ພິທີປິດບັ້ນຝຶກແອບການເມືອງການທະຫານກຳລັງປ້ອງກັນຕົວ ຄ07 ເຂື່ອນໄຟຟ້ານ້ຳມັງ3ເມືອງທຸລະຄົມແຂວງວຽງຈັນ.

ວັນທີ 21 ມິຖຸນາ 2018 ຢູ່ທີ່ເຂື່ອນໄຟຟ້ານ້ຳມັງ3 ເມືອງທຸລະຄົມ ແຂວງວຽງຈັນ ຈັດພິທີບັ້ນຝຶກແອບການທະຫານກຳລັງປ້ອງກັນຕົວ ຄ 07 ເຂື່ອນໄຟຟ້າດັ່ງກ່າວ

ເປັນກຽດເຂົ້າຮ່ວມມີທ່ານ ສິລິພົນ ແສງອ່ອນແກ້ວ ເລຂາຄະນະພັກຜູ້ອຳນວຍການເຂື່ອນໄຟຟ້ານ້ຳມັງ3 ມີທ່ານ ພັຕ ບົວໄລ ແສນນາມ ຫົວໜ້າພະແນກການທະຫານທ້ອງຖິ່ນແຂວງວຽງຈັນ, ມີຄະນະອຳນວຍການ, ແຂກຖືກເຊີນ, ພະນັກງານວິຊາການອ້າຍນ້ອງປັ້ນຝຶກແອບການເມືອງການທະຫານເຂົ້າຮ່ວມ.

ຜ່ານການຝຶກແອບການເມືອງ ການທະຫານຂອງກຳລັງປ້ອງກັນຕົວ ຄ 07 ເຂື່ອນໄຟຟ້ານ້ຳມັງ3 ເຫັນວ່າບັນດາຄູອາຈານ ແລະ ນັກຝຶກແອບການທະຫານມີຄວາມເອົາໃຈໃສ່ສຸມທຸກສະຕິປັນຍາເຂົ້າໃສ່ບົດຮຽນໄດ້ເປັນຢ່າງດີ ນຳເອົາບົດຮຽນທີ່ຮຽນມານຳໄປໝູນໃຊ້ເພື່ອເຮັດໃຫ້ກົມກອງຕົນເອງມີຄວາມສະຫງົບ ແລະ ສຳເລັດໜ້າທີ່ການເມືອງຂອງພັກຂັ້ນເທິງມອບໝາຍໃຫ້

ເຊິ່ງບັ້ນຝຶກແອບການເມືອງການທະຫານສົກ 2018 ໃຫ້ກຳລັງປ້ອງກັນຕົວເຂື່ອນໄຟຟ້ານ້ຳມັງ3 ແມ່ນມີຈຳນວນຄົນທັງໝົດ 26 ສະຫາຍ ແມ່ນກຳໄດ້ເນື້ອໃນ ແລະ ຂໍ້ກຳນົດຕ່າງໆເຊັ່ນ ພາກການປະຕິບັດໄດ້ 85% , ພາກການທະຫານສິລະປະຍຸດລະບຽບຖັນແຖວໝວດໝູ່, ສະມັດຕະພາບຂອງປືນແມ່ນ ອາກ່າ, ເຊກາເຊ, ກາບິ່ນ, ລູກປືນແທ້ປະຕິບັດໄດ້ 80% ໃນນັ້ນນັກຝຶກແອບປະເພດເກັ່ງມີ6 ສະຫາຍ, ປະເພດດີ 5 ສະຫາຍ ແລະ ໄດ້ຄາດໝາຍ 15 ສະຫາຍ

ຕອນທ້າຍບັນດາຄູຝຶກ ແລະ ຜູ້ອຳນວຍການເຂື່ອນໄຟຟ້ານ້ຳມັງ3 ຍັງໄດ້ມອບລາງວັນໃຫ້ນັກຝຶກແອບການທະຫານແຕ່ລະປະເພດຕື່ມອີກ.

ຂ່າວ: ຈັນສະໝອນ

Leave a Reply

Your email address will not be published. Required fields are marked *