ຊາວໜຸ່ມຫຼາຍບັນດາຫ້ອງການ ເມືອງທຸລະຄົມ ເຂົ້າຮ່ວມຂະບວນການບໍລິຈາກເລືອດ

          ເພື່ອເປັນການປະກອບສ່ວນເຂົ້າໃນການຊ່ວຍເຫຼືອສັງຄົມ ໂດຍສະເພາະແມ່ນບັນຫາການຂາດແຄນເລືອດສຳລັບຜູ້ປ່ວຍຢູ່ບັນດາໂຮງໝໍ, ສຸກສາລາຕ່າງໆໃນຂອບເຂດທົ່ວປະເທດເວົ້າລວມ ເວົ້າສະເພາະແຂວງວຽງຈັນກໍ່ຄືເມືອງທຸລະຄົມ

          ໃນຕອນເຊົ້າຂອງວັນທີ 20 ກັນຍາ 2017 ຊາວໜຸ່ມ ບັນດາຫ້ອງການໃນທົ່ວເມືອງທຸລະຄົມແຂວງວຽງຈັນ ໄດ້ເຂົ້າຮ່ວມຄະບວນການບໍລິຈາກເລືອດຢູ່ທີ່ສະໂມສອນຂອງເມືອງທຸລະຄົມ.

           ໃຫ້ກຽດເຂົ້າຮ່ວມພິທີໃນຄັ້ງນີ້ ໂດຍແມ່ນທ່ານ  ທອງດີ ສີຫາປັນຍາ ຮອງເລຂາພັກເມືອງ ປະທານກວດກາພັກ-ລັດເມືອງທະລະຄົມ, ມິ ດຮ ບຸນເນົາ ພະຈອມພົນ ຫົວໜ້າອົງການກາແດງແຂວງວຽງຈັນ, ມີສະມາຊິກຊາວໜຸ່ມ-ໄວໜຸ່ມຫລາຍບັນດາຫ້ອງການໃນທົ່ວເມືອງທຸລະຄົມເຂົ້າຮ່ວມທັງໝົດ 127 ຄົນ, ຍີງ 54 ຄົນ.

          ໃນພິທີ່ດັ່ງກ່າວ ທ່ານ ບຸນນຳ ວົງທະຈັກ ຮອງຫົວໜ້າ ອົງການກາແດງ ແຂວງວຽງຈັນ ໄດ້ເລົ່າປະຫວັດຄວາມ ເປັນມາຂອງສູນເລືອດແຂວງວຽງຈັນພ້ອມກັບຄວາມໝາຍຄວາມສຳຄັນຂອງເລືອດແມ່ນສຳຄັນສຳລັບມະນຸດເຮົາ ເພາະເລືອດແມ່ນບໍ່ສາມາດຜະລິດໄດ້ສະນັ້ນທາງອົງການກາແດງລາວຈືງຕັ້ງສູນບໍລິຈາກເລືອດເພື່ອສັງຄົມ.ໃນນັ້ນມີຊາວໜຸ່ມຜູ້ທີ່ສະໝັກໃຈບໍລິຈາກ 16 ຄົນ, ຍີງ 4 ຄົນ 

          ຕອນທ້າຍພິທີ ທ່ານ ບຸນເນົາ ພະຈອມພົນ ຫົວໜ້າອົງການກາແດງແຂວງວຽງຈັນກໍ່ໄດ້ກ່າວຄຳຂອບໃຈທາງຄະນະການນຳຂອງເມືອງທຸລະຄົມທີ່ເຫັນໄດ້ຄວາມສຳຄັນຂອງພິທີໃນຄັ້ງນີ້ພິເສດແມ່ນໄດ້ກ່າວຄຳຂອບໃຈນຳຊາວໜຸ່ມຜູ້ທີ່ສະໝັກໃຈບໍລິຈາກເລືອດໃນຄັ້ງນີ້ ແລະ ຫວັງຢ່າງຍິ່ງວ່າການບໍລິຈາກເລືອດຂອງບັນດາທ່ານຈະເປັນພົນບຸນອັນປະເສີດແກ່ຜູ້ບໍລິຈາກເລືອດ ແລະ ຜູ້ຮັບເລືອດຕື່ມອີກ

ຂ່າວ: ເມືອງທຸລະຄົມ

Leave a Reply

Your email address will not be published. Required fields are marked *