ເມືອງທຸລະຄົມ ແຂວງວຽງຈັນ ຈັດກອງປະຊຸມສະຫລຼຸບວຽກງານໝູ່ບ້ານແບບໃໝ່ ແຊມາອື່ນ 2017

          ກອງປະຊຸມໄດ້ຈັດຂື້ນໃນ ວັນທີ 13 ທັນວາ 2017 ທີ່ເມືອງທຸລະຄົມແຂວງວຽງຈັນໂດຍການເປັນປະທານຂອງທາ່ນ ບຸນທັບ ວົງໄຊ ຄະນະປະຈຳພັກເມືອງຮອງເຈົ້າເມືອງທຸລະຄົມ ແລະ ທ່ານ ຈູແຈເບີ່ມ ຮອງປະທານ ສູນແຊມາອື່ນ ສາທາລະນະລັດເກົາຫລີ ມີອຳນາດການປົກຄອງແຂວງ, ເມືອງ, ບ້ານ, ຕາງໜ້າຈາກກະຊວງທີ່ກ່ຽວຂ້ອງ ແລະ ປະຊາຊົນທີ່ຢູ່ບ້ານເປົ້າໝາຍຂອງໂຄງການເຂົ້າຮ່ວມ

          ໃນພິທີໄດ້ຮັບຟັງການສະຫຼຸບຜົນງານການຈັດຕັ້ງປະຕິບັດໂຄງການພັດທະນາໝູ່ບ້ານແບບໃໝ່ປີ 2017 ແລະ ຜ່ານທິດທາງແຜນການປີ 2018 ຢູ່ 5 ບ້ານຂອງເມືອງທຸລະຄົມຄື: ບ້ານ ຈຸ້ມ, ບ້ານ ແຈ້ງ, ບ້ານ ນາແກ່ວ, ບ້ານ ນາຄອງ ແລະ ບ້ານ ຫລີ່ງຊັນ 

          ການຈັດຕັ້ງປະຕິບັດຢູ່ 5 ບ້ານແມ່ນສຸມໃສ່ 3 ກິດຈະກຳຄື: ການປັບປຸງສະພາບແວ້ດລ້ອມແບບຍືນຍົງ, ການສົ່ງເສີມລາຍຮັບໃຫ້ແກ່ປະຊາຊົນ ແລະ ການພັດທະນາຊັບພະຍາກອນມະນຸດ 

          ເຊີ່ງຜ່ານການຈັດຕັ້ງປະຕິບັດເຫັນວ່າ ໄດ້ຮັບຜົນດີຫລາຍດ້ານເປັນຕົ້ນແມ່ນການພັດທະນາສະພາບແວ້ດລ້ອມແບບຍືນຍົງໄດ້ເຮັດໃຫ້ພື້ນຖານໂຄງລ່າງພາຍໃນບ້ານໄດ້ຮັບການກໍ່ສ້າງຊ້ອມແປງທີ່ໄດ້ມາດຖານເຮືອນຊານບ້ານສ່ອງທີ່ພັກອາໃສໄດ້ຮັບການປັບປຸງປົວແປງແບບຖາວອນ ແລະ ສະອາດຈົບງາມພ້ອມດຽວກັນນັ້ນກໍ່ໄດ້ສົ່ງເສີມໃຫ້ປະຊາຊົນມີລາຍຮັບແກ້ໄຂຄວາມທຸກຍາກຂອງປະຊາຊົນໄດ້ມີຜົນສຳເລັດເປັນກ່າວໆ ມີຫລາຍຄອບຄົວກາຍເປັນຄອບຄົວທີ່ມີລາຍຮັບສູງ ເປັນຄອບຄົວຕົວແບບດ້ານການພັດທະນາ, ດ້ານວັດທະນະທຳ ແລະ ສາທາລະນະສຸກ ສາມາດລຸດພົ້ນອອກຈາກຄວາມທຸກຍາກເທື່ອລະກ້າວ

          ສຳລັບງົບປະມານທີ່ນຳໃຊ້ເຂົ້າໃນການປະຕິບັດເຂາໃນໂຄງການດັ່ງກ່າວ ແມ່ນໄດ້ຮັບຈາກການສະໜັບ ສະໜູນ ຂອງສູນແຊມາອື່ນ ສາທາລະນະລັດເກົາຫລີ ເຊີ່ງເລີ່ມແຕ່ປີ 2015 ຫາ 2017 ມີປະມານ 3 ແສນກວ່າ ໂດລາສາຫະລັດ ແລະ 5 ຮ້ອຍ 10 ລ້ານກວ່າກີບ ໃນນັ້ນແມ່ນນຳໃຊ້ຢູ່ບ້ານຈຸ້ມ, ບ້ານແຈ້ງ, ບ້ານ ນາແກ່ວ ບ້ານ ລະ 63 ພັນ ໂດລາ, ບ້ານ ນາຄອງ 42 ພັນ ໂດລາ ແລະ ບ້ານ ຫລີ່ງຊັນ 75 ພັນໂດລາ ໃນຕອນທ້າຍພິທີ ທ່ານ ຈູແຈເບີ້ມໄດ້ຕາງໜ້າໃຫ້ສູນ ແຊມາອື່ນ ມອບໃບຍ້ອງຍໍໃຫ້ ແກ່ທ່ານ ຄຳຈັນ ຊາມຸມຕີ ຫົວໜ້າພັດທະນາທະນາແຊມາອື່ນປະຈຳລາວ 


ຂ່າວ : ທຸລະຄົມ

Leave a Reply

Your email address will not be published. Required fields are marked *