ລັດວິສາຫະກິດໄຟຟ້າລາວສາຂາ ແຂວງວຽງຈັນ ເລົ່າມູນເຊື້ອ ການເຕີບໃຫຍ່ຂະຫຍາຍຕົວຂອງລັດວິສາຫະກິດໄຟຟ້າລາວ ສາຂາ ແຂວງວງຽງຈັນ ຄົບຮອບ 20 ປີ.(1997-2017)

          ໃນວັນທີ 22 ທັນວາ 2017 ຜ່ານມາ ລັດວິສາຫະກິດໄຟຟ້າລາວສາຂາ ແຂວງວຽງຈັນ ໄດ້ຈັດພິທີເລົ່າຄືນມູນເຊື້ອ ວັນສ້າງຕັ້ງ ແລະ ການເຕີບໃຫຍ່ຂະຫຍາຍຕົວ ຄົບຮອບ 20 ປີ (27.9.1997-27.9.2017) ຂຶ້ນຢູ່ທີ່ ເດີ່ນ ລັດວິສາຫະກິດໄຟຟ້າລາວສາຂາ ແຂວງວຽງຈັນ
          ໂດຍການເປັນກຽດຂຶ້ນເລົ່າມູນເຊື້ອຂອງ ທ່ານ  ຈຳປາທອງ  ວົງເດືອນ  ເລຂາຄະນະພັກຮາກຖານ ຫົວຫນ້າລັດວິສາຫະກິດໄຟຟ້າລາວສາຂາ ແຂວງວຽງຈັນ ເຂົ້າຮ່ວມຮັບຟັງມີບັນດາທ່ານໃນຄະນະ ພ້ອມດ້ວຍພະນັກງານຫລັກແຫລ່ງ,ພະນັກງານວິຊາການທົ່ວລັດວິສາຫະກິດໄຟຟ້າລາວສາຂາ ແຂວງວຽງຈັນ ເຂົ້າຮ່ວມ.


          ທ່ານ ຈຳປາທອງ  ວົງເດືອນ ຫົວຫນ້າລັດວິສາຫະກິດໄຟຟ້າລາວສາຂາ ແຂວງ ວຽງຈັນ ໄດ້ເລົ່າຄືນມູນເຊື້ອວັນດັ່ງກ່າວເຊິ່ງໄດ້ຍົກໃຫ້ເຫັນມູນເຊື້ອຄວາມສຳຄັນໃນການກຳເນີດ ແລະ ການເຕີບໃຫຍ່ຂະຫຍາຍຕົວຂອງລັດວິສາຫະກິດໄຟຟ້າລາວສາຂາ ແຂວງວຽງຈັນ ເຊິ່ງແມ່ນການຈັດຕັ້ງທີ່ສືບທອດມາຈາກເຂື່ອນໄຟຟ້ານ້ຳງື່ມ 1 ໃນປີ 1986-1990 ຍັງເປັນພະແນກໜຶ່ງທີ່ຂຶ້ນກັບ ເຂື່ອນໄຟຟ້ານ້ຳງື່ມ 1 ເອີ້ນວ່າພະແນກ ໄຟຟ້າພາຍນອກ ເພື່ອຕອບສະຫນອງການບໍລິການລູກຄ້າ ຮັບປະກັນໃຫ້ທຸລະກິດໄຟຟ້າດຳເນີນຖືກຕ້ອງໄປຕາມລະບຽບກົດຫມາຍ, ຮອດເດືອນ ຕຸລາ 1986 ຈຶ່ງໄດ້ມີທິດສ້າງຕັ້ງໃຫ້ເປັນສູນບໍລິການໄຟຟ້າເຂດ 4 ຕັ້ງຢູ່ບ້ານພັກກຳມະກອນ ເຂື່ອນໄຟຟ້ານ້ຳງື່ມ1 ເຮັດຫນ້າທີ່ບໍລິການຢູ່ເຂດ ບ້ານ ທ່າລາດ,ບ້ານ ຖິ່ນແກ້ວ, ບ້ານ ພູເຂົາຄຳ,ບ້ານ ໂພນມ່ວງ,ບ້ານ ໂພນແຍງ ແລະ ບ້ານລ້ອງແຄນ ເມືອ ແກ້ວອຸດົມ ແຂວງວຽງຈັນ ມີກຳລັງຕິດຕັ້ງ 7.500 KVA.

