ສິດເກົ່າ ໂຮງຮຽນ ມ.ຕົ້ນ ບ.ໂພນຄຳ, ເມືອງທຸລະຄົມ ຮ່ວມໃຈ ສົມທົບທຶນ ມອບເງິນຊ່ວຍເຫຼືອໃຫ້ແກ່ ໂຮງຮຽນ ບ.ໂພນຄຳ ລວມ 20 ກວ່າລ້ານກີບ

ຕອນເຊົ້າທີ 4 ກຸມພາ 2018 ຢູ່ທີ່ໂຮງຮຽນ ມໍຕົ້ນ ບ້ານໂພນຄໍາ ເມືອງທຸລະຄົມ ແຂວງວຽງຈັນ ໄດ້ຮັບການຊ່ວຍເຫລືອຈາກ ສິດເກົ່າຂອງໂຮງຮຽນດັ່ງກ່າວ 1990-1995
ເຂົ້າຮ່ວມໂດຍແມ່ນທ່ານ ຫນໍ່ຄຳ ວົງໄຊຍາ, ທ່ານ ບຸນທອນ ວົງໄຊຍາ ຫົວໜ້າທີມງານລູກສິດເກົ່າຂອງໂຮງຮຽນມໍຕົ້ນ ໂພນຄຳ ພ້ອມຄະນະ, ມີບັນດາຄູອາຈານ, ພໍ່ແມ່ນັກນຽນ ແລະ ນ້ອງນ້ອຍນັກຮຽນມໍຕົ້ນໂພນຄຳເຂົ້າຮ່ວມຢ່າງພ້ອມພຽງ.

ໃນພິດັ່ງກ່າວທ່ານ ສັງວານ ພົມມະໄກສອນ ຜູ້ອຳນວຍການໂຮງຮຽນມໍຕົ້ນໂພນຄຳໄດ້ເລົ່າຄວາມເປັນມາຂອງໂຮງຮຽນ ບ້ານໂພນຄຳ ໃນສະໄໝ່ກ່ອນຈົນຮອດປະຈຸບັນ ແລະ ພ້ອມດຽວນັ້ນທາງທີມງານອາດີດສິດເກົ່າ 1990-1995 ກໍ່ໄດ້ມອບ ເງີນຈຳນວນ 20,500,000 ກີບ ໃຫ້ກັບໂຮງຮຽນດັ່ງກ່າວ ທືນທີ່ນຳມາມອບໃນຄັ້ງນີ້ແມ່ນໄດ້ມາຈາກການສົມທົບທືນຫອນຂອງອາດີດສິດເກົ່າຂອງໂຮງຮຽນໂພນຄຳ ເພື່ອມາຊ່ວຍເຫລືອສ້າງຫ້ອງການຂອງໂຮງຮຽນມໍຕົ້ນ ບ້ານ ໂພນຄຳ, ພ້ອມຄອມພິວເຕີ 1 ຊຸດ

ທ່ານ ສັງວານ ພົມມະໄກສອນ ຜູ້ອຳນວຍການໂຮງຮຽນມໍຕົ້ນ ດັ່ງກ່າວກໍ່ໄດ້ຂື້ນກ່າວຄຳຂອບໃຈຈາກອາດີດນັກຮຽນ ທີ່ໄດ້ລະດົມທຶນມາຊ່ວຍໃນຄັ້ງນີ້ ແລະ ຫວັງຢ່າງຍິ່ງວ່າຈະມີໂອກາດຕໍ່ໆໄປ ພ້ອມທັງມອບໃບຊົມເຊີຍໃຫ້ອາດີດນັກຮຽນ 1990-1995 ຕື່ມອີກ

ທ່ານ ບຸນທອນ ວົງໄຊຍາ ສິດເກົ່າຂອງ ມໍຕົ້ນ ໂພນຄໍາ ກໍ່ໄດ້ຕາງໜ້າ ຂື້ນກ່າວຄໍາຄິດຄໍາເຫັນ ແລະ ໄດ້ໃຫ້ຄໍາໝັ້ນສັນຍາວ່າຈະພະຍາຍາມດຶງທືນຈາກຫລາຍໆບ່ອນມາຊ່ວຍໂຮງຮຽນມໍຕົ້ນ ບ້ານ ໂພນຄໍາ ໃຫ້ຫລາຍຂື້ນກວ່າເກົ່າ.

ຂ່າວ : ທຸລະຄົມ

Leave a Reply

Your email address will not be published. Required fields are marked *