ກອງປະຊຸມສະຫລຼຸບວຽກງານການເງີນສົກງົບປະມານ 2017 ແລະ ຜ່ານທິດທາງແຜນການປີ 2018 ຢູ່ເມືອງທຸລະຄົມ ແຂວງວຽງຈັນ.

ໃນຕອນເຊົ້າວັນທີ 23 ກຸມພາ 2018 ຢູ່ເມືອງທຸລະຄົມ ແຂວງວຽງຈັນ ໄດ້ເປີດກອງປະຊຸມສະຫລຼຸບວຽກງານການເງິນສົກງົບປະມານ 2017 ແລະ ຜ່ານທິດທາງແຜນການ2018

ເປັນກຽດເຂົ້າຮ່ວມມີທ່ານ ບຸນທັບ ວົງໄຊ ຄະນະປະຈຳພັກເມືອງຮອງເຈົ້າເມືອງທຸລະຄົມ, ມີຄະນະພະແນກການເງິນແຂວງວຽງຈັນ, ຫົວໜ້າຫ້ອງການ, ເລຂາພັກບ້ານ-ນາຍບ້ານພ້ອມທັງພາສີບ້ານທົ່ວເມືອງເຂົ້າຮ່ວມ

ທ່ານ ບຸນລ່ຽມ ເລືອງມະນີ ກຳມະການພັກເມືອງຫົວໜ້າຫ້ອງການໆເງິນເມືອງທຸລະຄົມ ຂື້ນຜ່ານບົດສະຫລຼຸບການຈັດຕັ້ງປະຕິບັດວຽກງານການເງິນສົກງົບປະມານ 2017 ຕາມຕົວເລກແຜນການ 4.552.745.000 ກີບ ແມ່ນສາມາດປະຕິບັດໄດ້ 4.858.077.036 ກີບ ເທົ່າກັບ 103,99% ທຽບໃສ່ສົກງົບປະມານ 2016 ຜ່ານມາເພີ່ມຂື້ນ 3,98%

ໃນນີ້ມີລາຍຮັບຈາກສ່ວຍສາອາກອນປົກກະຕິ, ຄ່າທຳນຽມ, ຄ່າບໍລິການ, ພາສີທີດິນ ແລະ ຮັບຈາກຊັບສິນຂອງລັດເຊິ່ງສາເຫດທີ່ພາໃຫ້ການເກັບລາຍຮັບມອບເຂົ້າງົບປະມານ 2017 ໄດ້ລື່ນຄາດໝາຍກໍ່ຍ້ອນພໍ່ແມ່ປະຊາຊົນ, ນັກທຸລະກິດ, ພໍ່ຄ້າຊາວຂາຍໃນທົ່ວເມືອງມີຄວາມເຂົ້າໃຈມອບພັນທະໄດ້ທັນເວລາສົມທົບພະນັກງານວິຊາການຫ້ອງການໆເງິນລົງໃກ້ສິດຕິດແທດກັບອຳນາດການປົກຄອງບ້ານ ແລະ ພາສີບ້ານໃນທົ່ວເມືອງມອບລາຍຮັບທັນເວລານອກນີ້ບັນດາຫ້ອງການທີ່ມີລາຍຮັບຫໍ່ສາມາດປະຕິບັດໄດ້ 100%
ພ້ອມນີ້ຍັງໄດ້ຜ່ານທິດທາງແຜນການເກັບລາຍຮັບງົບປະມານ 2018

ຕອນທ້າຍຍັງໄດ້ມອບໃບຍ້ອງຍໍຂັ້ນພະແນກການເງີນໃຫ້ບັນດາຫ້ອງການ, ບ້ານ, ນັກທຸລະກິດພໍ່ຄ້າຊາວຂາຍທີມອບລາຍຮັບໄດ້ລື່ນຄາດໝາຍຕື່ມອີກ.

ຂ່າວ ທຸລະຄົມ

Leave a Reply

Your email address will not be published. Required fields are marked *