ພິທີປະກາດ 4 ບຸກຮອບ III ແລະ ກອງປະຊຸບຄົບຄະນະຄັ້ງທີ IV ຂອງຄະນະບໍລິຫານງານຊາວໜຸ່ມເມືອງໝື່ນ

ພິທີປະກາດ 4 ບຸກຮອບ III ແລະ ກອງປະຊຸບຄົບຄະນະຄັ້ງທີ IV ຂອງຄະນະບໍລິຫານງານຊາວໜຸ່ມເມືອງໝື່ນ ຈັດຂຶ້ນໃນວັນທີ 12 ມີຖຸນາ 2018 ຢູ່ສະໂມສອນໃຫຍ່ຫ້ອງວ່າການປົກຄອງເມືອງໝື່ນ

ພາຍໃຕ້ການເປັນປະທານ ຂອງ ທ່ານ ຝືລີ ລີເລ່ຍນູ ຄະນະບໍລິຫານງານຊາວໜຸ່ມແຂວງ,ເລຂາຄະນະບໍລິຫານງານຊາວໜຸ່ມເມືອງ ,ໃຫ້ກຽດເຂົ້າຮ່ວມໂດຍທ່ານ ພູວອນ ບຸນວິໄລ ກຳມະການພັກແຂວງ ເລຂາພັກເມືອງ ເຈົ້າເມືອງ – ເມືອງໝື່ນ ,ທ່ານ ນາງ ຈັນທະຄອນ ສີອຳພອນ ກຳມະການພັກເເຂວງ ,ຄະນະບໍລິຫານງານສູນກາງຊາວໜຸ່ມປະຊາຊົນປະຕິວັດລາວ,ເລຂາຄະນະບໍລິຫານງານຊາວໜຸ່ມແຂວງວຽງຈັນ,ມີຄະນະປະຈຳພັກເມືອງ,ກຳມະການພັກເມືອງ,ຄະນະຫ້ອງການ ,ເລຂາໜ່ວຍຊາວໜຸ່ມຮາກຖານ ແລະ ສະມາຊິກຊາວໜຸ່ມທົ່ວເມືອງເຂົ້າຮ່ວມ.

ທ່ານ ຝືລີ ລີເລ່ຍນູ ຄະນະບໍລິຫານງານຊາວໜຸ່ມແຂວງ ,ເລຂາຄະນະບໍລິຫານງານຊາວໜຸ່ມເມືອງໝື່ນ ໄດ້ຜ່ານບົດສະຫຼຸບການຈັດຕັ້ງປະຕິບັດຂໍ້ແຂ່ງຂັນ 4 ບຸກ ແລະ ບົດສະຫຼຸບຕີລາຄາລວມການຈັດຕັ້ງປະຕິບັດວຽກງານໄລຍະ 1 ປີ ຜ່ານມາ ຂອງຄະນະບໍລິຫານງານຊາວໜຸ່ມເມືອງໝື່ນ,ຜ່ານກົດລະບຽບວຽກງານກອງທຶນຊາວໜຸ່ມ ສະບັບປັບປຸງໃໝ່

ຈາກນັ້ນໜ່ວຍຊາວໜຸ່ມສຳນັກງານອົງການ,ຊາວໜຸ່ມຕົວແບບ ແລະ ບັນດາແຂກ ຜູ້ແທນກອງປະຊຸມ ກໍ່ໄດ້ປະກອບຄຳຄິດຄຳເຫັນໃສ່ກອງປະຊຸມຢ່າງກົງໄປກົງມາ ,ກອງປະຊຸມໄດ້ຜ່ານຂໍ້ຕົກລົງຂອງຄະນະບໍລິຫານງານຊາວໜຸ່ມປະຊາຊົນປະຕິວັດລາວ ແຂວງວຽງຈັນ ສະບັບເລກທີ 293 /ຄຊປປລ ລົງວັນທີ 28 ມີນາ 2018 ວ່າດ້ວຍການຢັ້ງຢືນຄະນະຊາວໜຸ່ມປະຊາຊົນປະຕິວັດລາວ 4 ບຸກ,

