເປັນເມືອງ ສະຫະພັນແມ່ຍິງ 3 ດີ ຄັ້ງທີ II ໄລຍະ ປີ 2015 – 2017 ຢູ່ທີ່ສະໂມສອນໃຫຍ່ຂອງເມືອງ

ໂດຍການເປັນກຽດເຂົ້າຮ່ວມຂອງ ທ່ານ ນາງ ຈັນທະບູນ ໂພສະລາດ ກຳມະການພັກແຂວງ ປະທານສະຫະພັນແມ່ຍິງ ແຂວງວຽງຈັນ,ມີທ່ານ ສະໝານ ວິເສດຍະພົງ ເລຂາພັກເມືອງ ເຈົ້າເມືອງ ເມືອງຊະນະຄາມ ມີຄະນະປະຈຳພັກເມືອງ ກຳມະການພັກເມືອງ ຫົວໜ້າຫ້ອງການ ໜ່ວຍສະຫະພັນແມ່ຍິງ ພາຍໃນກົມກອງ,ສຳນັກງານ ອົງການ ລັດວິສະຫະກິດ ໜ່ວຍສະຫະພັນແມ່ຍິງຢູ່ຮາກຖານບ້ານ ແລະ ຄະນະນຳຂັ້ນເມືອງ ໃນ 5 ຕົວເມືອງອ້ອມຂ້າງທີ່ຖືກເຊີນກໍ່ໄດ້ເປັນກຽດເຂົ້າຮ່ວມຢ່າງພ້ອມພຽງ.

ໃນພິທີໄດ້ຮັບຟັງຜົນສໍາເລັດໃນການຈັດຕັ້ງປະຕິບັດຂໍ່້ແຂ່ງຂັນ 3 ດີຂອງວຽກງານຂອງສະຫະພັນ ແມ່ຍິງເມືອງຊະນະຄາມ ໃນໄລຍະ ປີ 2015 – 2017 ເປັນຕົ້ນມາ ຄະນະສະຫະພັນແມ່ຍິງເມືອງໄດ້ຊີ້ນໍາໆພາຄະນະສະຫະພັນແມ່ຍິງແຕ່ລະຂັ້ນນຳເອົາຂໍ້ແຂ່ງຂັ້ນສາມດີ,ພົນລະເມືອງດີ ພັດທະນາດີ ສ້າງຄອບຄົວດີ ລົງຈັດຕັ້ງປະຕິບັດ ເຜີຍແຜ່ເຊື່ອມຊືມ ໃຫ້ສະມາຊິກ ແລະ ແມ່ຍິງບັນດາເຜົ່າ ພ້ອມດ້ວຍການຈັດຕັ້ງ ແລະ ສັງຄົມ ຢ່າງກ້ວງຂວາງ ຕິດພັນກັບຂະບວນການຮັກຊາດ ແລະ ພັດທະນາ ການສ້າງໜ່ວຍພັກແຂ່ງຮູ້ນຳພາຮອບດ້ານ ການສ້າງບ້ານປອດຄະດີ,ບ້ານແບບຢ່າງສາທາລະນະສຸກ,ບ້ານວັດທະນະທຳ,ບ້ານພັດທະນາ ແລະ ວຽກງານ 3 ສ້າງ

ເຊິ່ງຜົນຂອງການຈັດຕັ້ງປະຕິບັດ ຄະນະສະຫະພັນແມ່ຍິງແຕ່ລະຂັ້ນໄດ້ນຳພາສະມາຊິກພາຍໃນໜ່ວຍ ພາຍໃນບ້ານ ປະເມີນຂະບວນການຂໍ້ແຂ່ງຂັ້ນ 3 ດີສາມາດຮັບຮອງບ້ານ ຮັບຮອງບ້ານ ຮັບຮອງໜ່ວຍຄັ້ງທີ 1 ສະໄໝທີ 7 ໄດ້ 32 ບ້ານ ມີ 30 ໜ່ວຍ ຄັ້ງທີ 2 ສະໄໝທີ 7 ໄດ້ 20 ບ້ານ 21 ໜ່ວຍ ຮັບຮອງສະມາຊິກ 3 ດີ ໄດ້ 4 494 ຄົນ

ຜ່ານການຈັດຕັ້ງປະຕິບັດສາມາດຕີລາຄາປະເມີນຜົນ ແລະ ສະມາຊິກບ້ານ ໜ່ວຍ ເມືອງ 3 ດີ ໂດຍອີງຕາມມາດຖານ ແມ່ນມີເງື່ອນໄຂ່ຄົບຖ້ວນ ແລະ ຖືກຮັບຮອງເອົາເປັນເມືອງສະຫະພັນແມ່ຍິງ 3 ດີ ໃນຄັ້ງທີ 2

ພ້ອມນີ້ໃນພິທີຍັງໄດ້ ມີການມອບໃບຢັ້ງຢືນ ຂອງປະທານ ສະຫະພັນແມ່ຍິງແຂວງວຽງຈັນ ໃຫ້ແກ່ສະຫະພັນແມ່ຍິງເມືອງຊະນະຄາມ ເປັນເມືອງສະຫະພັນແມ່ຍິງ 3 ດີ ຄັ້ງທີ 2 ແລະ ມອບໃບຢັ້ງຍ້ອງຍໍຂອງທ່ານເຈົ້າເມືອງ ເມືອງຊະນະຄາມໃຫ້ແກ່ໜ່ວຍສະຫະພັນ ຂອງເມືອງ,ບ້ານ ທີ່ຢູ່ພາຍໃນເມືອງຊະນະຄາມ ນອກຈາກນີ້ຕອນທ້ານຂອງພິທີຍັງໄດ້ມີການເປີດປ້າຍຮັບຮອງເອົາເມືອງຊະນະຄາມເປັນເມືອງສະຫະພັນແມ່ຍິງ 3 ດີ ຄັ້ງທີ່ 2 ຢ່າງເປັນທາງການ ພ້ອມທັງລັ່ນຄອງ 9 ບາດເພື່ອເປັນສິລິມຸງຄຸນໃຫ້ແກ່ພິທີດັ່ງກ່າວ.

Leave a Reply

Your email address will not be published. Required fields are marked *