ເຈົ້າແຂວງໆ ອວຍພອນບຸນປີໃໝ່ລາວ ພ.ສ 2560


ທ່ານ ວີດົງ ໄຊຍະສອນ ກຳມະການສູນກາງພັກ,ເລຂາພັກແຂວງ, ເຈົ້າແຂວງໆວຽງຈັນ ໄດ້ກ່າວໃນພິທີສະເຫຼີມສະຫຼອງປີໃໝ່ລາວ ພສ 2560 ທີ່ສະໂມສອນໃຫຍ່ຂອງ ຂ.ວ.ຈ ໃນມື້ນີ້(6/4/2017)
ໃນນັ້ນ ທ່ານໄດ້ສະແດງຄວາມຍ້ອງຍໍຊົມເຊີຍ ມາຍັງພະນັກງານ,ທະຫານ,ຕຳຫຼວດ ພ້ອມດ້ວຍພໍ່ແມ່ປະຊາຊົນບັນດາເຜົ່າ,ຜູ້ຊົງຄຸນວຸດທິ ໃນທົ່ວແຂວງ ທີ່ໄດ້ພ້ອມກັນສູ້ຊົນປະຕິບັດແຜນພັດທະນາເສດຖະກິດ-ສັງຄົມ ຕາມແນວທາງນະໂຍບາຍຂອງພັກ-ລັດ ມີຜົນສຳເລັດຫລາຍດ້ານ ໂດຍສະເພາະ ແມ່ນຮັບປະກັນສະຖຽນລະພາບທາງດ້ານການເມືອງ,ເສດຖະກິດຂະຫຍາຍຕົວ,ຊີວິດການເປັນຢູ່ຂອງປະຊາຊົນດີຂຶ້ນກວ່າເກົ່າ ຊຶ່ງພົ້ນເດັ່ນ ແມ່ນ ຂ.ວ.ຈ ໄດ້ ມີຜົນສຳເລັດໃນການເປັນເຈົ້າພາບຈັດກອງປະຊຸມໂຕະມົນ ໃນຫົວຂໍ້ ການຈັດຕັ້ງປະຕິບັດແຜນພັດທະນາເສດຖະກິດ- ສັງຄົມຂອງຊາດຄັ້ງທີ 8 (2016-2020) ເຮັດໃຫ້ສາກົນມີຄວາມເຊື່ອໝັ້ນຫຼາຍຂຶ້ນ.

ພ້ອມນີ້ທ່ານຍັງ ໄດ້ຮຽກຮ້ອງມາຍັງພະນັກງານ,ທະຫານ,ຕຳຫຼວດແລະການນຳທຸກຂັ້ນ ຈົ່ງສືບຕໍ່ສາມັກຄີພ້ອມພຽງຮຽງໜ້າກັນ ເປັນປຶກແຜ່ນແລະເປັນກຳລັງແຮງອັນແຂງແກ່ນ ປະຕິບັດໜ້າທີ່ການເມືອງທີ່ມີກຽດຂອງຕົນ ເພື່ອປະກອບສ່ວນເຂົ້າໃນການພັດທະນາແຂວງວຽງຈັນ ຕາມມະຕິກອງປະຊຸມໃຫຍ່ຄັ້ງທີ 10 ຂອງພັກ ແລະ ແຜນການ 5 ປີ (2016-2020) ໃຫ້ປະສົບຜົນສຳເລັດອັນຍິ່ງໃຫຍ່ກວ່າເກົ່າ.
ສ້າງບາດກ້າວອັນໜັກແໜ້ນທາງດ້ານການພັດທະນາເສດຖະກິດ-ສັງຄົມໃຫ້ມີຄວາມເຂັ້ມແຂງ ແລະ ມີຄວາມຮັບປະກັນທາງດ້ານຄຸນນະພາບ ເພື່ອເຂົ້າຮ່ວມປະຊາຄົມເສດຖະກິດອາຊຽນຢ່າງໜັກແໜ້ນ ເຮັດໃຫ້ ຂ.ວ.ຈ ສາມາດຫຼຸດພົ້ນອອກຈາກຄວາມດ້ອຍພັດທະນາໃນປີ2020,ປະຊາຊົນມີລາຍຮັບສະເລ່ຍ ປານກາງ-ສູງໃນປີ2025.ທ່ານຍັງໄດ້ອວຍພອນໄຊໃຫ້ການນຳພັກ-ລັດ,ພ.ງການນຳ,ພ.ງບຳນານ,ທະຫານ,ຕຳຫຼວດແລະປະຊາຊົນທຸກຖ້ວນໜ້າ ຈົ່ງປະສົບຜົນສຳເລັດ,ມີສຸຂະພາບແຂງແຮງ,ມີຄວາມສຸກໃນຊີວິດສ່ວນຕົວແລະຄອບຄົວ.

Leave a Reply

Your email address will not be published. Required fields are marked *