ໜ່ວຍຮາກຖານຊາວໜຸ່ມທະນາຄານການຄ້າຕ່າງປະເທດລາວມະຫາຊົນ ສາຂາໂພນໂຮງ ສຳເລັດກອງປະຊຸມໃຫຍ່ ຄັ້ງທີ I

ໃນຕອນເຊົ້າຂອງວັນທີ 12 ພຶດສະພາ 2018 ທີ່ຜ່ານມານີ້ ຢູ່ທີ່ຫ້ອງປະຊຸມສູນບໍລິການຫຼັກ 52 ໜ່ວຍຮາກ ຖານຊາວໜຸ່ມທະນາຄານການຄ້າຕ່າງປະເທດລາວມະຫາຊົນ ສາຂາໂພນໂຮງ ໄດ້ເປີດກອງປະຊຸມໃຫຍ່ຄັ້ງທີ I ຂຶ້ນຢ່າງ ເປັນທາງການ

ໂດຍການເປັນປະທານຂອງ ສະຫາຍ ຄຳພອນ ຍອຍສາຍຄຳ ເລຂາໜ່ວຍຮາກຖານຊາວໜຸ່ມທະນາຄານການຄ້າຕ່າງປະເທດລາວມະຫາຊົນ ສາຂາໂພນໂຮງ, ໃຫ້ກຽດເຂົ້າຮ່ວມມີ ສະຫາຍ ພູທອນ ວົງພະຈັນ ເລຂາໜ່ວຍພັກ, ຫົວໜ້າທະນາຄານການຄ້າຕ່າງປະເທດລາວມະຫາຊົນ ສາຂາໂພນໂຮງ, ສະຫາຍ ຄຳເລ້ ໄຊຍະວົງສີ ຄະນະພັກ, ຮອງເລຂາຄະນະບໍລິຫານງານຊາວໜຸ່ມແຂວງວຽງຈັນ, ມີບັນດາແຂກຖືກເຊີນ, ສະມາຊິກພາຍໃນໜ່ວຍກໍ່ເຂົ້າຮ່ວມ.

ໃນພິທີ ສະຫາຍ ຄຳພອນ ຍອຍສາຍຄຳ ໄດ້ຕີລາຄາການຊີ້ນຳໆພາຂອງຄະນະໜ່ວຍຮາກຖານຊາວໜຸ່ມ ທະນາ ຄານການຄ້າຕ່າງປະເທດລາວມະຫາຊົນ ສາຂາໂພນໂຮງ ໃນໄລຍະ 5 ປີຜ່ານມາ ເຊິ່ງສະຫາຍໄດ້ຍົກໃຫ້ເຫັນຜົນງານອັນ ພົ້ນເດັ່ນຫຼາຍດ້ານເປັນຕົ້ນ.

ໂດຍປະຕິບັດຕາມທິດຊີ້ນຳຂອງຄະນະພັກ, ຄະນະນຳທະນາຄານ, ຄະນະຊາວໜຸ່ມພວກເຮົາໄດ້ຖືເອົາວຽກງານສຶກສາອົບຮົມການເມືອງ-ແນວຄິດໃຫ້ແກ່ສະມາຊິກພັກ, ພະນັກງານຊາວໜຸ່ມເປັນບັນຫາສຳຄັນ ດ້ວຍການຈັດຕັ້ງເຊື່ອມຊຶມບັນດາແນວທາງນະໂຍບາຍຂອງພັກ, ລະບຽບກົດໝາຍຂອງລັດ, ຈັດຕັ້ງເຊື່ອມຊຶມມະຕິ V ອົງຄະນະພັກແຂວງ, ມະຕິ VII ກອງປະຊຸມຜູ້ແທນຊາວໜຸ່ມແຂວງວຽງຈັນ ອັນໄດ້ເຮັດໃຫ້ສະມາຊິກມີຄຸນທາດການ ເມືອງ, ມີຄຸນສົມບັດສິນທຳປະຕິວັດ, ມີສະຕິຕື່ນຕົວສູງຕໍ່ການຈັດຕັ້ງ,

ນອກຈາກນີ້ ກໍ່ຍັງໄດ້ປຸກລະດົມກຳລັງແຮງຊາວໜຸ່ມ ເຂົ້າຮ່ວມຂະບວນການຕ່າງໆຂອງພັກ, ຂອງຊາດ, ຂອງຊາວໜຸ່ມ ໂດຍສະເພາະແມ່ນຂະບວນການປ້ອງກັນຊາດ – ປ້ອງກັນຄວາມສະຫງົບ ດ້ວຍການປຸກລະດົມເຄື່ອງຕ້ອນຂອງຝາກ, ເຄື່ອງອຸປະໂພກ, ບໍລິໂພກເພື່ອໄປອວຍພອນໃຫ້ ແກ່ອ້າຍນ້ອງທະຫານທີ່ປະຕິບັດໜ້າທີ່ຢູ່ແນວໜ້າ, ຂະບວນການຊ່ວຍເຫຼືອສັງຄົມ ລວມມູນຄ່າ 11 ລ້ານກວ່າກີບ.

ນອກຈາກນີ້ ໃນພິທີບັນດາຜູ້ແທນຍັງໄດ້ເປັນເອກະສັນຮັບຮອງເອົາທິດທາງລວມ, ຄາດໝາຍສູ້ຊົນ ແລະ ທິດທາງແຜນການ ເຄື່ອນໄຫວໃນ 5 ປີຕໍ່ໜ້າ ( 2018 – 2022 ) ອີກດ້ວຍ.

ຫຼັງຈາກນັ້ນ ກໍ່ໄດ້ປ່ອນບັດເລືອກຕັ້ງເອົາຄະນະຊຸດໃໝ່ ເຊິ່ງຜ່ານການປ່ອນບັດເລືອກຕັ້ງ ກອງປະຊຸມໄດ້ເຫັນດີ ເປັນເອກະສັນເລືອກເອົາ ສະຫາຍ ໄຊຍະວົງ ປະກາສິດ ເປັນເລຂາ, ສະຫາຍ ອຸດອນ ດາວດວງດີ ເປັນຮອງເລຂາ, ທັງ ເປັນປະທານກວດກາ, ສະຫາຍ ສົມຍົງ ບຸດສາລີ ເປັນຄະນະ ແລະ ເລືອກເອົາ ສະຫາຍ ພອນວິໄລ ລໍຄຳເອ້ ເປັນຜູ້ຊ່ວຍວຽກກວດກາ.

ໃນພິທີ ສະຫາຍ ຄຳເລ້ ໄຊຍະວົງສີ ຄະນະພັກ, ຮອງເລຂາຄະນະບໍລິຫານງານຊາວໜຸ່ມແຂວງວຽງຈັນ ຍັງໄດ້ໃຫ້ກຽດມອບໃບຍ້ອງຍໍໃຫ້ແກ່ຄະນະໜ່ວຍຮາກຖານຊາວໜຸ່ມທະນາຄານການຄ້າຕ່າງປະເທດລາວມະຫາຊົນ ສາຂາ ໂພນໂຮງ ໃນການຊີ້ນຳໆພາເຄື່ອນໄຫວວຽກງານຊາວໜຸ່ມໃນ 5 ປີຜ່ານມາ ພ້ອມທັງມີຄຳເຫັນໂອ້ລົມຕໍ່ກອງປະຊຸມ.

ຂ່າວໂດຍ: ນັກຂ່າວຊາວໜຸ່ມແຂວງວຽງຈັນ

Leave a Reply

Your email address will not be published. Required fields are marked *