ເມືອງທຸລະຄົມ ແຂວງວຽງຈັນ ຈັດພິທີສະເຫລີມສະຫລອງບຸນນະມັດສະການພະທາດມາຫລ້າປະຈຳປີ 2018 ຢູ່ທີ່ວັດບ້ານນາຄອງ

ເພື່ອເປັນການອານຸລັກຮັກສາຮິດຄອງປະເພນີທີ່ເຄີຍສືບທອດກັນມາແຕ່ບູຮານນະການ ໃນລະຫວ່າງວັນທີ 29 – 30 ມັງກອນ 2018 ທາງຄະນະອຳນາດການປົກຄອງເມືອງ ສົມທົບອຳນາດການປົກຄອງບ້ານ, ພ້ອມດ້ວຍພະສົງສາມະເນນ, ອອກຕົນຍາດໂຍມທົ່ວເມືອງທຸລະຄົມແຂວງວຽງຈັນ ໄດ້ຈັດງານບຸນນະມັດສະການພະທາດມາຫລ້າປະຈຳປີ 2018

ເຊິ່ງ ງານບຸນປີນີ້ແມ່ນຈັດຂື້ນເປັນພິເສດເພື່ອເປັນການອານຸລັກຮີດຄອງປະເພນີ ພ້ອມທັ້ງເປັນປີທ່ອງທ່ຽວທາງດ້ານວັດທະນະທຳຂອງເມືອງທຸລະຄົມກໍ່ຄືແຂວງວຽງວຽງຈັນໃນປີ 2018 ໄດ້ມີການແຮ່ຜ້າສາດເຜີ້ງທີ່ສະແດງເຖີງຄວາມເປັນເອກະລັກຂອງສາດສະໜາພຸດ ແລະ ຄວາມສາມະຄີຂອງພໍ່ແມ່ປະຊາຊົນລາວເຊັ້ນ: ຜ້າສາດເຜີ້ງຂອງພະສົງສາມະເນນທົ່ວເມືອງ, ຜ້າສາດເຜີ້ງຂອງຄະນະປະຈຳພັກແຂວງ, ຜ້າສາດເຜີ້ງຂອງກຸ່ມການເມືອງ, ຜ້າສາດເຜີ້ງຂອງກຸ່ມວັດທະນະທຳສັງຄົມ, ຜ້າສາດເຜີ້ງຂອງກຸ່ມປ້ອງກັນຊາດປ້ອງກັນຄວາມສະຫງົບ, ຜ້າສາດເຜີ້ງຂອງກຸ່ມເສດຖະກິດ, ຜ້າສາດເຜີ້ງຂອງນັກທຸລະກິດ, ຜ້າສາດເຜີ້ງຂອງກຸ່ມບ້ານເທດສະບານ, ຜ້າສາດເຜີ້ງຂອງກຸ່ມບ້ານ ນາຝ້າຍ, ຜ້າສາດເຜີ້ງຂອງກຸ່ມບ້ານ ນາແພງ, ຜ້າສາດເຜີ້ງຂອງກຸ່ມບ້ານ ນາຄອງ, ຜ້າສາດເຜີ້ງຂອງນັກຮຽນນັກສຶກສາຈາກວິທະຍາໄລຄູບ້ານເກິນ ແລະ ຍັງມີຜ້າສາດເຜີ້ງຂອງພໍ່ແມ່ປະຊາຊົນ, ພໍ່ຄ້າຊາວຂາຍອື່ນໆ ຫລາຍພາກສ່ວນທີ່ເຮັດໃຫ້ງານບຸນນະມັດສະການພະທາດມາຫລ້າປະຈຳປີ 2018 ນີ້ມີຫລາຍສີສັນເປັນງານທີ່ຍິ່ງໃຫຍ່ຈັດຂື້ນໃນເດືອນ 3 ເພັງຂອງທຸກໆປີ ຢູ່ເມືອງທຸລະຄົມແຂວງວຽງຈັນ ພະທາດມາຫລ້າເປັນພະທາດໜຶ່ງທີ່ເກົ່າແກ່ ແລະ ມີຄວາມສັກສິດທີ່ພໍ່ແມ່ປະຊາຊົນພາຍໃນເມືອງທຸລະຄົມໃຫ້ຄວາມເຄົາລົບບູຊາຕາມການເລົ່າລືກັນມາ ພະທາດມາຫລ້າໄດ້ສ້າງສຳເລັດໃນເດືອນ 3 ເພັງ ຄສ 1570 ພສ 2113 ຈສ 933.ລຸນພະທາດຫລວງວຽງຈັນ 3 ປີເຊີ່ງສ້າງໂດຍຊາວພວນທີ່ຈະນຳເອົາວັດຖຸທີ່ມຄ່າລ່ອງແພຕາມລຳນ້ຳງື່ມເພື່ອໄປສ້າງພະທາດຫລວງວຽງຈັນຢູ່ໃນສະໄໝນັ້ນພະເຈົ້າໄຊເສດຖາທິລາດມີຄວາມເລື່ອມໃສໃນພຸດທະສາສະໜາເມື່ອຂະບອນຂອງຊາວພວນລ່ວງແພມາຮອດເຂດບ້ານ ນາຄອງ ກໍ່ໄດ້ຍິນຂ່າວວ່າ: ພະທາດຫລວງວຽງຈັນສ້າງສຳເລັດແລ້ວ ຖ້າຈະນຳເອົາວັດຖຸກັບຄຶນກໍ່ມີຄວາມຫຍຸງຍາກລຳບາກຈື່ງໄດ້ຮີບໂຮມເອົາວັດຖຸມີຄ່າດັ່ງກ່າວມາສ້າງທາດນີ້ໄວ້ພ້ອມທັງໃສ່ຊື່ວ່າ ພະທາດມາຫລ້າ ( ມາລຸນ ) ໄດ້ສ້າງສຳເລັດໃນເດືອນ ສາມ ເພັງ ສະນັ້ນເມື່ອຮອດເດືອນສາມເພັງຂອງທຸກໆປີອຳນາດການປົກຄອງເມືອງທຸລະຄົມພາຍໃນເມືອງຈື່ງພ້ອມໃຈກັນຈັດງານສະເຫລີມສະຫລອງເພື່ອໃຫ້ເຍົາວະຊົນຊາວໜຸ່ມລຸ້ນຫລັງໄດ້ປົກປັກຮັກສາ ແລະ ສືບທອດໄວ້ຄ່ຽງຄູ່ຊາວເມືອງທຸລະຄົມກໍ່ຄືແຂວງວຽງຈັນຕະຫລອດໄປ

ຂ່າວ: ທຸລະຄົມ

Leave a Reply

Your email address will not be published. Required fields are marked *