ຄະນະອຳນວຍການເຂື່ອນໄຟຟ້ານ້ຳງື່ມ – 1, ລົງເຄື່ອນໄຫວກິດຈະກຳວຽກງານສິ່ງແວດລ້ອມທີ່ ໂຮງຮຽນ ມສ ແກ້ວກູ້, ເມືອງແກ້ວອຸດົມ

          ວັນທີ 27/10/2017, ຄະນະອຳນວຍການເຂື່ອນໄຟຟ້ານໍ້າງື່ມ-1 ພ້ອມດ້ວຍທີມງານ ປະຕິບັດກິດຈະກຳວຽກງານ ສິ່ງແວດລ້ອມ ແລະ ສັງຄົມ ທີ່ ໂຮງຮຽນ ມັດທະຍົມສົມບູນ ແກ້ວກູ່, ເມືອງແກ້ວອຸດົມ, ​ແຂວງວຽງຈັນ.​ ໃນງານດັ່ງກ່າວ ມີ ທ່ານ ຮອງຫົວໜ້າຫ້ອງການສຶກສາເມືອງ, ທ່ານ ຜູ້ຕາງໜ້າຈາກຫ້ອງການ ສຶ່ງແວດລ້ອມ ເມືອງ, ຄະນະເຂື່ອນໄຟຟ້ານໍ້າງື່ມ-1, ທີມງານຈາກສຳນັກງານໃຫຍ່ບໍລິສັດຜະລິດ-ໄຟຟ້າລາວ ມະຫາຊົນ, ຄະນະອຳນວຍການໂຮງຮຽນ ພ້ອມດ້ວຍ ຄູ-ອາຈານ ແລະ ນັກຮຽນ ລວມທັງໝົດ ປະມານ 400 ຄົນ.

          ຈູດປະສົງ ແມ່ນ ເຜີຍແຜ່ ແລະ ປຸກລະດົມກ່ຽວກັບການຮັກສາສິ່ງ ແວດລ້ອມ ແລະ ທັງເປັນການມອບອຸປະກອນກີລາ, ອຸປະກອນການສຶກສາ ພ້ອມກັບ ຖັງ ຂີ້ເຫຍື້ອ, ລວມເຖິງກິດຈະກຳຖາມ – ຕອບ ກ່ຽວກັບສິ່ງແວດລ້ອມເພື່ອລຸ້ນຮັບຂອງທີ່ລະນຶກຕ່າງໆ

Leave a Reply

Your email address will not be published. Required fields are marked *