ຄະນະກວດກາພັກ – ລັດແຂວງວຽງຈັນ ລົງແນະນຳການຈັດຕັ້ງປະຕິບັດແຈ້ງຊັບສິນຂອງພະນັກງານ – ລັດຖະກອນ ຢູ່ທີ່ເມືອງທຸລະຄົມ ແຂວງວຽງຈັນ.

ເພື່ອປະຕິບັດຕາມບົດແນະນຳຂອງອົງການກວດກາລັດຖະບານສະບັບເລກທີ 46/ອກລ ລົງວັນທີ 7 ສິງຫາ 2017 ວ່າດ້ວຍການປະຕິບັດດຳລັດແຈ້ງຊັບສິນຂອງລັດຖະບານ ແລະ ປະຕິບັດຕາມແຈ້ງການຂອງຄະນະກວດກາແຂວງວຽງຈັນ ເລກທີ71/ພກ ລຂ.ວຈ ລົງວັນທີ 12 ກັນຍາ 2017 ວ່າດ້ວຍກະກຽມ ແລະ ດຳເນີນກອງປະຊຸມ ແນະນຳການຈັດຕັ້ງປະຕິບັດ ການແຈ້ງຊັບສິນພະນັກງານລັດຖະກອນທົ່ວເມືອງທຸລະຄົມ ງວດທີ II ປີ 2017

ໃຫ້ກຽດເຂົ້າຮ່ວມໂດຍທ່ານ ທອງດີ ສີຫາປັນຍາ ຮອງເລຂາພັກເມືອງ ປະທານກວດກາພັກ – ລັດເມືອງທຸລະຄົມ, ມີ ທ່ານ ວົງສະໃໝ ເລັ່ງຊົ່ງປ່າວ ຮອງປະທານກວດກາພັກ-ລັດແຂວງວຽງຈັນ, ມີຄະນະປະຈຳພັກເມືອງ, ກຳມະການພັກເມືອງ, ຫົວໜ້າຫ້ອງການ, ອຳນວຍການໂຮງຮຽນ, ລັດວິສາຫະກິດ, ເຂົ້າຮ່ວມຢ່າງພ້ອມພຽງ.


ທ່ານ ວົງສະໃໝ ເລັ່ງຊົ່ງປ່າວ ຮອງປະທານກວດກາພັກ-ລັດແຂວງວຽງຈັນ ໄດ້ຜ່ານເອກະສານດຳລັດຂອງລັດຖະບານວ່າດ້ວຍການແຈ້ງຊັບສິນ ໃຫ້ແຕ່ລະບັນດາຫ້ອງການໃນທົ່ວເມືອງໄດ້ຮັບຮູ້ ແລະ ເຂົ້າໃຈກ່ຽວກັບການແຈ້ງຊັບສິນໃນງວດ II ຂອງເມືອງທຸລະຄົມ.

ໃນຕອນທ້າຍເພື່ອໃຫ້ວາລະກອງປະຊຸມດັ່ງກ່າວມີຄວາມໜາຍຄວາມສຳຄັນ ຍັງໄດ້ຮັບຟັງການໂອ້ລົມຂອງ ທ່ານ ທອງດີ ສີຫາປັນຍາ ຮອງເລຂາພັກເມືອງ ປະທານກວດກາພັກ-ລັດເມືອງທຸລະຄົມຕື່ມອີກ.

ຂ່າວ : ເມືອງ ທຸລະຄົມ

Leave a Reply

Your email address will not be published. Required fields are marked *