ໜ່ວຍຊາວໜຸ່ມ ພະແນກຍຸຕິທຳ ແຂວງວຽງຈັນ ໄຂກອງປະຊຸມໃຫຍ່ຄັ້ງທີ IV

ກອງປະຊຸມດັ່ງກ່າວໄດ້ໄຂຂື້ນໃນວັນທີ 23 ພຶດສະພາ 2018 ຜ່ານມານີ້ ຢູ່ທີ່ຫ້ອງປະຊຸມສານປະຊາຊົນແຂວງວຽງຈັນ

ໂດຍການເຂົ້າຮ່ວມເປັນປະທານຂອງສະຫາຍ ນາງ ຈັນທະຄອນ ສີອຳພອນ ກຳມະການສູນກາງຊາວໜຸ່ມປະຊາຊົນປະຕິວັດລາວ ເລຂາຊາວໜຸ່ມແຂວງວຽງຈັນ, ສະຫາຍ ຄຳພັນ ຊະນະໄຊ ຄະນະໜ່ວຍພັກ ຮອງຫົວໜ້າພະແນກຍຸຕິທຳ, ສະຫາຍນາງ ເຄືອຄຳ ຫຼວງລາດ ເລຂາໜ່ວຍຊາວໜຸ່ມພະແນກຍຸຕິທຳ, ມີແຂກຖຶກເຊີນ, ອົງການຈັດຕັ້ງກຳມະບານ, ຊາວໜຸ່ມ-ແມ່ຍິງພາຍໃນພະແນກຍຸຕິທຳ ເຂົ້າຮ່ວມ.

ສະຫາຍນາງ ເຄືອຄຳ ຫຼວງລາດ ເລຂາໜ່ວຍຊາວໜຸ່ມພະແນກຍຸຕິທຳ ຂຶ້ນຜ່ານຮ່າງບົດລາຍງານການເມືອງຕໍ່ກອງປະຊຸມໃຫຍຄັ້ງທີ IV ໃນການຈັດຕັ້ງປະຕິບັດໜ້າທີ່ວຽກງານໃນໄລຍະ 5 ປີຜ່ານມາ ສາມາດຍາດໄດ້ຜົນງານຫຼາຍດ້ານໂດຍຖືເອົາວຽກງານສຶກສາອົບຮົມການເມືອງນຳພາແນວຄິດ ໃຫ້ແກ່ຖັນແຖວພະນັກງານສະມາຊິກຊາວໜຸ່ມເປັນປະຈຳ ແລະ ປົກກະຕິ ເຮັດໃຫ້ພະນັກງານສະມາຊິກຊາວໜຸ່ມມີແນວຄິດການເມືອງທີ່ໜັກແໜ້ນເຂັ້ມແຂງ ສາມາດເຊື່ອມຊຶມຕໍ່ແນວທາງນະໂຍບາຍຂອງພັກ, ລະບຽບກົດໝາຍຂອງລັດ, ລະບຽບຂອງຊາວໜຸ່ມໄດ້ເປັນຢ່າງດີ ຈຳແນກໄດ້ມິດ ແລະ ສັດຕູຢ່າງຈະແຈ້ງ, ເຊື່ອໝັ້ນຕໍ່ການນຳພາຂອງພັກ-ລັດ ຕັ້ງໜ້າປົກປັກຮັກສາ ແລະ ສ້າງສາພັດທະນາປະເທດຊາດໃຫ້ຈະເລີນກ້າວໜ້າ

ພ້ອມກັນນັ້ນກໍ່ໄດ້ຕັ້ງໜ້າປະຕິບັດຂໍ້ແຂ່ງຂັນ 4 ບຸກຢ່າງຕັ້ງໜ້າ ສະແດງອອກໃນຊຸມປີຜ່ານມາ ໄດ້ຮັບຮອງເປັນໜ່ວຍຊາວໜຸ່ມ 4 ບຸກຮອບທີ 3 ສະ ໄໝ່ທີ VII ມາແລ້ວ ມີສະມາຊິກຊາວໜຸ່ມດີເດັ່ນ 32 ສະຫາຍ, ຍິງ 11 ສະຫາຍ ສ້າງຄອບຄົວຕົວແບບໄດ້ 15 ຄອບຄົວ ໜ່ວຍຮາກຖານຊາວໜຸ່ມພະແນກຍຸຕິທຳແມ່ນກົງຈັກການຈັດຕັ້ງໜຶ່ງ ພາຍໃຕ້ການນຳພາໂດຍກົງ ແລະ ຮອບດ້ານຂອງໜ່ວຍພັກພະແນກຍຸຕິທຳ ແລະ ຄະນະບໍລິຫານງານຊາວໜຸ່ມແຂວງ ປະຈຸບັນມີຄະນະໜ່ວຍ 03 ສະຫາຍ, ຍິງ 01 ສະຫາຍ, ມີສະມາຊິກຊາວໜຸ່ມທັງໝົດ 32 ສະຫາຍ, ຍິງ 11 ສະຫາຍ 5 ປີ

