ເຈົ້າເມືອງໆ ກາສີ ພ້ອມດ້ວຍຄະນະ ສົມທົບກັບກະສິກຳເມືອງວັງວຽງ ແລະ ເມືອງກາສີ ລົງຢ້ຽມຢາມ ສວນສາທິດກະສິກຳສະອາດ ທີ່ເມືອງກາສີ

          ໃນວັນທີ 22 ພະຈິກ ປີ 2017 ຜ່ານມາໂຄງການກະສິກຳສະອາດເພື່ອຫຼຸດຜ່ອນຄວາມເສຍຫາຍຈາກການທໍາລາຍພະຍາດ,  ແມງໄມ້ໃນພືດຕະກຸນຖົ່ວ ແລະ ພືດຕະກຸນກະລໍ່າໄດ້ລົງຢ້ຽມຢາມສວນສາທິດກະສິກໍາສະອາດຢູ່ທີ່ບ້ານຜາຊ້າງ, ເມືອງ ກາສີ, ແຂວງ ວຽງຈັນ.


         ໂດຍການເປັນປະທານຂອງທ່ານ ຄຳສົດ ເພັດລາວັນ ກຳມະການພັກແຂວງເລຂາພັກເມືອງເຈົ້້າເມືອງໆ ກາສີ,  ທ່ານ ດຣ ສະຣີນີ ຊ່ຽວຊານຈາກອົງການພືດຜັກໂລກ, ມີຫົວໜ້າຫ້ອງການກະສິກໍາ ເມືອງ ວັງວຽງ, ເມືອງ ກາສີຫົວໜ້າໂຄງການພ້ອມທີມງານ, ຕາງໜ້າຂະແໜງປູກຝັງແຂວງວຽງຈັນ, ບັນດາຊ່ຽວຊານຈາກປະເທດຫວຽດນາມ,ກຳປູເຈຍ,ໄທແລະຊ່ຽວຊານຈາກເຍຍລະມັນ ຈີໄອແຊດ, ຊາວສວນເມືອງ ກາສີ ເຂົ້າຮ່ວມ.

          ທ່ານ ຄຳສົດ ເພັດລາວັນ ກຳມະການພັກແຂວງເລຂາພັກເມືອງເຈົ້້າເມືອງໆ ກາສີໄດ້ກ່າວເປີດການຢ້ຽມຢາມພາກສະໜາມສວນສາທິດປູກພືດຖົ່ວ ແລະ ກະຫລໍ່າ ເພື່ອຫຼຸດຜ່ອນການນຳໃຊ້ສານເຄມີ

          ທ່ານ ສຸກຂະວົງ ໂຄດສີ ເມືອງ ຮອງຫົວໜ້າສູນພະແນກກະສິກໍາສະອາດຜູ້ປະສານງານໂຄງການໄດ້ຂຶ້ນລາຍງານເຖິງວຽກງານໂຄງການທີ່ພັກ ແລະ ລັດຖະບານໃຫ້ຄວາມສໍາຄັນເຊິ່ງໄດ້ເນັ້ນຢູ່ໃນກອງປະຊຸມໃຫຍ່ຄັ້ງທີ  8-9-10 ແລະ ພາກສ່ວນທີ່ກ່ຽວຂ້ອງໂດຍສະເພາະກົມປູກຝັງ ຫຼື ສູນພັດທະນາກະສິກໍາສະອາດເປັນຜູ້ຈັດຕັ້ງປະຕິບັດຜັນຂະຫຍາຍ ແລະ ໃຫ້ການສະໜັບສະໜູນການຜະລິດກະສິກໍາສະອາດໃນຂົງເຂດຕ່າງໆທີ່ເໝາະສົມໃຫ້ເປັນເຂດແບບຢ່າງໃນການຜະລິດກະສິກໍາສະອາດ, ຜັກສົດ, ປອດສານຜິດເຄມີພ້ອມທັງສາມາດສົ່ງຂາຍພາຍໃນ ແລະ ຕ່າງປະເທດໄດ້ ຜູ້ບໍລິໂພກຕ້ອງມີສຸຂະພາບແຂງແຮງດີ ສະພາບແວດລ້ອມບໍ່ຖືກທໍາລາຍ.

          ທ່ານ ດຣ ສະຣີນີ ຊ່ຽວຊານຈາກອົງການພືດຜັກໂລກຍັງໄດ້ແນະນຳ ຊາວສວນ ເຖິງວິທີການປາບສັດຕູພືດແບບໃຊ້ກັບດັກ, ເຫຍື່ອລໍ້ແມງໄມ້ຂ້າແມງໄມ້ພ້ອມນັ້ນ ຍັງໄດ້ນຳພາຂະບວນລົງຢ້ຽມຢາມສວນສາທິດກະສິກໍາສະອາດຄື: ສວນກະລໍ່າຂອງກຸ່ມບ້ານຜາຊ້າງ.ຈາກນັ້ນບັນດາຊ່ຽວຊານຍັງຂຶ້ນແລກປ່ຽນຄຳຄິດຄຳເຫັນນຳຊາວສວນທິປະຕິດບັດຕົວຈິງ

55578747 ໝອນແກ້ວ

Leave a Reply

Your email address will not be published. Required fields are marked *