ແຂວງວຽງຈັນເປີດຂະບວນການຜະລິດລະດູແລ້ງ2018-2019

ຕົ້ນເດືອນ ພະຈິກ 2018 ທີ່ຜ່ານມາ ແຂວງວຽງຈັນໄດ້ເປີດຂະບວນການຜະລິດລະດູແລ້ງຂຶ້ນ ຢູ່ທີ່ເມືອງທຸລະຄົມ ໂດຍການເປັນກຽດເຂົ້າຮ່ວມ ຂອງທ່ານ ທອງວັນ ວິໄລເຮືອງ ຄະນະນຳກະຊວງກະສິກຳ ແລະ ປ່າໄມ້, ມີ ທ່ານເສດໄຊ ວິໄລໄຟ ກຳມະການພັກແຂວງເລຂາພັກເມືອງເຈົ້າເມືອງທຸລະຄົມ, ມີບັນດາທ່ານຄະນະຊຸກຍູ້ຂັ້ນກະຊວງ, ຂັ້ນແຂວງ, ຫ້ອງການກະສິກຳແລະປ່າໄມ້ເມືອງ, ກຸ່ມການຜະລິດກະສິກຳແລະກຸ່ມຊາວນາເຂົ້າຮ່ວມ.

 

ທ່ານ ພູວົງ ບຸນຊູ ຫົວຫນ້າພະແນກກະສິກຳແລະປ່າໄມ້ແຂວງວຽງຈັນໄດ້ຂຶ້ນຜ່ານບົດລາຍງານການເປີດຂະບວນການຜະລິດລະດູແລ້ງ2018-2019ນີ້ມີກິດຈະກຳທີ່ຈະໄດ້ພ້ອມກັນປະຕິບັດມີທັງຫມົດ 5 ກິດຈະກຳຄື: ກິດຈະກຳເປີດປະຕູນ້ຳຊົນລະປະທານໃສ່ນາ, ກິດຈະກຳສັກຢາກັນພະຍາດໃຫ້ສັດລ້ຽງ, ກິດຈະກຳໄຖກົບຕໍເຟືອງໃນໄຮ່ນາ, ກິດຈະກຳຂົນຝຸ່ນຄອກລົງໃສ່ນາ ແລະ ກິດຈະກຳຂະຫຍາຍເນື້ອທີ່ນາໄຮ່ນ້ອຍເປັນນາໄຮ່ໃຫຍ່ ໂດຍການນຳໃຊ້ກົນຈັກ.

 

ທັງນີ້ ກໍເພື່ອແນໃສ່ປົກປັກຮັກສາແລະຂະຫຍາຍເນື້ອທີ່ການຜະລິດ ແລະ ທັງເປັນການຊຸກຍູ້ການຜະລິດລະດູແລ້ງ ເພື່ອສຸມໃສ່ໄກ້ໄຂໄພພິບັດທີ່ເກີດຂື້ນໃນໄລຍະຜ່ານມາ ໃຫ້ຄືນສູ່ສະພາບປົກກະຕິໂດຍໄວ ແລະ ທັງເປັນການສືບຕໍ່ຊຸກຍູ້ການບົວລະບັດຮັກສາ ແລະ ເກັບກູ້ຜົນຜະລິດເຂົ້ານາປີໃນເນື້ອທີ່ທີ່ຍັງເຫລຶອ 50.318 ເຮັກຕ່າ, ເນື້ອທີ່ພືດຍັງເຫລືອ 24.106 ເຮັກຕ່າ ແລະ ເລັ່ງໃສ່ການປະຕິບັດແຜນການຜະລິດລະດູແລ້ງ 2018-2019 ນາແຊງໃຫ້ບັນລຸ 10ພັນ ເຮັກຕ່າ ແລະ ເນື້ອທີ່ປູກພືດ 22.500 ເຮັກຕາ.

ດັ່ງນັ້ນ ແຂວງວຽງຈັນແມ່ນໄດ້ເລັ່ງໃສ່ເມືອງທຸລະຄົມສຸມໃສ່ການຜະລິດລະດູແລ້ງໃນນື້ອທີ່ນາແຊງ6000ເຮັກຕ່າ ແລະ ເນື້ອທີ່ປູກພືດຕ່າງໆ2500ເຮັກຕ່າ ແລະ ເລັ່ງສ້ອມແປຊົນລະປະທານ9ໂຄງການເພື່ອຕອບສະຫນອງນ້ຳໃຫ້ແກ່ການຜະລິດລະດູແລ້ງ2018-2019.

 

 

ພາບ ແລະ ຂ່າວ : ຄຳຂຽນ ນັກຂ່າວແຂວງວຽງຈັນ.

Leave a Reply