ຜ່ານມາ ໄດ້ເອົາໃຈໃສ່ເຮັດວຽກງານວິຊາສະເພາະຂອງຕົນຢ່າງຕັ້ງໜ້າສາມາດສັງລວມເອກະສານປະເພດຕ່າງເຂົ້າມາທັງໝົດ 15.345 ສະບັບ, ໄດ້ລົງໂຄສະນາເຜີຍແຜ່ກົດໝາຍໃຫ້ແກ່ປະຊາຊົນບັນດາເຜົ່າ 364 ຄັ້ງ ມີຜູ້ເຂົ້າຮ່ວມຮັບຟັງ 51.549 ຄົນ ຍິງ 21.820 ຄົນ, ຈັດຕັ້ງປະຕິບັດຄຳຕັດສິນຂອງສານສຳເລັດ 259 ເລື່ອງ,

ນອກນີ້ຍັງໄດ້ປະຕິບັດໜ້າທີ່ອື່ນໆຕາມການມອບໝາຍ ແລະ ຕາມກົດໝາຍກຳນົດໄວ້ ເປັນຕົ້ນແມ່ນການຢັ້ງຍືນຄວາມຖຶກຕ້ອງຂອງກົດໝາຍ,

ນອກນີ້ຍັງໄດ້ແລກປ່ຽນບົດຮຽນດ້ານວຽກງານວິຊາສະເພາະກັບບັນດາປະເທດຕ່າງໆໃນພາກພື້ນ ແລະ ໃນສາກົນ ເປັນຕົ້ນຮ່ວມມືກັບປະເທດຫວຽດນາມ ທາງດ້ານການສຶກສາ ພ້ອມນັ້ນຄະນະໜ່ວຍພວກເຮົາຍັງໄດ້ເອົາໃຈໃສ່ຊີ້ນຳກວດກາການຈັດຕັ້ງຜັນຂະຫຍາຍມະຕິຂອງຂັ້ນເທິງ, ກວດກາການຈັດຕັ້ງປະຕິບັດມະຕິ, ຄຳສັ່ງ, ກວດກາການເຄື່ອນໄຫວວຽກງານຂອງຄະນະຊາວໜຸ່ມ, ສະມະຊິກຊາວໜຸ່ມໃນແຕ່ລະດ້ານ ຕາມຂອບເຂດ ແລະ ຕາມໜ້າທີ່ ເພື່ອກະຕຸກຊູກຍູ້ໃນການຈັດຕັ້ງປະຕິບັດໜ້າທີ່ວຽກງານໃນສະເພາະໜ້າ ແລະ ຍາວນານ.

ໂອກາດດຽວກັນນີ້ ກໍ່ໄດ້ປ່ອນບັດຄັດເລືອກເອົາຄະນະບໍລິຫານງານໜ່ວຍຊາວໜຸ່ມ ພະແນກຍຸຕິທຳ ຊຸດໃໝ່ ເຊິ່ງມີຜູ້ເຂົ້າສະມັກເລືອກຕັ້ງ 5 ສະຫາຍ ເລືອກເອົາ 3 ສະຫາຍ ໃນນີ້ກອງປະຊຸມໄດ້ເປັນເອກະສັນກັນເລືອກເອົາ ສະຫາຍ ນາງ ເຄືອຄຳ ຫຼວງລາດ ເປັນເລຂາໜ່ວຍຊາວໜຸ່ມຊຸດໃໝ່, ສະຫາຍ ລັດ ສຸຂະວົງ ເປັນຮອງເລຂາ ທັງເປັນປະທານກວດກາ ແລະ ສະຫາຍ ນາງ ພູທອນ ໄຊຍະສານ ເປັນຄະນະ ເພື່ອຊີ້ນຳ-ນຳພາສະມາຊິກຊາວໜຸ່ມພາຍໃນພະແນກ ເຮັດໜ້າທີ່ວຽກງານໃຫ້ສຳເລັດຜົນ ແລະ ມີຜົນງານໃຫຍ່ຫຼວງກວ່າເກົ່າ.

ພາບ-ຂ່າວ: ທອງສີ 28313712

Leave a Reply

Your email address will not be published. Required fields are marked *