ຫ້ອງການສຶກສາທິການ ແລະ ກິລາເມືອງແກ້ວອຸດົມ, ແຂວງວຽງຈັນ ໄດ້ຮັບເຄື່ອງຊ່ວຍເຫຼືອ ແລະ ທຶນການສຶກສາຈາກ ສ ເກົາຫລີ

ໃນອາທິດຜ່ານມາ ວັນທີ 10 ມັງກອນ 2018 ຢູ່ທີ່ຫ້ອງການສຶກສາທິການ ແລະ ກິລາເມືອງແກ້ວອຸດົມ ໄດ້ຈັດພິທີຮັບເຄື່ອງອຸປະກອນການຮຽນການສອນເພື່ອປະກອບເຂົ້າໃນສູນການສຶກສານອກໂຮງຮຽນຢູ່ເມືອງແກ້ວອຸດົມ.

       ເຄື່ອງທີ່ນຳມາມອບໃນຄັ້ງນີ້ປະກອບມີ :

  • ຄອມພິວເຕີຈຳນວນ 14 ເຄື່ອງ, ມູມຄ່າ 63,000,000 ກີບ
  • ຈັກຫຍິບເຄື່ອງຈຳນວນ 5 ເຄື່ອງມູມຄ່າ 15,000,000 ກີບ
  • ຈັກແຊັກ 2 ຊຸດມູມຄ່າ 1500,000 ກີບ
  • ຈັກປໍ້າກະດູມ 2 ຊຸດມູມຄ່າ 2000,000 ກີບ
  • ອຸປະກອນການເສີມສວຍຈຳນວນ 5 ຊຸດມູມຄ່າ 11,900,000 ກີບ

ລວມມູມຄ່າທັງໝົດ 93,400,000 ກີບໃຫ້ກຽດຂື້ນມບໂດຍທ່ານເຊິນນີ່ປະທານອົງການມູລະນິທິຮ່ວມໃຈເກົຫລີເປັນຜູ້ມອບ, ໃຫ້ກຽດຂື້ນຮັບໂດຍທ່ານ ຄຳປານ ຄຳມຸງຄຸນ ກຳມະການພັກເມືອງ ຫົວໜ້າຫ້ອງການສຶກສາແລະກິລາ ເມືອງແກ້ວອຸດົມ ພ້ອມຕັດແຖບຜ້າເປີດປ້າຍ       ໂດຍເຂົ້າຮ່ວມເປັນສັກຂີພິຍານໃນຄັ້ງນີ້ມີທ່ານບົວວັນແກ້ວວິໄລທອງຄະນະປະຈຳພັກເມືອງ ປະທານກວດກາພັກລັດເມືອງ,ມີຜູ້ຮັບຜິດຊອບສູນການສຶກສານອກໂຮງຮຽນແລະຄູອາຈານເຂົ້າຮ່ວມຢ່າງຫລວງຫລາຍ. ຈຸດປະສົງໃນການມອບໃນຄັ້ງນີ້ເພື່ອເປັນການສ້າງໃຫ້ຜູ້ທີ່ດ້ອຍໂອກາດ, ຂາດເຂີນທາງດ້ານທຶນຮອນການສຶກສາ ໃຫ້ໄດ້ມີໂອກາດໃຫ້ແກ່ຕົນເອງໃຫ້ມີອາຊີບຕິດໂຕ ເພື່ອສ້າງລາຍໄດ້ໃຫ້ກັບຕົນເອງຄຽງຄູ່ກັບການພັດທະນາຕົນເອງຢ່າງຮອບດ້ານ.      ຕ້ອນທ້າຍພິທີທ່ານເຊິນນີ່ປະທານອົງການມູມນິທິຮ່ວມໃຈຂອງ ເກົາຫລີຍັງໄດ້ມອບທຶນການສຶກສາໃຫ້ແກ່ນ້ອງນັກຮຽນຜູ້ທີ່ຂາດເຂີນທາງດ້ານທືນການສຶກສາໃຫ້ແກ່ 62 ຄອບຄົວ, ໃນນັ້ນມີນັກຮຽນຊັ້ນປະຖົມຈຳນວນ 50 ນ້ອງ, ຍີງ 27 ນ້ອງ, ລວມມູມຄ່າ 20 ກວ່າກີບ, ຊັ້ນ.ຕົ້ນຈຳນວນ 53 ນ້ອງ, ຍີງ 29 ນ້ອງ, ລວມມູມຄ່າ 26,500,000 ກີບແລະຊັ້ນ.ປາຍ ເປັນຍິງຈຳນວນ 10 ນ້ອງ, ລວມມູມຄ່າ 14,000,000 ກີບ, ລວມມູມຄ່າທັງໝົດ 60,500,000 ກີບ.ພາບ ແລະ ຂ່າວໂດຍ : ສຸກັນ ນັກຂ່າວເມືອງແກ້ວອຸດົມ

Leave a Reply

Your email address will not be published. Required fields are marked *