ເມືອງທຸລະຄົມແຂວງວຽງຈັນປະກາດເອົາ 3 ບ້ານເປັນບ້ານປ້ອງກັນຊາດເຂັ້ມແຂງເຊີງເປັນເມືອງທຳອິດຂອງແຂວງວຽງຈັນ.

          ໃນວັນທີ 22 ພະຈິກ 2017 ຢູ່ທີເມືອງທຸລະຄົມແຂວງວຽງຈັນໄດ້ຈັດພິທີປະກາດເອົາ 3 ບ້ານຄື ບ້ານ ແຈ້ງ, ບ້ານ ດົງ  ແລະ ບ້ານ ຕານປ່ຽວ ເປັນບ້ານປ້ອງກັນຊາດເຂັ້ມແຂງ ແລະ ເປັນເມືອງແຫ່ງທຳອິດຂອງແຂວງວຽງຈັນ
          ເປັນກຽດເຂົ້າຮ່ວມໃນພິທີດັ່ງກ່າວໂດຍແມ່ນທ່ານ ວິດົງ ໄຊຍະສອນ ກຳມະການສູນກາງພັກ ເລຂາຄະນະພັກແຂວງເຈົ້າແຂວງໆວຽງຈັນ ທັງເປັນປະທານປ້ອງກັນຊາດປ້ອງກັນຄວາມສະຫງົບແຂວງ, ມີທ່ານ ເສດໄຊ ວິໄລໄຟ ເລຂາພັກເມືອງ ເຈົ້າເມືອງໆ ທຸລະຄົມ, ມີຄະນະກອງບັນຊາການທະຫານແຂວງວຽງຈັນ, ບັນດາເຈົ້າເມືອງພາຍໃນແຂວງ ແລະ ແຂກຖືກເຊີນເຂົ້າຮ່ວມ.

          ກ່ອນເຂົ້າສູ່ພິທີເປັນທາງການກໍ່ໄດ້ມີການແຮ່ກ້ອນກຳລັງຕ່າງໆ ເພື່ອຊົມເຊີຍພິທີຮັບຮອງເອົາ 3 ບ້ານເປັນບ້ານປ້ອງກັນຊາດເຂັ້ມແຂງຢ່າງເປັນຂະບອນຟົດຟື້ນ ແລະ ສວຍງາມຂອງແຕ່ລະກ້ອນກຳລັງແຕ່ສະບ້ານໄດ້ສະແດງເຖີງຮິດຄອງປະເພນີ ແລະ ຄວາມອຸດົມສົມບູນຂອງແຕ່ລະບ້ານ

          ຈາກນັ້ນທ່ານ ນາງ ບຸນລ້ຽງ ເລຂາພັກບ້ານ-ນາຍບ້ານໆ ແຈ້ງ ໄດ້ຕາງໜ້າຂື້ນຜ່ານບົດສະຫຼຸບ ການສ້າງຄອບຄົວ ແລະ ບ້ານປ້ອງກັນຊາດເຂັ້ມແຂງເຫັນວ່າພໍ່ແມ່ປະຊາຊົນທັງ 3 ບ້ານແມ່ນມີແນວຄິດອຸ່ນອ່ຽງທຸນທຽງຕໍ່ການນຳພາຂອງພັກ-ລັດ ສາມາດຈຳແນກໄດ້ມິດ ແລະ ສັດຕູເຮັດໃຫ້ບ້ານມີຄວາມສະຫງົບພໍ່ແມ່ປະຊາຊົນໄດ້ດຳລົງຊີວິດຢ່າງມີຄວາມສຸກ ແລະ ພ້ອມກັນພັດທະນາບ້ານເມືອງຂອງຕົນທັງ 3 ບ້ານແມ່ນໄດ້ຮັບນາມມະຍົດເປັນບ້ານວັດທະນະທຳ, ບ້ານ ແມ່ຍີງສາມດີ, ບ້ານ ສາທາລະນະສຸກ, ບ້ານພັດທະນາ, ບ້ານປອດຄະດີ ແລະ ບ້ານ ໜ່ວຍພັກແຂງຮູ້ນຳພາຮອບດ້ານພໍ່ແມ່ປະຊາຊົນທັງ 3 ບ້ານແມ່ນຍຶດຖືອາຊີບປູກຝັງ-ລ້ຽງສັດ ສະເລ່ຍລາຍຮັບ 11 ລ້ານກີບ ຕໍ່ຄົນຕໍ່ປີ ສະເລ່ຍເຂົ້າເປືອກ 1000 ກວ່າກິໂລຕໍ່ຄົນຕໍ່ປີ ຜ່ານການລົງເກັບກຳຂໍ້ມູມມີຄອບຄົວປ້ອງກັນຊາດເຂັ້ມແຂງຢູ່ 3 ບ້ານມີ 906 ຄອບຄົວ ໄດ້ຮັບໃບຢັ້ງຢືນຈາກທ່ານ ປະທານປ້ອງກັນຄວາມສະຫງົບເມືອງ.

          ຂື້ນມອບໂດຍທ່ານ ເສດໄຊ ວິໄລໄຟ ເຈົ້າເມືອງໆ ທຸລະຄົມ ຂື້ນຮັບໂດຍຕາງໜ້າທັງ 3 ບ້ານ ຮັບຕາມລຳດັບ ແລະ ໃຫ້ກຽດມອບໃບຢັ້ງຢືນບ້ານປ້ອງກັນຊາດເຂັ້ມແຂງໂດຍທ່ານ ວິດົງ ໄຊຍະສອນ ເຈົ້າແຂວງໆວຽງຈັນປະທານປ້ອງກັນຊາປ້ອງກັນຄວາມສະຫງົບຂັ້ຂແຂວງ ຂື້ນຮັບໂດຍນາຍບ້ານທັງ 3 ບ້ານ.

          ຕອນທ້າຍພິທີຄະນະປະທານແຂກຖືກເຊີນ ກໍ່ໄດ້ພ້ອມກັນເປີດປ້າຍພິທີປະກາດຮັບຮອງເອົາ 3 ບ້ານເປັນບ້ານປ້ອງກັນຊາດເຂັ້ມແຂງພ້ອມທັງລັ່ນຄອງ 9 ບາດເພື່ອຢັ້ງຢືນວ່າທັງ 3 ບ້ານ ປ້ອງກັນຊາດເຂັ້ມແຂງ ແລະ ເປັນເມືອງທຳອິດຂອງແຂວງວຽງຈັນ. 

ຂ່າວ: ທຸລະຄົມ

Leave a Reply

Your email address will not be published. Required fields are marked *