ເມືອງກາສີ ປາຖະກາຖາ ວັນສ້າງຕັ້ງກຳລັງ ປກສ ຄົບຮອບ 57 ປີ

ໃນເວລາ 7:30 ນາທີ ຂອງວັນທີ 6 ເມສາ 2018 ນີ້ກອງບັນຊາການ ປກສ ເມືອງກາສີ ໄດ້ຈັດພິທີ ວາງກະຕ່າດອກໄມ້ເພື່ອເປັນການໄວ້ອາໄລເຖີງດວງວິນຍານບັນພະບູລຸດທີ່ເສຍສະຫຼະຊີວິດໃນການຕໍ່ສູ້ປົດປ່ອຍຊາດ ຫຼັງຈາກນັ້ນໃນເວລາ 8:00 ນາທີກໍ່ໄດ້ເຂົ້າຮັບຟັງປາຖະກາຖາ ຫວນຄືນມູນເຊື້ອວັນສ້າງຕັ້ງກຳລັງປ້ອງກັນຄວາມສະຫງົບປະຊາຊົນລາວ ຄົບຮອບ 57 ປີ ( 5/4/1961 – 5/4/2018 ) ຢູ່ທີ່ສະໂມສອນ ຂອງເມືອງກາສີ ແຂວງວຽງຈັນ.

ໂດຍການເປັນປະທານຂອງທ່ານ ຄຳສົດ ເພັດລາວັນ ກຳມະການພັກແຂວງ ເລຂາພັກເມືອງ ເຈົ້າເມືອງໆກາສີ, ມີທ່ານ ກິປັນ ເຮັງປະເສີດ ກຳມະການພັກເມືອງ ຫົວໜ້າກອງບັນຊາການປ້ອງກັນຄວາມສະຫງົບເມືອງກາສີ, ມີບັນດາທ່ານຄະນະປະຈຳ, ກຳມະການພັກເມືອງ, ຫົວໜ້າຫ້ອງການ, ພະນັກງານອາວຸໂສບຳນານ, ພ້ອມດ້ວຍອ້າຍນ້ອງກຳລັງ ປກສ-ປກຊ ພາຍໃນເມືອງເຂົ້າຮ່ວມຢ່າງພ້ອມພຽງ.

ໃນໂອກາດດັ່ງກ່າວ ທ່ານ ຄຳສົດ ເພັດລາວັນ ກຳມະການພັກແຂວງ ເລຂາພັກເມືອງ ເຈົ້າເມືອງໆກາສີ ກໍ່ໄດ້ໃຫ້ກຽດຂຶ້ນເລົ່າຄືນມູນເຊື້ອວັນສ້າງຕັ້ງກຳລັງປ້ອງກັນຄວາມສະຫງົບປະຊາຊົນລາວ ຄົບຮອບ 57 ປີ ເຊິ່ງທ່ານໄດ້ຍົກໃຫ້ເຫັນເຖິງຄວາມໝາຍຄວາມສຳຄັນ ຂອງວັນດັ່ງກ່າວ, ໂດຍສະເພາະກໍ່ແມ່ນການຕໍ່ສູ້ປົດປ່ອຍຊາດ, ການຈັດຕັ້ງນຳພາສຶກສາອົບຮົມການເມືອງແນວຄິດ, ການສ້າງສາຍພົວພັນຮັດແໜ້ນຄວາມສາມັກຄີທົ່ວປວງຊົນລາວທັງຊາດ, ພ້ອມທັງຍົກໃຫ້ເຫັນຜົນງານການເຄື່ອນໄຫວຂອງກຳລັງ ປກສ ໃນແຕ່ລະໄລຍະຜ່ານມາ ເຊິ່ງຍາມໃດກໍ່ປະຕິບັດສອງໜ້າທີ່ຍຸດທະສາດຄື: ປົກປັກຮັກສາ ແລະ ສ້າງສາພັດທະນາປະເທດຊາດ, ຄ່ອຍສຶກສາອົບຮົມໃຫ້ຄົນຮຸ້ນໃໝ່ໃຫຍ່ລຸນມີສະຕິຕໍ່ຊາດ, ຕໍ່ບ້ານເມືອງ, ມີຄວາມສາມັກຄີຊ່ວຍເຫຼືອເຊີ່ງກັນ ແລະ ກັນ, ເປັນເຈົ້າການໃນການປະຕິປະລະບຽບກົດໝາຍເຮັດໃຫ້ສັງຄົມມີຄວາມສະຫງົບປອດໄພ ແລະ ເປັນລະບຽບຮຽບຮ້ອຍໂດຍພື້ນຖານ.

