ກຸ່ມເຮືອກາຍັກ ເມືອງວັງວຽງ ຄັດເລືອກຄະນະຊຸດໃຫມ່ ໃນກອງປະຊຸມໃຫຍ່ຄັ້ງທີ 2 ຂອງກຸ່ມເຮືອງກາຍັກ

       ໃນຕອນເຊົ້າຂອງວັນທີ່ 11 ມັງກອນ 2018 ຜ່ານມາ, ຢູ່ທີ່ສະໂມສອນໃຫຍ່ຂອງເມືອງວັງວຽງ ແຂວງວຽງຈັນ. ໄດ້ມີກອງປະຊຸມໃຫຍ່ຄັ້ງທີ່ II ຂອງເຮືອກາຍັກ. 

       ໂດຍພາຍໃຕ້ການເປັນປະທານຂອງທ່ານ ສຸວຽງທອງ ວົງຈຳປາ ຄະນະປະຈຳພັກເມືອງ ຮອງເຈົ້າເມືອງໆວັງວຽງ. ມີບັນດາທ່ານຫົວຫນ້າຫ້ອງການອ້ອມຂ້າງ, ພະນັກງານທີ່ກ່ຽວຂ້ອງ ແລະ ສະມາຊິກເຮືອກາຍັກເຂົ້າຮ່ວມ.

       ທ່ານ ບຸນເຫຼືອ ກຸນລະວົງ ຫົວຫນ້າສະມາຄົມເຮືອກາຍັກໄດ້ຂຶ້ນຜ່ານບົດສະຫຼຸບ ປະຈຳສົກປີ 2015 – 2016 ແລະ ທິດທາງແຜນການ ປະຈຳສົກປີ 2017 – 2018 ວ່າ: ສະມາຄົມເຮືອກາຍັກ ແມ່ນອົງການຈັດຕັ້ງ ໜຶ່ງທີ່ສຳຄັນໃນການປະກອບສ່ວນເຂົ້າໃນວຽກງານການພັດທະນາເສດຖະກິດ-ສັງຄົມຂອງເມືອງວັງວຽງ. 

       ສະມາຊິກທຸກຄົນມີຄວາມເຂົ້າໃຈເຊື່ອມຊື່ມຕໍ່ແນວທາງນະໂຍບາຍພັກ-ລັດຢ່າງດີ ໂດຍສະເພາະການດຳເນີນທຸລະກິດໄປຕາມລະບຽບກົດໝາຍວາງອອກ. ມີຄວາມສາມັກຄີເປັນເຈົ້າການໃນການບໍລິການຮັບໃຊ້ສັງຄົມເປັນຢ່າງດີ ເຊິ່ງມັນສະແດງອອກໃນການປະຕິບັດລະບຽບວິໃນຂອງສະມາຄົມວາງອອກຢ່າງເຂັ້ມງວດ.

       ໃນປີ 2017 ກຸ່ມເຮືອກາຍັກມີຈຳນວນສະມະຊິກທັງໝົດ 24 ໜ່ວຍບໍລິການ, ໃນນັ້ນມີບໍລິສັດຈຳນວນ 6 ບໍລິສັດ, ມີສາຂາບໍລິສັດມີ 2 ສາຂາ, ມີໜ່ວຍບໍລິການ 16 ໜ່ວຍນອກນີ້ຍັງມີໜ່ວຍປີ້ນຜາອີກ 4 ໜ່ວຍ, ມີຊີບລາຍ 6 ແຫ່ງຊຶ່ງເປັນທ່າແຮງ ແລະ ການເຕີບໂຕຂອງການຂະຫຍາຍກຸ່ມມີຄວາມກ້າວໜ້າຕາມທິດຊີ້ນຳຂອງເມືອງວາງອອກ. ປະຈຸບັນນີ້ກຸ່ມເຮືອກາຍັກມີທັງໝົດ 591 ລຳ, ມີໄມ້ພາຍ 1,216ໃບ, ມີເສື້ອຊູຊີບ 2,210 ຜືນ, ມີໝວກ 617 ໜ່ວຍ, ມີຖົງກັນນ້ຳ 1,170 ໜ່ວຍ, ມີໄກ້ນຳທ່ຽວ 384 ຄົນ,

        ສ່ວນທິດທາງແຜນການສູ້ຊົນໃນຕໍ່ໜ້າຈະເພີ່ມທະວີຈັດຕັ້ງເຊື່ອມຊຶມບັນດານິຕິກຳຕ່າງໆກໍ່ຄືກົດລະບຽບພາກສ່ວນທີ່ກ່ຽວຂ້ອງ, ຈະເພີ່ມທະວີຄວາມສາມັກຄີພາຍໃນສະມາຄົມເຮືອກາຍັກໃຫ້ໜັກແໜ້ນເຂັ້ມແຂງ.

       ໃນກອງປະຊຸມຍັງໄດ້ມີການປ່ອນບັດຄັດເລືອກເອົາຄະນະຊຸດໃໝ່ ໂດຍມີຜູ້ລົງສະໝັກ 10 ທ່ານ ເລືອກເອົາ 5 ທ່ານ ຜ່ານການປ່ອນບັດຄັດເລືອກໄດ້ທ່ານ ບຸນເຫຼືອ ກຸນລະວົງ ເປັນຫົວໜ້າ, ທ່ານ ຫົງຄຳ ໄຊຍະລີນຄຳ ເປັນຮອງ ,ທ່ານ ແອ ນະຄອນສີ ເປັນຮອງ,ທ່ານ ບຸນທັນ ສຸວັນນະວົງ ເປັນຄະນະ, ທ່ານ ຫຼ້າວອນ ທິບສະດີ ເປັນຄະນະ

       ຕອນທ້າຍ ທ່ານ ສຸວຽງທອງ ວົງຈໍາປາ ຄະນະປະຈໍາພັກເມືອງ ຮອງເຈົ້າເມືອງໆວັງວຽງ ກໍ່ຍັງໃຫ້ກຽດໂອ້ລົມຕື່ມອີກ.

ຂ່າວ: ໝອນແກ້ວ ( ນັກຂ່າວເມືອງວັງວຽງ 55578747 )

Leave a Reply

Your email address will not be published. Required fields are marked *