ຈາກນັ້ນ ທ່ານ ນາງ ຈັນທະຄອນ ສີອຳພອນ ກຳມະການພັກເເຂວງ ,ຄະນະບໍລິຫານງານສູນກາງຊາວໜຸ່ມປະຊາຊົນປະຕິວັດລາວ,ເລຂາຄະນະບໍລິຫານງານຊາວໜຸ່ມແຂວງວຽງຈັນ ກໍ່ໄດ້ມອບໃບຢັ້ງຢືນຊາວໜຸ່ມ 4 ບຸກຮອບ III ໃຫ້ຊາວໜຸ່ມທົ່ວເມືອງໝື່ນ ຕ່າງໜ້າຂຶ້ນຮັບໂດຍທ່ານ ຝືລີ ລີເລ່ຍນູ ຄະນະບໍລິຫານງານຊາວໜຸ່ມແຂວງ,ເລຂາຄະນະບໍລິຫານງານຊາວໜຸ່ມເມືອງ ແລະ ໄດ້ມອບໃບຍ້ອງຍໍຂອງຄະນະບໍລິຫານງານຊາວໜຸ່ມແຂວງໃຫ້ ຄະນະຮັບຜິດຊອບ ແລະ ຄະນະບໍລິຫານງານຊາວໜຸ່ມເມືອງ ທີ່ມີຜົນງານດີເດັ່ນໃນການຊີ້ນຳ – ນຳພາການຈັດຕັ້ງປະຕິບັດຂໍ້ແຂ່ງຂັນ 4 ບຸກ ,ມອບໃບຍ້ອງຍໍຂອງທ່ານ ເຈົ້າເມືອງ – ເມືອງໝື່ນ ໃຫ້ກັບຊາວໜຸ່ມຕົວແບບ 4 ບຸກ 2 ທ່ານ ຕື່ມອີກ.

ທ້າຍພິທີ ຍັງໄດ້ຮັບຟັງການໂອ້ລົມຈາກ ທ່ານ ນາງ ຈັນທະຄອນ ສີອຳພອນ ກຳມະການພັກເເຂວງ ,ຄະນະບໍລິຫານງານສູນກາງຊາວໜຸ່ມປະຊາຊົນປະຕິວັດລາວ,ເລຂາຄະນະບໍລິຫານງານຊາວໜຸ່ມແຂວງວຽງຈັນ ເຊິ່ງບາງຕອນໄດ້ເວົ້າວ່າ: ຊາວໜຸ່ມປຽບເໝືອນນົກອິນຊີທີ່ບໍ່ຫວັ່ນກົວຕໍ່ພາຍຸລົມແດງ ເປັນສິນໄຊ ແຫ່ງຍຸກສະໄໝ ຊາວໜຸ່ມເປັນອົງການຈັດຕັ້ງ ທີ່ມີຄວາມໝາຍຄວາມສຳຄັນທີ່ສຸດເປັນກຳລັງແຮງປະຈັນບານໃສ່ທຸກໆ ວຽກງານຂອງພັກ – ລັດ ສະມາຊິກຊາວໜຸ່ມຕ້ອງມີຄວາມດຸໝັ່ນ ສ້າງເສດຖະກິດຄອບຄົວ ເພື່ອແກ້ໄຂຄວາມທຸກຍາກ ສ້າງວຽກເຮັດງານທຳໃຫ້ໝັ້ນຄົງ ສຶກສາຮ່ຳຮຽນເອົາຄວາມຮູ້ໃໝ່ໆ ມາໝູນໃຊ້ໃນຊີວິດປະຈຳວັນ ມີຄຸນສົມບັດສິນທຳປະຕິວັດ ນັບຖືລະບຽບກົດໝາຍ ແລະ ຮັກສາຮີດຄອງປະເພນີອັນດີງາມຂອງຊາດໃຫ້ໝັ້ນຄົງຕໍ່ໄປ.

ຂ່າວ: ແຫວນຄຳ

Leave a Reply

Your email address will not be published. Required fields are marked *