ພ້ອມນັ້ນ ທ່ານກໍ່ຍັງໄດ້ເໜັ້ນໜັກໃຫ້ ຄະນະພັກ ຄະນະບັນຊາ ຕະຫຼອດຮອດອ້າຍນ້ອງກອງກຳລັງ ປ້ອງກັນຄວາມສະຫງົບ ຈົ່ງພ້ອມກັນສືບຕໍ່ປົກປັກຮັກສາ ແລະ ເສີມຂະຫຍາຍມູນເຊື້ອອັນດີງາມຂອງກຳລັງປ້ອງກັນຄວາມສະຫງົບໄວ້ໃຫ້ໝັ້ນຄົງ, ພ້ອມກັນຮ່ຳຮຽນເອົາແບບຢ່າງທີ່ດີ ເພື່ອເປັນບົດຮຽນນຳມາໝູນໃຊ້ເຂົ້າໃນວຽກງານວິຊາສະເພາະຂອງຕົນ, ເອົາໃຈໃສ່ຮັດແໜ້ນຄວາມສາມັກຄີຊ່ວຍເຫຼືອເຊິ່ງກັນ ແລະ ກັນໃຫ້ນັບມື້ນັບມີຄວາມໜັກແໜ້ນ ແລະ ເຂັ້ມແຂງຂຶ້ນເປັນກ້າວໆ ເພື່ອພ້ອມກັນປະຕິບັດໜ້າທີ່ຕາມການມອບໝາຍໃຫ້ມີຜົນສຳເລັດຢ່າງສູງ, ຄຽງຄູ່ກັນນັ້ນກໍ່ຕ້ອງເອົາໃຈໃສ່ສ້າງເສດຖະກິດຄອບຄອບຂອງໃຜລາວໃຫ້ມີຄວາມຮັ່ງມີເຂັ້ມແຂງຮອບດ້ານ ສາມາດກຸ້ມຕົນເອງ ເພີ່ງຕົນເອງໄດ້ໃນທຸກດ້ານ. ພ້ອມກັນຜັນຂະຫຍາຍຈັດຕັ້ງປະຕິ 4 ແຜນງານ 41 ໂຄງການຢູ່ກົມກອງໃຫ້ມີຜົນສຳເລັດເປັນຢ່າງສູງ.

້ໃນພິທີຍັງໄດ້ມີການຜ່ານຂໍ້ຕົກລົງຂອງທ່ານເຈົາເມືອງໆກາສີ ສະບັບເລກທີ 180/ຈມ.ກສ ລົງວັນທີ 27 ມີນາ 2018 ວ່າດ້ວຍ: ການອະນຸມັດມອບໃບຍ້ອງຍໍ, ຊົມເຊີຍ ແລະ ໃບກຽດຕິຄຸນ ໃຫ້ແກ່ ນັກທຸລະກິດພໍ່ຄ້າຊາວຂາຍ ທີ່ໄດ້ຊຸກຍູ້ກຳລັງປ້ອງກັນຫງົບສະຫງົບເມືອງກາສີ ໃນໄລຍະຜ່ານມາຈຳນວນ 9 ໃບ, ຫຼັງຈາກນັ້ນ ບັນດາການນຳເມືອງ, ຫ້ອງການອ້ອມຂ້າງເມືອງ ພ້ອມດ້ວຍນັກທຸລະກິດພາຍໃນເມືອງກໍ່ໄດ້ພັດປ່ຽນກັນຂຶ້ນມອບກະຕ່າຍຂອງຂັວນໃຫ້ແກ່ກອງກຳລັງປ້ອງກັບຄວາມສະຫົງບເມືອງອີກດ້ວຍ.

ຂ່າວ: ເມືອງກາສີ.

Leave a Reply

Your email address will not be published. Required fields are marked *