ສະພາບຄວາມເສຍຫາຍຂອງໂຮງຮຽນ ມສ ບ້ານວັງ, ເມືອງໝື່ນ ທີ່ເກີດຈາກລົມພາຍຸພັດ ຈົນເຮັດໃຫ້ອາຄາຮຽນເສຍຫາຍຢ່າງຫນັກ, ປະເມີນຄວາມເສຍຫາຍແລ້ວບໍ່ຕ່ຳກວ່າ 20 ລ້ານກີບ

ເຫດເກີດເວລາປະມານ 3 ໂມງ ແລງ, ຂອງວັນທີ 8 ພຶດສະພາ 2018 ນີ້ ເຊິ່ງມີລົມພັດແຮງ ພັດເຂົ້າໃສ່ອາຄານ ຂອງໂຮງຮຽນ ມສ ບ້ານວັງ ເມືອງໝື່ນ ແຂວງວຽງຈັນ ເຮັດໃຫ້ອາຄານຮຽນ ເສຍຫາຍເປ່ເພ່ ໂຄງສ້າງຫຼັງຄາເປີດອອກແຕກຫັກເສຍຫາຍບາງສ່ວນ,

ໂຄງສ້າງຫຼັງຄາເຮັດດ້ວຍໄມ້, ມຸງດ້ວຍສັງກະສີ,ຈີຂາດ ຫັກ ເສຍຫາຍທັງໝົດ ,ລະບົບໄຟ້ຟ້າ ບໍສາມາດໃຊ້ງານໄດ້, ອາຄານ ດັ່ງກ່າວເປັນອາຄານທີ່ໃຊ້ໃນການສິດສອນນັກຮຽນ ຊັ້ນ ມ 6 ,ມ 7 ແລະ ຊັ້ນ ມ 4 .

ໃນເຊົ້າຂອງວັນທີ 9 ພຶດສະພາ 2018 ທີ່ຜ່ານມານີ້ ຄະນະກຳມະການກວດກາສະຖານທີ່ຂອງເມືອງ ສົມທົບບັນດາຫ້ອງການທີ່ກ່ຽວຂ້ອງຂອງເມືອງ ກໍ່ໄດ້ລົງເຄື່ອນໄຫວ ກວດກາເບິ່ງສະຖານທີ່ ແລະ ຜົນເສຍຫາຍຕົວ ຈິງ ພົບ ວ່າ: ອາຄານເສຍຫາຍໜັກຈຳນວນ 1 ຫຼັງ,ຂະໜາດ ( 7 × 21 ແມັດ) ,ໂຄງສ້າງຫຼັງຄາເປັນໄມ້,ມຸງສັງກະສີ ຖືກລົມພັດຫັກຍຸບລົງມາພື້ນດິນ ໄມ້ໂຄງຫຼັງຄາ ແຕກຫັກ ,ສັງກະສີຈີກຂາດ ເສຍຫາຍທັງໝົດ ,

ນອກຈາກນີ້ຍັງມີຫຼັງຄາຂອງອາຄານຫຼັງອ້ອມຂ້າງ ຖືກລົມພັດເຮັດໃຫ້ກະເບື້ອງປີວອອກ ແລະ ແຕກເສຍຫາຍຈຳນວນໜຶ່ງ ,ສາຍໄຟ້ຟ້າໃນອາຄານເສຍຫາຍບາງສ່ວນ ຄາດວ່າມູນຄ່າຄວາມເສຍຫາຍໃນເທື່ອນີ້ ສູງກວ່າ 20,700,000 ກວ່າ ກີບ. ແລະ ໃນຕອນນີ້ບັນດາຄູ – ອາຈານ ແລະ ນັກຮຽນກໍ່ໄດ້ພ້ອມກັນຂົນເອົາໂຕະ,ຕັ່ງ ເຄື່ອງໃຊ້ໃນການສິດສອນທີ່ຈຳເປັນອອກມາ ຈາກບ່ອນ ເສຍຫາຍ ເພື່ອກະກຽມຈັດຫ້ອງຮຽນໃໝ່ ແລະ ຄາດວ່າທາງຄະນະຮັບຜິດຈະເລັ່ງສ້ອມແປງອາຄານທີ່ເສຍຫາຍໃຫ້ສຳເລັດທ່ວງທັນກັບການສອບເສັງເລື່ອນຊັ້ນທີ່ຈະມາຮອດໄວໆ ນີ້.

Leave a Reply

Your email address will not be published. Required fields are marked *