ກອງປະຊຸມປຶກສາຫາລື ຮ່າງກົດໝາຍວ່າດ້ວຍສຳນັກງານຜູ້ຕາງໜ້າແຫ່ງ ສປປ ລາວ ຢູ່ຕ່າງປະເທດ ທີ່ລ່ອງງື່ມຣີສອດ ເມືອງແກ້ວອຸດົມ ແຂວງວຽງຈັນ.

ໃນມື້ນີ້ ວັນທີ 26 ກຸມພາ 2018 ຜ່ານນີ້ ກະຊວງການຕ່າງປະເທດໄດ້ຈັດກອງປະຊຸມປຶກສາຫາລື ຮ່າງກົດໝາຍວ່າດ້ວຍສຳນັກງານຜູ້ຕາງໜ້າແຫ່ງ ສປປ ລາວ ຢູ່ຕ່າງປະເທດ ຢູ່ທີ່ລ່ອງງື່ມວີວຣີສອດ ເມືອງແກ້ວອຸດົມ ແຂວງວຽງຈັນ.

ໂດຍພາຍໃຕ້ການເປັນປະທານຂອງ ທ່ານ ນາງ ຄຳເພົ້າ ເອີນທະວັນ ຮອງລັດຖະມົນຕີກະຊວງການຕ່າງປະເທດ, ມີຄະນະຮັບຜິດຊອບສ້າງກົດໝາຍ, ຜູ້ຕາງໜ້າຈາກຫ້ອງວ່າການສູນກາງພັກ, ຄະນະຈັດຕັ້ງສູນກາງພັກ, ອົງການກວດກາລັດຖະບານ ແລະ ຂະແໜງການອື່ນໆທີ່ກ່ຽວຂ້ອງ.

ທ່ານ ນາງ ຄຳເພົ້າ ເອີນທະວັນ ຮອງລັດຖະມົນຕີກະຊວງການຕ່າງປະເທດ ໄດ້ໃຫ້ກຽດຂື້ນກ່າວເປີດກອງປະຊຸມຄັ້ງນີ້ວ່າ :

ຈຸດປະສົງ ຂອງການຈັດກອງປະຊຸມໃນຄັ້ງນີ້ແມ່ນ ເພື່ອເປັນການລະດົມ    ຄຳຄິດເຫັນໃສ່ຮ່າງກົດໝາຍດັ່ງກ່າວ ໃຫ້ມີເນື້ອໃນລະອຽດຈະແຈ້ງ ແລະ ສົມບູນທີ່ສຸດກ່ອນ ຈະນໍາໄປທາບທາມຄຳຄິດເຫັນນໍາບັນດາອົງການຂັ້ນສູນກາງ, ອົງການປົກຄອງຂັ້ນແຂວງ, ສະພາປະຊາຊົນ      ຂັ້ນແຂວງ ໃນຂອບເຂດທົ່ວປະເທດ ພ້ອມທັງເອົາລົງໃນຈົດໝາຍເຫດທາງລັດຖະການ, ຢູ່ກະຊວງຍຸດຕິທຳ ແລະ ເວັບໄຊ ຂອງກະຊວງການຕ່າງປະເທດເພື່ອທາບທາມຄຳຄິດເຫັນຂອງ ສາທາລະນະຊົນ ຢ່າງກວ້າງຂວາງ.

ກະຊວງການຕ່າງປະເທດ ມີແຜນນໍາເອົາຮ່າງກົດໝາຍສະບັບນີ້ ເຂົ້າສູ່ພິຈາລະນາຢູ່ກອງປະຊຸມລັດຖະບານໃນເດືອນມິຖຸນາ ຫຼື ກໍລະກົດ 2018 ແລະ ຈະນໍາເຂົ້າພິຈາລະນາຢູ່ກອງປະຊຸມສະພາ    ແຫ່ງຊາດໃນເດືອນ ຕຸລາ 2018 ນີ້.

ຮ່າງກົດໝາຍສະບັບນີ້ເປັນກົດໝາຍສະບັບທີ2 ຂອງກະຊວງການຕ່າງປະເທດ ແລະ ເປັນບາດກ້າວທີ່ສຳຄັນ ໃນການພັດທະນາລະບົບນິຕິກຳ ຂອງຂະແໜງການຕ່າງປະເທດ ແນໃສ່ເພີ່ມທະວີຄຸ້ມຄອງວຽກງານການຕ່າງປະເທດ ດ້ວຍກົດໝາຍເທື່ອລະກ້າວ.

ກົດໝາຍສະບັບນີ້ຈະກຳນົດຫຼັກການ ລະບຽບການ ແລະ ມາດຕະການ ກ່ຽວກັບການຈັດຕັ້ງ ແລະ ການເຄື່ອນໄຫວ ຂອງສຳນັກງານຜູ້ຕາງໜ້າ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ ຢູ່ຕ່າງປະເທດເພື່ອຮັບປະກັນການປະຕິບັດ ພາລະບົດບາດ ສິດ ແລະ ໜ້າທີ່ ຂອງສຳນັກງານຜູ້ຕາງໜ້າໃຫ້ມີປະສິດທິພາບ ແລະ ປະສິດທິຜົນສູງ ປະກອບສ່ວນເຂົ້າໃນພາລະກິດປົກປັກຮັກສາ ແລະ ສ້າງສາພັດທະນາປະເທດຊາດ, ກົດໝາຍສະບັບນີ້ ມີ 65 ມາດຕາ, ມີ 9 ໝວດ, ແລະ ມີ 7 ພາກ ກອງປະຊຸມດັ່ງກ່າວ ແມ່ນຈະໄດ້ດຳເນີນໄປຮອດວັນທີ 2 ມີນາ 2018 ນີ້ ຈື່ງຈະອັດລົງ.

ພູເງິນ ບົວທອງ ນັກຂ່າວແຂວງວຽງຈັນອອນລາຍ.

Leave a Reply

Your email address will not be published. Required fields are marked *