          ສົກປີ1986-1990 ໂຄງການ ໄຟຟ້າທົ່ງຮາບວຽງຈັນ ໄລຍະ1 ແລະ ໄລຍະ 2 ໄດ້ກໍ່ສ້າງສຳເລັດຂະແຫນງໄຟຟ້າໄດ້ມີການເຕີບໃຫຍ່ຢ່າງຕໍ່ເນື່ອງຈຶ່ງໄດ້ຍົກຍ້າຍຫ້ອງການມາປະຈຳຢູ່ຫ້ອງການ ໂຄງການໄຟຟ້າທົ່ງຮາບວຽງຈັນ ຢູ່ທີ່ບ້ານໂພນຫມີ ຂຶ້ນກັບ ເມືອງ ໂພນໂຮງໃນເມື່ອກ່ອນ ໃນໄລຍະດຽວກັນ ກໍໄດ້ສ້າງຕັ້ງເປັນສູນບໍລິການໄຟຟ້າເຂດ 4 ຂຶ້ນກັບພະແນກນຳໃຊ້ ຂອງລັດວິສາຫິກິດໄຟຟ້າລາວ.ຮອດວັນທີ 27 / 9 / ປີ 1997 ໄດ້ຮັບຂໍ້ຕົກລົງໃນການຍົກລະດັບຈາກສູນບໍລິການໄຟຟ້າເຂດ 4 ມາເປັນລັດວິສາຫະກິດໄຟຟ້າລາວສາຂາແຂວງ ວຽງຈັນ ແລະໄດ້ອະນຸມັດສ້າງຕັ້ງສູນບໍລິການໄຟຟ້າປະຈຳຢູ່ແຕ່ລະເມືອງ.ຮອດປີ 2010ເຖິງປະຈຸບັນລັດວິສາຫະກິດໄຟຟ້າລາວສາຂາ ແຂວງ ວຽງຈັນມີຄະນະສາຂາ 3 ທ່ານ,ພະນັກງານວິຊາການ 279 ທ່ານ,ຍິງ 77 ທ່ານ ມີສູນບໍລິການຢູ່11ເມືອງໃນທົ່ວແຂວງ ໃນໄລຍະຜ່ານມາໄດ້ມີຜົນງານດີເດັ່ນໄດ້ຮັບຫລຽນໄຊແຮງງານຊັ້ນ 2 ຫນຶ່ງຫລຽນ,ເປັນສາຂາທີ່ດີເດັ່ນໃນທົ່ວປະເທດ 4ປີຊ້ອນ ແລະ ເປັນສາຂາທີ່ບັນດາສາຂາຕ່າງໆໃນທົ່ວປະເທດມາຖອດຖອນບົດຮຽນໃນການຄຸ້ມຄອງພະລັງງານຕົກເຮ່ຍແລະເກັບກູ້ຫນີ້ສິນ.ຜ່ານຂະບວນວິວັດດັ່ງກ່າວເຮັດໃຫ້ລັດວິສາຫະກິດໄຟຟ້າລາວສາຂາ ແຂວງວຽງຈັນ ສາມາດສະຫນອງໄຟຟ້າໃຫ້ປະຊາຊົນໄດ້ຊົມໃຊ້ 100% ທັງນີ້ກໍເພື່ອເປັນການປະກອບສ່ວນໃນການສ້າງສາພັດທະນາເສດຖະກິດ-ສັງຄົມຂອງແຂວງວຽງຈັນໃຫ້ມີການເຕີບໃຫຍ່ຂະຫຍາຍຕົວຢ່າງຕໍ່ເນື່ອງ ເພື່ອແນໃສ່ບັນລຸໄດ້ປະເທດດ້ອຍພັດທະນາໃນປີ2020 ຕາມຄາດຫມາຍທີ່ກຳນົດໄວ້.

Leave a Reply

Your email address will not be published. Required fields are marked *