ເມືອງແກ້ວອຸດົມ ມອບຂອງຂວັນອວຍພອນວັນສ້າງຕັ້ງກອງທັບຄົບຮອບ 69 ປີ.

ວັນທີ 19 ມັງກອນ 2018 ຜ່ານມານີ້ ທາງຄະນະພັກອຳນາດການປົກຄອງເມືອງ,ຫົວໜ້າຫ້ອງການ ແລະ ນັກທຸລະກິດເມືອງແກ້ວອຸດົມ ແຂວງວຽງຈັນ ໄດ້ອວຍພອນມອບຂອງຂວັນວັນສ້າງຕັ້ງກອງທັບປະຊາຊົນລາວ ວັນທີ 20 ມັງກອນ ປີ 1949 ຫາ ປີ 2018 ຄົບຮອບ 69 ປີ.

ເຊິ່ງນຳໂດຍທ່ານ ຄຳສະເຫວີຍ ພົມມະຈັນ ເລຂາພັກເມືອງເຈົ້າເມືອງໆແກ້ວອຸດົມ ຕາງໜ້າໃຫ້ແກ່ພະນັກງານລັດຖະກອນ, ນັກທຸລະກິດ ແລະ ພໍ່ແມ່ປະຊາຊົນພາຍໃນເມືອງແກ້ວອຸດົມ ໄດ້ອວຍພອນແກ່ພະນັກຮົບໃນທຸກທົວໜ້າຢູ່ແຕ່ລະກົມກອງທີ່ກຳລັງປະຕິບັດໜ້າທີ່ໃຫ້ມີຄວາມສຸກ, ມີສຸຂະພາບແຂງແຮງທັງສ່ວນຕົວ ແລະ ຄອບຄົວ ເພື່ອພາລະກິດປົກປັກຮັກສາປະເທດຊາດໃຫ້ມີຄວາມສະຫງົບຮອບດ້ານ ເນື່ອງໃນວັນສ້າງຕັ້ງກອງທັບປະຊາຊົນປະຕິວັດລາວໃນຄັ້ງນີ້ ໃຫ້ສົມກັບຄຳສຸພາສິດຂອງຜູ້ນຳເຄີຍເວົ້າວ່າກອງທັບປະຊາຊົນຄືກັບປາກັບນໍ້າທີ່ຕັດແຍກອອກຈາກກັນບໍ່ໄດ້.

ຈາກນັ້ນ ທາງຄະນະພັກອຳນາດການປົກຄອງເມືອງ, ຫົວໜ້າຫ້ອງການ ແລະ ນັກທຸລະກິດພາຍໃນເມືອງ ກໍ່ໄດ້ພັດປຽນກັນຂື້ນມອບຂອງຂວັນອວຍພອນ ເຊິ່ງການອວຍພອນຄັ້ງນີ້ຍັງໄດ້ຈັດຂື້ນທີ່ຫ້ອງການກອງບັນຊາການທະຫານ, ໂຮງງານແກບ, ໂຮງງານກະເບື້ອງ ແລະ ໂຮງງານລະເບີດ ຕື່ມອີກ.

Leave a Reply

Your email address will not be published. Required fields are marked *